ინედია_ბრეთანიარიზმი ანუ მზის ენერგიით კვება

ინედიელობა გულისხმობს სხეულის სასიცოცხლო აქტივობის შენარჩუნებას საკვების გარეშე. ეს კონცეფცია არახალია, მრავალი ათასი წლის განმავლობაში მსოფლიოს სხვადასხვა კულტურები აღწერდნენ ადამიანის შესაძლებლობას იარსებოს საკვების გარეშე. მაგალითად, იოგა სუტრას მესამე წიგნში აღწერილია ექსტრაორდინალური უნარის-25 სიდჰის პრაქტიკა. სიდჰებს მიეწერება მრავალი რამ: ნათელხილვა, ფსიქოკინეზი, ასევე შიმშილისა და წყურვილისგან სრული განთავისუფლება.

გამოუცნობი გოლიათები ამერიკის კონტინენტზე

 

ამერიკის ტერიტორიაზე მოპოვებული გოლიათთა ნაშთების რუკა (შეადგინა კ.ჰოლმა) 
 

უძველესი დროიდან ყველა კულტურაში დადიოდა ლეგენდები გოლიათებზე, რომლებსაც ჩვენი შორეული წინაპრები ხედავდნენ და თაყვანსაც სცემდნენ როგორც ღმერთებს. მათზე საუბარია ბიბლიაშიც, მაგრამ ისინი, როგორც ჩანს, დროში გაუჩინარდნენ და ახლა მათზე მოარულ ამბებს მითებად ყვებიან. 

არსებობდა თუ არა ნამდვილად გოლიათთა რასა? ამის შესახებ ბევრი თეორია და სავარაუდო მტკიცებულება არსებობდა, რომელსაც დროდადრო გათხრების დროს მიწიდან იღებდნენ ჩონჩხის სახით. ამ ჩონჩხებიდან არცერთს მოუღწევია ჩვენამდე ამა თუ იმ მიზეზის გამო, ან მალავდნენ მუზეუმების სარდაფებში.

შვიდი "ეშმაკის გოდოლი" დედამიწაზე

ასი წელია, რაც ეს საკითხი არ ასვენებს მისტიკოსებს. ბევრი მკვლევარი აღნიშნავს, რომ დედამიწაზე არის ადგილები, რომელსაც აქვს დადებითი ან უარყოფითი ენერგეტიკა. ასეთ ადგილებს უწოდებენ ძალის ადგილებს. ისინი ძირითადად მდებარეობს იქ, სადაც მოხდა ტექტონიკური ფილების რღვევა ან ციური სხეულების ვარდნა.

არსებობს კონცეფცია-საკრალური გეოგრაფია, რომელიც შეისწავლის არამარტო გეოგრაფიულ ობიექტებს, არამედ დადებითი და უარყოფითი ენერგიის მომცველი ძალის ადგილებს. იმ ადგილებს, სადაც ხდება დედამიწის ქერქის გადაადგილება, მდებარეობს ძველი ვულკანური კრატერები, ტექტონიკური ნასხლეტები, მყინვარები ან მოხდა ციური სხეულების ვარდნა. იქ, ღრმა ფენების ძალა არღვევს თავისი საკუთარ საზღვარს და ძლიერ გავლენას ახდენს მიმდინარე მოვლენებზე.

რატომ ხედავენ ადამიანები უცნაურ არსებებს ფსიქოდელების მიღების შემდეგ?

დიმეთილტრიპტამინი (დმთ) შესაძლოა ყველაზე ძლიერი ფსიქოდელური პრეპარატია, რომელსაც ძალუძს გამოიწვიოს ჰალუცინაციები. მას გამოიმუშავებს ადამიანის ეპიფიზი სწრაფი ძილის დროს. დმთ-ს შეიცავს ასევე ზოგიერთი მცენარე. 

ეპიფიზი დიდი ხანია წარმოდგენს გამოცანებისა და სპეკულაციის წყაროს. ჩვ.წ.აღ-მდე მე-3 საუკუნეში ბერძენმა მკურნალმა ჰეროფილემ ეპიფიზს უწოდა ტვინის ერთადერთი წყვილგარეშე ორგანო. მეცნიერებმა  მე-20 საუკუნეში გაარკვიეს, რომ ჯალღუზისებრი ჯირკვალი არის მნიშვნელოვანი ენდოკრინული ორგანო. ის ფარულად გარდაქმნის ნეირომედიატორ სერატონინს, რომელიც აუცილებელია უმაღლესი კოგნიტური პროცესებისათვის მელატონინის ჰორმონში და ასრულებს გადამწყვეტ როლს ძილის  აქტივაციისას. საბოლოოდ, 1980 წელს ნეიროქიმიკოსმა ჯეიმს კალავეიმ ივარაუდა, რომ  ეპიფიზის მელატონინი გარდაიქმნება დმთ-დ უშუალოდ სწრაფი ძილის ფაზის წინ. შესაძლოა სწორედ  ეს ენდოგენური ფსიქოაქტიური მოლეკულები ქმნიან ჩვენ სიზმრებს.

"ეშმაკის ჭის" საიდუმლო იემენში ამოხსნილია

ხახადაღებული ორმო უდაბნოში უხსოვარი დროიდან შიშის ზარს სცემდა ადგილობრივ მოსახლეობას. ბარჰაუთი-ასე უწოდეს ამ ორმოს, რომელიც მდებარეობს იემენში. ბარჰაუთი ნიშნავს ჯინებს ანუ სულებს. ჭა მილიონი წლისაა, ამიტომ ლეგენდები მის შესახებ ისლამის გავრცელებამდე გაჩნდა. მუსლიმთა წმინდა ისტორიაში წერია, რომ მუჰამედმა ბარჰაუთს უწოდა დედამიწაზე ყველაზე საშინელი წყლის წყარო იმის გამო, რომ მასში ცხოვრობენ ჯინები ურწმუნო სულებთან ერთად. მოსახლეობის დიდ ნაწილს სჯერა, რომ ალ-მაჰრას უდაბნოში მდებარე ბარჰაუთი ჯოჯოხეთში შესასვლელია.

თეთრი პირამიდა სიანი_ჩინეთი მასზე ბევრ რამეს მალავს

საიდუმლოებით მოცულ თეთრ პირამიდაზე ბევრს ლაპარაკობენ, ჩინეთის ხელისუფლება კი მის შესახებ ყველაფერს მალავს. ჩინური თეთრი პირამიდის არსებობაზე დასავლეთში პირველად შეიტყვეს მე-20 საუკუნის 40-იან წლებში მფრინავი ჯეიმს ჰაუსმანისგან, რომლის თქმით, ქალაქ სიანის მახლობლად დაინახა პირამიდის მსგავსი თეთრი ფერის ნაგებობა. ეს მოხდა 1945 წელს, როცა ის დაფრინავდა ინდოეთსა და ჩინეთს შორის. ფრენის დროს ჰაუსმანმა კარგად დაინახა მრავალი ძვირფასი ქვით მოკაშკაშე პირამიდის წვერი. მფრინავის თქმით, პირამიდა იმდენად უზარმაზარი ჩანდა, რომ სავარაუდოდ ყველაზე დიდი ზომის უნდა ყოფილიყო მსოფლიოში. უფრო მეტიც, იმავე ველზე, ისევ ქალაქ სიანის მახლობლად თვალი მოჰკრა მომცრო ზომის კიდევ ათეულ პირამიდას.

იდუმალი ქალაქი კერ-ისი_ლეგენდა თუ რეალობა

კერ-ისი-ერთ-ერთი ყველაზე გამოუცნობი წყალქვეშა ქალაქი, რომელიც ჩაიძირა საფრანგეთის ჩრდილო-დასავლეთ სანაპიროზე დაახლოებით მე-5 საუკუნის პირველ ნახევარში. ქალაქი დაარსა და  სამეფოს დედაქალაქად აქცია გრადლონ დიდმა, რომელიც მართავდა ახლანდელ ბრეტონს შორეულ წარსულში.

გადმოცემის თანახმად, კერ-ისი ფერიებმა ააშენეს და მათ ეკუთვნოდა, მაგრამ ისინი კეთილგანწყობილი იყვნენ გრადლონისადმი და დაუთმეს საკუთარი სამფლობელოს ნაწილი მას. ქალაქი თვალსადახელშუა გაიზარდა. მალე, კელტურ მიწებზე სიმდიდრითა და სილამაზით მისი ბადალი ქალაქი არ მოიძებნებოდა. ზღვის მხრიდან ქალაქს დამბა და კაშხალი იცავდა, რომლის ჩასაკეტ გასაღებს მეფე კისერზე ჩამოკიდებულს ატარებდა.

წინასწარმეტყველი მხატვარი_ბენჟამენ პარავიჩინი

საყოველთაოდ ცნობილია, რომ წინასწარმეტყველები  ხდებიან არა მხოლოდ ღვთისმოსავი სასულიერო პირები, არამე ხელოვანები და მწერლებიც. მათ უხილავი, ზებუნებრივი ძალა კარნახობს ნახატებისა და თხზულებების სიუჟეტებს. არგენტინელი მხატვრის ბენჟამენ სოლარი პარავიჩინისთვის ეს მოვლენა გახდა არამარტო შთაგონება, არამედ ნათელმხილველური ნიჭის გამოვლენის საშუალება. "ის მოულოდნელად შეპყრობილივით იწყებდა ცახცახს, სტაცებდა ფანქარს ხელს და ფანქარი თითქოს თავად ატარებდა ხელს ქაღალდზე, თითქოს ვიღაც რაღაცას კარნახობდა მას"-ყვებოდა ბენჟამენის მამა ჯერ კიდევ მის სიცოცხლეში.

ჩეშირელი წინასწარმეტყველი რობერტ ნიქსონი

რობერტ ნიქსონი დაიბადა მე-15 საუკუნეში, ინგლისის ქალაქ ჩეშირში, გაკოტრებული ფერმერის ოჯახში. ბიჭი გონებრივად ჩამორჩენილი იყო,  დიდი თავისა და გადმოკარკლული თვალების გამო, ბავშვს დასცინოდნენ. ლაპარაკის დროს იყენებდა მხოლოდ ორ სიტყვას: "დიახ", "არა". ყველაფრის მიუხედავად ნიქსონი შევიდა ისტორიაში როგორც ჩეშირელი წიანასწარმეტყველი.

მგელი_მგელ ძაღლის სიმბოლო

მგელი, მგელ-ძაღლი არის ძალის სიმბოლო. ის იმყოფება ორი სამყაროს ზღვარზე. შეგვახსენებს, რომ ადამიანში ცხოვრობს ველური ძალა და არის თავისუფლების ტოტემი. მგელი გვასწავლის თავისუფლების სიყვარულს, თავისუფალ ცხოვრებას შინაგანი შეზღუდვების გარეშე. მგელი ყოველთვის იყურება შიგნით და შემდეგ გარეთ.

სუფისტ-დერვიშთა ორდენები

 აზიის დასავლეთში არსებობს უამრავი მისტიკური სექტა, რომელიც ჩაისახა ისლამში. მათში ყველაზე ცნობილია  დერვიშთა ორდენები. დერვიშთა საძმოში არსებობს თორმეტი მთავარი ორდენი. ყოველი ორდენში სათავეში დგას მასწავლებელი, რომლის მიმართ ყველა ერთგულებას გამოთქვამს. ორდენის წევრად მიღებისას ტარდება ინიციაციის რიტუალი. დერვიშთა სულიერ საძმოებს დიდი პატივისცემით ეპყრობიან. დერვიშებად ითვლებიან ისინი, ვისაც ზებუნებრივი უნარები გააჩნიათ და მათ მიმართავენ თხოვნით, კითხვებით, რომლის გადაწყვეტას სჭირდება განვითარებული ინტუიცია.

საიდუმლო საზოგადოება "ტულე"

1918 წელს მიუნჰენში შეიქმნა ოკულტურ-პოლიტიკური საზოგადოება ტულე, რომლის მიზანი გერმანული სიძველეების შესწავლა გახლდათ. სწორედ მას უკავშირდება მესამე რაიხის იდეოლოგიის საწყისი. ამ საზოგადოებასთან დაკავშირებულმა პირებმა შეიტანეს მნიშვნელოვანი წვლილი გერმანიის მუშათა პარტიის შექმნაში, რომელიც შემდეგ იქცა გერმანიის ნაციონალ-სოციალისტურ მუშათა პარტიად. ნაცისტთა მისალმება ზიგ ჰაილ პირველად გამოიყენეს საზოგადოება ტულეში. ტულე თავდაპირველად ცნობილი იყო როგორც გერმანული ორდენი.

სახელწოდება ტულე დაკავშირებულია ბერძნული ლეგენდებიდან ცნობილ მითიურ ჩრდილოეთის ქვეყანასთან ჰიპორბორეა. ნაცისტი მისტიკოსების აზრით, ტულე იყო ჰიპორბორეის დედაქალაქი, რომელიც მდებარეობდა უკიდურეს ჩრდილოეთში.

გველი_როგორც სიმბოლო

გველი-სიმბოლოებიდან უნივერსალური, რთული და ამავე დროს, ყველაზე გავრცელებული და ძველი სიმბოლო. გველის, გველეშაპის სახე ბევრ ძველ გადმოცემასა და ლეგენდაში ფიგურირებს, სადაც ის მისტიკური შარავანდედითაა მოსილი, ერთდროულად იწვევს პატივისცემასა და შიშს. ხშირად გველი და გველეშეპი ურთიერთმონაცვლეა, ხოლო შორეულ აღმოსავლეთში მათ არ განასხვავებენ. 

გველის სიმბოლო მრავალშრიანია და სემანატიკურად ღრმა.  განასახიერებს როგორც მამაკაცურ, ასევე ქალურ და ამასთან ანდროგინულ საწყისსაც. ის გახლავთ მკვეთრად გამოხატული ფალოსური სიმბოლო, მამაკაცური ძალა. გველი უჭირავს ხელში ყველა ქალღმერთს ან გარს ახვევია მას, მათ შორის, დიდ დედა ღვთაებას. გველი იძენს ქალურ თვისებებს, როგორიცაა: იდუმალება, ინტუიცია და ამავე დროს, არაპროგნოზირებადობაც, ვინაიდან მოულოდნელად ჩნდება და ქრება.

მეცნიერები ადასტურებენ, რომ დედამიწის ბირთვში ცხოვრობენ ადამიანები

 ჯერ კიდევ 2012 წელს ამერიკელმა მეცნიერ-ფიზიკოსმა ბრუქს ენდრიუმ განიზრახა ექსპედიციის ჩატარება ჩრდილოეთ პოლუსზე, ვინაიდან  მიაჩნდა, რომ იქ უნდა ყოფილიყო ჩასასვლელი მიწისქვეშა სამყაროში. ის იზიარებდა ღრუ დედამიწის თეორიას, სადაც უნდა ეარსება საკუთარ ცას და საკუთარი მზეს. ამის შესახებ მან ეგვიპტური მითებიდან შეიტყო, სადაც ნახსენებია მიწისქვეშა მზე როგორც "შუაღამის მზე". მეცნიერი ეგვიპტის მითების კვლევის საკითხს თანამედროვე ფიზიკის, კოსმოლოგიის, შემეცნებისა და დროში მოგზაურობის კუთხით უდგებოდა. მისი აზრით, აბიდოსში ნაპოვნი ხელნაწერების მიხედვით, ეგვიპტელები მოსალოდნელ კატასტროფებს გაექცნენ, რომლის შესახებ წინასწარ იცოდნენ და ამიტომ  გადაინაცვლეს მიწისქვეშა სამყაროში. ბრუქს ენდრიუ ახსენებდა მიწისქვეშა ქალაქ დამენჰურს, სადაც თითქოს ეგვიპტელები უნდა წასულიყვნენ. მისი აზრით, იქ დრო შენელებას იწყებს სინათლის სხივის სიჩქარესთან შეფარდებით. მსგავს თეორიას გამოთქვამდნენ ამერიკის კონტინენტზე მცხოვრებ ტოლტეკებთან დაკავშირებითაც. ტოლტეკები დროში გადანაცვლების უნარს ფლობდნენ და ამიტომ მოულოდნელად გაქრნენ. უცნობია შეძლო თუ არა ბრუქს ენდრიუმ საკმარისი სახსრების უქონლობის პირობებში საკუთარი პროექტის გახორციელება.

ერთწლიანი ლეთარგიული ძილის შემდეგ დაწერილი მომავლის წინასწარმეტყველება

 

"მომავლის წიგნი"-უნიკალური წიგნი, სადაც გადმოცემულია ლეთარგიულ ძილში მყოფი პოლ ამადეუს დინაჰის საოცარი განცდები. დინაჰი ამტკიცებდა, რომ უგონო მდგომარეობაში ყოფნისას აღმოჩნდა მომავალში და ურთიერთობა  ჰქონდა ადამიანებთან, რომლებმაც აუხსნეს რა მოხდებოდა უახლოესი ორი ათასი წლის განმავლობაში.

პოლ დინაჰი წარმოშობით  შვეიცარელი გერმანელი იყო. 1920 წელს ის დაავადდა იშვიათი დაავადებით-ლეთარგიული ენცეფალიტით, რომლის ეპიდემია მე-20 საუკუნის ოციან წლებში გავრცელდა მთელ მსოფლიოში. დააწვინეს ჰოსპიტალში, სადაც  იმყოფებოდა კომაში. გონზე მოსვლის შემდეგ, მან თქვა, რომ ფხიზლად იყო მთელი წელი სხვა ადამიანის სხეულში, რომელიც ცხოვრობდა მესამე ათსწლეულის ბოლოს. ერთი წლის შემდეგ, ექიმის რჩევით ის გაემგზავრა ათენში. საბერძნეთში ის სტუნდენტებს გერმანულ ენას ასწავლიდა.

ცნობადის ხე

ცნობადის ხე-სამყაროს ხის სახეცვლილება. ის საპირისპიროა ცხოვრების ხისა, რომელიც ბიბლიური ტრადიციით გახლავთ სიკეთისა და ბოროტის შემეცნების ხე და სიკვდილის მომასწავებელი. ბაბილონში იზრდებოდა ორი ხე-ცხოვრების ხე და ჭეშმარიტების ხე, რომელსაც ასევე საპირისპირო მნიშვნელობა ჰქონდა. 

ეგვიპტის მითოლოგიიდან ცნობილია სიკომორი, რომლზეც მიცვალებულთა წიგნის თანახმად, უნდა დაეშვას მიცვალებული ფრინველის სახით საცოცხლის ნაყოფით  ხელში; ვინც ამ ხის ტოტზე ჩამოჯდება ღმერთად იქცევა, ანუ შეიძენს ღვთიურ ცოდნას.

მისტიკოსი და წინასწარმეტყველი მონაზონი ჰილდეგარდ ფონ ბინგენი (ჰილდეგარდ ბინგენელი)

ჰილდეგარდ ფონ ბინგენი გახლავთ ყველა დროის და არამარტო შუა საუკუნეების ევროპელი ხალხის უნიკალური და ყველაზე ცნობილი გერმანელი მისტიკოსი ქალი და თავისი დროის ძალიან დაფასებული წინასწარმეტყველი. ჰილდეგარდი დაიბადა 1098 წელს ბინგენის მახლობლად (ახლანდელი მაინციდან 20 კმ-ში) არისტოკრატულ ოჯახში. ბავშვობიდან აწუხებდა თავის ტკივილები. მიეჩვია პატარაობიდან ტკივილების ატანას,  არ ტიროდა და ჩიოდა ამის გამო. ეშინოდა ეთქვა, რომ მტკივნეული შეტევების დროს ეწყებოდა უცნაური ხილვები. ხილვები კი მას სამი წლის ასაკიდან დაეწყო. როცა მშობლებმა ხილვების შესახებ შეიტყვეს, მიხვდნენ რომ გოგონა ღვთის მსახურებისთვის იყო მოვლენილი. 8 წლის ასაკში ის ბენედიქტელთა ორდენის ქალთა მონასტერში მიიყვანეს, სადაც მის აღზრდაზე ზრუნავდა დედა იუტა. ის ასწავლიდა ჰილდეგარდს ბიბლიას, გალობას და ბენედიქტელთა ლოცვებს, ლათინურ პატრისტიკას და ხელოვნებას.

კამბეის ცივილიზაცია_აღმოჩენილია ყველაზე უძველესი ცივილიზაცია მსოფლიოში

ინდოსტანის ჩრდილო-დასავლეთით, არაბეთის ზღვაში მდებარეობს კამბეის ყურე. უძველესი დროიდან ეს ყურე იყო მნიშვნელოვანი სავაჭრო ცენტრი. 2002 წელს კამბეის ყურეში აღმოაჩინეს უძველესი დასახლების ნანგრევები. ჩაძირული ქალაქი გამოიკვლიეს თანამედროვე ტექნიკის დახმარებით. წყლის ზედაპირზე ამოიღეს უამრავი არტეფაქტი. ყველაზე საოცარი კი ამ დასახლების ასაკი აღმოჩნდა, რომელიც ჩვ.წ.აღ-მდე 9500 წელს ითვლის.

არქეოლოგები ათეულობით წლების განმავლობაში იხილავდნენ ჰარაფას ცივილიზაციის წარმოშობას, რომელიც თანამედროვე პაკისტანისა და ინდოეთის ჩრდილო-დასავლეთ ტერიტორიაზე ყვაოდა 3000 წლის წინ ჩვ.წ.აღ-მდე. კამბეის ყურეში ჩატარებული კვლევების შედეგად ინდოელი მეცნიერები სენსაციური აღმოჩენის წინაშე დადგნენ. გაირკვა, რომ ჰარაფას ცივილიზაცია დაკავშირებული იყო მასზე უფრო ძველ კულტურასთან. ეს უძველესი კულტურა კი არსებობდა უკანასკნელი გამყინვარების დასასრულისთვის, რომელიც შემდეგ წყალმა დაფარა. ცნობისთვის, უკანასკნელი გამყინვარების ხანაში დაახლოებით 18 ათასი წლის წინ, ზღვის დონე ამ ტერიტორიაზე 130 მეტრით დაბალი იყო.

ნადი_ბედისწერის ბიბლიოთეკა ინდოეთში

ინდოეთში არსებობს ასტროლოგიური ბიბლიოთეკა ნადი. ნადი ძველ ტამილურ ენაზე ნიშნავს დანიშნულებას. პალმის საცავი ძირითადად ინდოეთში მდებარეობს, მაგრამ ნაწილი შრი-ლანკაშიცაა. სამყაროს ისტორია შესაქმედან მოყოლებული დატეულია პალმის ფოთლებისგან შემდგარ 3665 ტომში. თითეულ მათგანში დევს 365 ფირფიტისგან შექმნილი ბარათი.

ნადი-ასტროლოგია გახლავთ ჯოთიშის ცალკე მიმართულება. თავისთავად ჯოთიში (ჯოთი-სანსკრიტ. "სინათლე") ცნობილია როგორც ინდური ასტროლოგია. რეალურად ესაა მეცნიერება სინათლის არსზე, მის წარმოქმნაზე, სიბნელესთან ურთიერთობაზე და იმ კანონზომიერებებზე, რომელიც მათი ურთიერთობის შედეგად ჩნდება. ეს მეცნიერება მოიცავს არა მხოლოდ ასტროლოგიას, ნუმეროლოგიას, ქირომანტიას, არამედ წარსულის, აწმყოს და მომავლის ამოცნობის სხვა მეთოდებსაც, მაგ. ადამიანის გარეგნობით და სუნთქვითაც კი.

პარანორმალური მოვლენების მკვლევარ-მეცნიერი თომას ლეთბრიჯი

თომას ლეთბრიჯი გახლდათ ინგლისელი არქეოლოგი, პარაფსიქოლოგი, მკვლევარი და ამავე დროს ადამიანი, რომელსაც წინააღმდეგობრივი დამოკიდებულება ჰქონდა ბრიტანულ არქეოლოგიასთან. მას დიდი წვლილი მიუძღვის პარაფსიქოლოგიური კვლევების ისტორიაში, რომელიც მოიცავდა ისეთ თემებს, როგორიცაა: სიცოცხლე სიკვდილის შემდეგ, ბიოლოკაცია,  პოლტერგეისტი, დროის ბუნება და წინასწარმეტყველება. საკუთარი იდეები გადმოსცა წიგნების სერიაში, რომელიც გამოსცა სიცოცხლის ბოლოსთვის. კვლევების შედეგად, ტესლას მსგავსად მივიდა დასკვნამდე: "ის რაც დღეს წარმოადგენს მაგიას, ხვალ მეცნიერებად იქცევა". კოლინ უოლსონმა ლეთბრიჯს დაარქვა "პარანორმალური მოვლენების აინშტაინი". 

ლეონარდო და ვინჩი როგორც მისანი

 ლეონარდო და ვინჩი მართლაც უნივერსალური ადამიანი გახლდათ. თითქმის ყველა სფეროში მიაღწია მან პროფესიული წარმატების მწვერვალს: მხატვარი, მუსიკოსი, მწერალი, გამომგონებელი და მეცნიერი.

1499 წელს ლეონარდომ საფრანგეთის მეფე ლუდოვიკო XII-თან მილანში შეხვედრისთვის შექმნა მექანიკური ლომი, რომელსაც რამოდენიმე ნაბიჯის გადადგმის შემდეგ ეხსნებოდა გულმკერდი და იქიდან მოუჩანდა "შროშანებით სავსე" შიგნეულობა. დიდ მხატვარს ეკუთვნის სკაფანდრის, წყალქვეშა ნავის, თბომავლის გამოგონება. მანვე დაგვიტოვა ხელნაწერი, სადაც საუბარია გაზის განსაკუთრებული ნარევის გამოყენების შესახებ ( საიდუმლო შეგნებულად დაწვა) წყალქვეშ ყვინთვისთვის. ასეთ გამოგონებას აუცილებელად ესაჭიროებოდა  ადამიანის ორგანიზმში მიმდინარე ბიოქიმიური პროცესების ზედმიწევნით ცოდნა, რაც იმ დროს წარმოუდგენელი იყო. ლეონარდომ გამოიგონა ვერტმფრენი, ველოსიპედი, პარაშუტი, ტანკი, ტყვიამფრქვევი და ბევრი სხვა რამ. საოცარია, რომ გამოგონებულ მანქანებს და მოწყობილობებს, რომლის დამზადება იმ დროს შეუძლებელი იყო, დაწვრილებით აღწერდა.

სპარსეთის ყურეში აღმოჩნდა დაკარგული ცივილიზაციის ნაშთები

ძველი მითებიდან ვგებულობთ ინფორმაციას ახლო აღმოსავლეთში მომხდარი წარღვნის შესახებ. ამასვე  იმეორებს ბიბლიაც. სწორედ ბიბლიაშია ნახსენები ნოეს კიდობანი, რომლის აგების მიზანი გახლდათ კაცობრიობის მომავლის გადარჩენა.

არქეოლოგებისა და ანთროპოლოგების აზრით, სპარსეთის ყურის ზონაში წყლით დაიფარა ოდესღაც ნაყოფიერი მიწები, სადაც სავარაუდოდ 75-100 ათასი წლის წინ ცხოვრობდნენ ადამიანები აფრიკის კონტინენტს იქით.

ჰამსას სიმბოლო

ჰამსა უძველესი, დიდი ძალის მქონე სიმბოლოა, რომელსაც ხშირად იყენებენ ამულეტად. რთულია ამ სიმბოლოს საწყისი ფესვების პოვნა, ვინაიდან იუდაისტ, ქრისტიან და მუსლიმ მეცნიერებს არ გააჩნიათ ერთიანი აზრი ჰამსას მნიშვნელობის განმარტებისას. ეს სიმბოლო გამოსახულია თვალის სახით ხელისგულზე. მას საუკუნეების განმავლობაში ჰქონდა უამრავი სხვა სახელი. ზოგიერთი მეცნიერი თვლის, რომ ჰამსას სიმბოლო წარმართობის დროიდან მოდის და მოგვიანებით ის მიიღო სხვა რელიგიებმა. როგორც ირკვევა მას კავშირი აქვს შუამდინარეთთან, ძველ ეგვიპტესთან.

სამი საიდუმლო კარი, რომლის გაღება აკრძალულია

მსოფლიოში არსებობს სამი ადგილი, სადაც დაბეჭდილია კარები, რომლის გახსნა არ შეიძლება სხვადასხვა მიზეზის გამო. იქ კი, აურაცხელი განძის გარდა იმალება დიდი საიდუმლოც.

 ინდოეთი_პადმანაბჰასვამის ტაძარი/საცავი B

სტატიაში გველის ნიშნით დალუქული პადმანაბჰასვამის ტაძრის კარის საიდუმლო უკვე ვისაუბრე ინდოეთში არსებულ ოქროთი მოვარაყებულ ტაძარზე და იქ გახსნილ 5 ოთახზე, სადაც აღმოჩნდა ტრილიონი დოლარის ღირებულების ოქროს მონეტები, ნივთები და ძვირფასეულობა. მე-6 ოთახი (B)  დარჩა დაკეტილი, ვინაიდან კარი მხოლოდ იმ შემთხვევაში გაიღება თუ ბუდისტი ბერი შეასრულებს განსაკუთრებულ წმინდა გალობას, მაგრამ ამის შესრულება დღეს არავის ძალუძს. ამიტომ ოთახი კვლავ დაკეტილია და ბევრ საიდუმლოს ინახავს.

ნიუტონს სწამდა, რომ ეგვიპტის პირამიდებში დაფარული იყო უძველესი ცოდნა

საზოგადოებისთვის ცნობილი, ყველა დროის ერთ-ერთი გავლენიანი და სამეცნიერო რევოლუციის საკვანძო ფიგურა ისააკ ნიუტონი დაინტერესებული იყო ოკულტიზმით. ის გახლდათ მისტიციზმით გატაცებული. მისი დაინტერესება ალქიმიითა და თეოლოგიით დოკუმენტურადაა დადასტურებული. ნიუტონს ბევრი საიდუმლო ჰქონდა. გადმოცემით,  ბიბლიაში არსებული ფარული კოდების ამოხსნის ცდებს მეცნიერის გამოუქვეყნებული ნაშრომები ნათელჰყოფს. სავარაუდოდ, გამოუქვეყნებელი ჩანაწერები დაწერილია 1680 წელს, რომელიც აღმოაჩინეს მისი გარდაცვალებიდან  200 წლის შემდეგ. დოკუმენტებიდან ირკვევა, რომ ნიუტონს აპოკალიფსის გასაღებად მიაჩნდა ძველი ეგვიპტე.

სოლომონ მეფის მაგიდა_რთული ტექნოლოგია

სოლომონ მეფის საგანძური გამუდმებით იწვევდა და იწვევს საზოგადოების გაუნელებელ ინტერესს. მრავალი საუკუნის შემდეგაც კი არ წყდება მისი რეალურად  არსებობის შესახებ დავა, ვინაიდან სოლომონის ტაძრის დარბევის დროს დაიკარგა და აქამდე არ აღმოჩენილა. საგანძურის  ნივთების მთავარი ღირსება მათი მაგიური თვისებები გახლდათ. ერთ-ერთი ასეთი ნივთი იყო სოლომონის მაგიდა, რომელსაც საოცარი მახასიათებლები ჰქონდა.

ლეგენდერული, დაკარგული ოაზის-ქალაქი ზერზურა

იმ უამრავი ლეგენდიდან და მითიდან, რომელიც უკავშირდება საჰარის უდაბნოს, ყველაზე მომხიბვლელი და იდუმალებით მოცული გახლავთ ლეგენდა ზერზურას დაკარგული ოაზისის შესახებ. გადმოცემით, ეს მწვანე სამოთხე მდებარეობს ლიბიის უდაბნოს ქვიშაში. ზოგს მიაჩნია, რომ ზერზურას ოაზისი მხოლოდ ლეგენდაა, მაგრამ თავგადასავლების მოყვარულთ ასეთი მსჯელობა ვერ აფერხებს. შესაბამისად, ძალ-ღონეს არ იშურებენ აფრიკის ელდორადოს აღმოსაჩენად.

სტამბულში აღმოჩნდა ისტორიამდელი სამარხები რუნული წარწერებით

 თურქეთში არქეოლოგებმა სტამბულის ყველაზე  მოძრავ მოედანზე, სადაც მიმდინარეობს მეტროს ახალი სადგურის მშენებლობა, აღმოაჩინეს ათობით ისტორიამდელი სამარხი. 

ისტორიამდელი სამარხი მშენებლობის ადგილზე მდებარეობს. არქეოლოგობი ამ ადგილზე 2016 წლიდან მუშაობენ. მათი მოვალეობაა არქეოლოგიური ძეგლების მოძიება და ამ ძეგლების უსაფრთხოების უზრუნველყოფა.

სიკვდილი ილუზიაა_ასე ფიქრობენ მეცნიერები

მეგობრის გარადაცვალების შემდეგ, ალბერტ აინშტაინმა თქვა: "ბესომ დატოვა ეს უცნაუარი სამყარო, ცოტათი გამასწრო. არაფერია, ჩვენნაირმა ადამიანებმა იციან, რომ განსხვავება წარსულს, აწმყოსა და მომავალს შორის მხოლოდ ჯიუტი, შეუვალი ილუზიაა". ექიმი, მეცნიერი რობერტ ლანცა დარწმუნებულია, რომ აინშტაინი მართალი იყო: სიკვდილი მხოლოდ ილუზიაა.

მიგვაჩნია, რომ ეს სამყარო-რაღაც ობიექტური რეალობა, დამკვირვებლისგან დამოუკიდებელია. ვფიქრობთ, რომ სიცოცხლე მხოლოდ ნახშირბადისა და მოლეკულების ნაზავია: რაღაც დროის განმავლობაში ვცოცხლობთ, შემდეგ მიწაში ვიხრწნებით. გვჯერა სიკვდილის იმიტომ, რომ ასე გვასწავლეს. და კიდევ იმიტომ, რომ საკუთარ თავს ვაიგივებთ ფიზიკურ სხეულთან და ვიცით: სხეული კვდება და გაგრძელება არ არსებობს.

დედამიწის წიაღში მიმდინარე ანომალური მოვლენა

სამყაროს უძველესი რუკა

მრავალი წლის განმავლობაში ფიქრობდნენ, რომ შრი-ლანკას უძველეს ქალაქ ანურადჰაფურში მდებარე კლდეზე ამოუცნობი გამოსახულება უნდა ყოფილიყო უძველესი ვარსკვლავური ჭიშკარი, რომლის გავლით ძველი ცივილიზაციების წარმომადგენლები მოგზაურობდნენ სამყაროს სხვა ადგილებში.

ეს ადგილი ცნობილია როგორც რაჯარათა (მეფეთა მიწა), რომელიც კუნძულზე დაარსებული პირველი სამეფო გახლდათ (377 წ.ჩვ.წ.აღ-მდე) და  მდებარეობს შრი-ლანკას ბუდისტური ცივილიზაციის ცენტრში. ამ ადგილს უამრავი ადამიანი სტუმრობს. ის იზიდავს მომლოცველებს უძველესი ბუდისტური ტაძრებით.

საგნების ლევიტაცია ბგერითი ტალღების ზემოქმედებით

2019 წლის თებერვალში კოლუმბიის უნივერსიტეტის მკველვართა ჯგუფმა გამოაქვეყნა ექსპერიმენტის შედეგები, რომლის თანახმად ბგერით ტალღებს შეუძლია მიიზიდოს გრავიტაციული მასა. ექსპერიმენტის მიმდინარეობისას მეცნიერებმა აღმოაჩინეს, რომ ბგერით ტალღებს შეუძლია მცირე გრავიტაციული ველის შექმნა.

გამოთვლები აჩვენებს, რომ ბგერითი ტალღები ატარებს უარყოფით მასას, რაც ნიშნავს, რომ გრავიტაციული ველის არსებობისას, ისეთის როგორიც დედმიწაზეა, მათი ტრაექტორია ზევით იხრება. ირკვევა, რომ ტალღები ახდენს გრავიტაციული ველის გენერირებას.

კლდეზე წარმოქმნილი უცნაური ქვის კვერცხები

 ჩინეთის ერთ-ერთ სოფელში კლდეზე გამოუცნობი მიზეზით ჩნდება კვერცხის ფორმის 20-40 სმ-ის ზომის ქვის წარმონაქმნები. ადგილობრივთა თქმით ჩან დიანის კლდე 6 მ-ის სიმაღლისაა. მასზე, ყოველ 30 წელიწადში ერთხელ, ჩნდება ქვის კვერცხის ფორმის ბურთულები და ცვივა მიწაზე.

დროის მანქანა და მაიკ მარკუმის უცნაური გაქრობა

 1995 წლის დასაწყისში, მისურის შტატის ქალაქ სტენბერის მაცხოვრებელმა მაიკ მარკუმმა სცადა საკუთარი სახლის ვერანდაზე აეგო დროის მანქანა და შეუდგა "ჯეიკობსის კიბის" მოწყობილობის აგებას. ორ კონატაქტს შორის ჰაერის წინააღმდეგობის შესამცირებლად მან გამოიყენა კომპაქტ-დისკების მოდიფიცირებული ლაზერი. შედეგად წარმოიქმნა უწყვეტი ელექტრორკალი. მოწყობილობის ჩართვისას მაიკი უცნაური შედეგის წინაშე დადგა. წარმოიქმნა სითბური კვალი, როგორიც ცხელი ასფალტის ზედაპირზე ჩანს ხოლმე, მაგრამ მას ჰქონდა ქარბორბალას ფორმა. მარკუმმა რკინის ხრახნი ჩააგდო შიგნით. ხრახნი წამიერად გაქრა და შემდეგ ისევ გამოჩნდა რამდენიმე მეტრის მოშორებით.

ორთავიანი გოლიათი "კაპ-დვა"_საიდუმლოებით მოცული მუმია

 ძველ ტექსტებში საკმაოდ ბევრ ინფორმაციას ვაწყდებით იმის შესახებ, რომ დედამიწაზე ცხოვრობდნენ გოლიათები. მსგავს ინფორმაციას გვაწვდის თავად ბიბლიაც, სადაც საუბარია "ღვთისშვილ" გოლიათ ნეფილიმებზე. მაგრამ იშვიათად თუ ვინმეს სმენია პატაგონიის 3,5 მ. ორთავიანი გოლიათის შესახებ. ამ გოლიათის მუმიას მეცნიერებმა სახელად "კაპ-დვა" შეარქვეს.

ყველაზე უცნაური გრაგნილები, კოდექსები და უძველესი წიგნები ისტორიაში

მენდოსას კოდექსი

კაცობრიობის ხანგრძლივი ისტორიის განმავლობაში დაწყებული პირველი იეროგლიფებიდან და ასოებიდან, დასრულებული თანამედროვე ფილოსოფიური ტრაქტატებით, ადამიანი იყენებდა დამწერლობას აზრის გამოსახატავად სხვადასხვა საკითხზე. ზოგიერთი წიგნი-დიდი რთული ტრაქტატებია, რომელიც არ ექვემდებარება გაშიფვრას დღესაც კი. ზოგის წარმოშობა გაურკვევლია, ზოგის-შინაარსი. ლიტერატურის ჩასახვის დროიდან კაცობრიობამ დააგროვა უამრავი ისეთი ნაწარმოები, რომელიც დღემდე აოცებს მეცნიერებს.

მენდოსას კოდექსი-აცტეკთა ილუსტრირებული კოდექსი, რომელიც დაიწერა დაახლოებით 1541 წელს. მასში დაწვრილებით არიან აღწერილი აცტეკები და მათი მმართველები, ცხოვრების ფორმა, კულტურა და ბევრი სხვა რამ.

ძველ ბუდისტურ მონასტერში აღმოჩნდა საიდუმლო ბიბლიოთეკა

პეკინის სამხრეთ-აღმოსავლეთით მდებარეობს ძველი ბუდისტური მონასტერი. სწორედ აქ, მიწისქვეშა საცავში საუკუნეების განმავლობაში ბერები ინახავდნენ ქვის ფილებს, რომელზეც ამოტვიფრული იყო იეროგლიფური წარწერები. ბუდისტი ბერები დარწმუნებული არიან, რომ ამ ფილებზე ინახება კაცობრიობის მომავალი, ჩვენი ცივილიზაციის არსებობის უკანასკნელ დღემდე.

საიდუმლო მიწისქვეშეთში მხოლოდ გერმანელი მეცნიერი ლოტარ ლედეროზე შეუშვეს- აღმოსავლეთ აზიის ისტორიის კათედრის ხელმძღვანელი ჰაიდელბერგის უნივესიტეტში. მან მოახერხა უძველესი ტექსტების ნაწილობრივ გაშიფრვა. თავის ჩანაწერებში მეცნიერი აღნიშნავდა, რომ სამყაროს დასასრულის ზუსტი თარიღი ვერ აღმოაჩინა. ტექსტების უმეტესი ნაწილი ბიოგრაფიულ ხასიათს ატარებდა და ეძღვნებოდა მონასტრის დამფუძნებლის საქმიანობას.

ფსიქომანტუმი_მიცვალებულთან ურთიერთობის საშუალება

 

მას მერე რაც ადამიანი მიხვდა, რომ სიკვდილის შემდეგ მისი სული სადღაც სხვაგან მიემართება, ის შეუდგა სულთან დამაკავშირებელი გზების ძიებას, რასაც საუკუნეები მოანდომა.  დღეს მედიუმები და სპირიტისტები ძირითადად იყენებენ "უიჯის დაფას"(სპირიტისტული დაფა ასოებით და რიცხვებით) ან კიდევ უფრო თანამედროვე მოწყობილობას, რომელიც იჭერს ელექტრომაგნიტურ ანომალიებს.

მაგრამ არსებობს კიდე ერთი საშუალება, რომელიც ჩვენს ეპოქაში პრაქტიკულად მიივიწყეს. ეს გახლავთ  უძველესი მეთოდი-ფსიქომანტუმი, რომლის მიახლოებითი მნიშვნელობაა "გონების თეტრი".

ქრისტეს ხელთუქმნელი გამოსახულება ვერონიკას მანდილზე

ბევრმა ამოუხსნელმა მოვლენამ მოაღწია ისტორიის სიღრმეებიდან და იესო ქრისტეს დროიდან ჩვენამდე. რელიგიურ რელიკვიებს შორის პირველ ადგილზეა ტურინის სუდარა, რომელზეც ქრისტეს გამოსახულებაა, მაგრამ ის ერთადერთი არტეფაქტი არ გახლავთ. იესოს  ხელთუქმნელი გამოსახულება შემორჩა ვერონიკას მანდილზეც, რომელზეც იესომ შეიწმინდა პირისახე. 

ქრისტიანული გადმოცემა გვიამბობს ლეგენდარულ სელის ქსოვილის მანდილზე იესოს ხელთუქმნელი გამოსახულებით. გადმოცემის თანახმად, გამოსახულება ქსოვილზე გაჩნდა მას მერე, რაც გოლგოთისკენ მიმავალ ტანჯვით აღსავსე გზაზე ქრისტეს ვერონიკამ  ოფლისა და სისხლის მოსაწმენდად  მანდილი მიაწოდა. სახარებაში არაფერია ნათქვამი ვერონიკასა და მის მანდილზე. ყველაზე ახლოს ამ ამბავთან დგას სასწაული, რომლითაც ქალი განიკურნა იესოს სამოსზე შეხებით. ქალის სახელი მოგვიანებით იდენტიფიცირდა აპოკრიფულ "პილატეს საქმენის"ვერონიკასთან. ეს ისტორია მე-11 საუკუნეში  გადამუშავდა და დაემატა ამბავი როგორ გადასცა იესომ ქალს ქსოვილზე გამოსახული საკუთარი გამოსახულება, რომლის დახმარებით ვერონიკამ განკურნა იმპერატორი ტიბერიუსი.

დაისონის სფერო_უკვდავების მიღწევის ფორმულა

ერთი წუთით წარმოვიდგინოთ, რომ შორეულ მომავალში, გარდაცვალებიდან დიდი ხნის შემდეგ დავუბრუნდებით დედამიწისეულ ცხოვრებას. ამ სცენარში საიქიოდან დაბრუნება ნორმალურ მოვლენად იქცევა. სახლისკენ მიმავალი გზა ბევრად უცნაური აღმოჩნდება ვიდრე დანიშნულების ობიექტი.

არსებობს ტრანსჰუმანისტთა და ფუტურისტთა ჯგუფი, ვისაც  ასე წარმოუდგენია ეს მოვლენა: დაისონის სფეროს სახელით ცნობილი მეგასტრუქტურის გამოყენება შესაძლებელი გახდება წარმოუდგენელი სირთულის ხელოვნური ინტელექტის დასატენად გარკვეულ დროს. მას შეეძლება აურაცხელი ხელმისაწვდომი ციფრული მეხსიერების შეგროვება ყველა შესაძლებელი ციფრული მეხსიერებიდან, ინფორმაციის მიღება გარდაცვლილზე მისი ზუსტი ციფრული ასლის აღსადგენად ან რაღაც ამდაგვარი. როგორც კი ოპერაცია დასრულდება, ამ ციფრულ პიროვნებას შეეძლება აღადგინოს თავისი ცხოვრება (ან დაიწყოს ახალი) თავისებურ მოდელირებულ რეალობაში. მაშინაც კი, როცა მოჩვენებითი ევოლუცია დასასრულს მიუახლოვდება, ის გადაყვანილი იქნება სიმულირებულ სამოთხეში.

ამოუცნობი ეგვიპტე_ეგვიპტის ყველაზე ამოუცნობი საიდუმლო_ნაცისტების ფარული მისია (II ნაწილი)

 

ფრანგი კოლეგის ჩანაწერის შესწავლის შემდეგ, გერმანელ არქეოლოგს გაუჩნდა მოსაზრება რომ ადგილზე, სადაც იპოვეს "გველთა დედოფლის"(უაჯიტი) განძი, შესაძლოა ყოფილიყო სხვა ცნობილი არტეფაქტებიც, მაგრამ მანამდე საჭირო იყო დაკარგული განძის მოკვლევა. ამის გამო, გერმანელი ეგვიპტოლოგი გაემგზავრა სუდანში. სწორედ იქ დაიკარგა ბარონესა დელამარი იდუმალებით მოცულ სამკაულთან ერთად. შეფერმა გააბა ნაცნობობა, გაიცნო სუვენირებით მოვაჭრენი, გაიკითხ-გამოიკითხა, მაგრამ სასურველ კვალს ვერსად მიაგნო. ჰენრიხი ბილეთის აღებას აპირებდა ევროპაში გასამგზავრებლად, რომ გერმანელმა ექიმმა, რომელიც წითელი ჯვრის ადგილობრივ მისიაში მუშაობდა,  სტუმრად მიიწვია.

ამოუცნობი ეგვიპტე_ეგვიპტის ყველაზე ამოუცნობი საიდუმლო (I ნაწილი)

ცივილიზაციათა ალტერნატიული მკვლევარების აზრით ეგვიპტის ხელისუფალნი ძალაუფლებას დაქვემდებარებულ მეცნიერებას იყენებენ და ნიღბავენ ქვეყნის ყველაზე ძველ, იდუმალებით მოცულ ობიექტს. გადმოცემით, სწორედ მას უკავშირდება ყველაზე საინტერესო ფურცლები, არქეოლოგთა დაღუპვა, არტეფაქტების გაქრობა სამხედრო თვითმფირინავებიდან და ევროპული მუზეუმებიდან. 

ნაგებობა, რომელიც გაუნელებლ ინტერესს იწვევდა მუდამ გახლავთ ყველასთვის კარგად ცნობილი პირველი პირამიდა ეგვიპტეში და ის  ჯოსერის სახელითაა ცნობილი. ცოტამ თუ იცის მის ქვეშ არსებული ქალაქის არსებობის შესახებ, რაზეც დგას ეს უნიკალური ნაგებობა და ის არტეფაქტები, რომელიც აღმოჩნდა მიწისქვეშ ორმოცდაათი მეტრის სიღრმეში.

რა ნახეს უძველესი დედოფლის სამარხში

ზოგ უძველეს საზოგადოებაში სახელმწიფოს მართვა სრულიად შესაძლებელია ყოფილიყო ქალის ხელში. ასე ფიქრობენ ბარსელონის ავტონომიური უნივერსიტეტის ესპანელი არქეოლოგები. ამაზე მიუთითებს ქალის ნეშთი, რომელიც, სამარხში მოპოვებული ინვენტარის გათვალისწინებით, იყო მმართველი თანამედროვე ესპანეთის ტერიტორიაზე 4000 წლის წინ.

ელ-არგარის კულტურა არსებობდა 1800-1550 წ. ჩვ.წ.აღ-მდე ევროპის ტერიტორიაზე, ძირითადად იბერიის ნახევარკუნძულზე. ელ-არგარი ბრინჯაოს ხანის დასაწყისში იყო ბრინჯაოს წარმოების ცენტრი. დღემდე შემორჩენილია ამ ხანის ნაგებობები და სამარხები.

უცნაური ენერგიით დამუხტული მეგალითი სოკგიონი სამხრეთ კორეაში

სოკგიონის მეგალითს, სხვაგვარად ქვის სარკე, რომელიც სამხრეთ კორეაშია,  გააჩნია ადამიანის უარყოფითი ენერგიისგან განმუხტვის უნარი. ამბობენ ამ სარკეში ჩახედვა აღადგენს წონასწორობის გრძნობას. ქვა ისუნთქავს ამომავალი მზის სუფთა ენერგიას და გადასცემს მას, ვინც მის ზედაპირს შეეხება. კორეელბს სწამს, რომ არსებობს ასეთი ენერგია და მას ცი დაარქვეს. ენერგია ცი ნადვილად მკურნალია. ამიტომ მეგალითის ახლოს შეიქმნა აღმოსავლური მედიცინის პარკი "დონიბოგამჩონი."

ეკვადორში აღმოჩენილია გოლიათთა ჩონჩხები

 ეკვადორი უცნაური აღმოჩენტების ცენტრად იქცა. ბოლო დროის ერთ-ერთი პოპულარული აღმოჩენა გახლავთ დაკარგული გოლიათთა ქალაქი, რომელიც მკვლევართა ჯგუფმა ნახა  ჯუნგლებში. ადრე ხალხი პოულობდა უზარმაზარ ჩონჩხებს ქვეყნის სხვადასხვა ტერიტორიაზე. სამხრეთში, პერუს საზღვართან ხშირად აწყდებოდნენ უცნაურ ნივთებს. ამ შემთხვევაში სპეციალისტებმა ნახეს ადამიანისმაგვარი დიდი ზომის  უზარმაზარი ძვლები და ჩონჩხები.

მივიწყებული შუმერული რუკა_პლანისფერა და ბიბლიური სოდომ-გომორი

ბიბლიური ისტორია, რომელიც  5 ათასი წლის წინ ქალაქ სოდომისა და გომორის განადგურებას გვიამბობს, მოულოდნელად დაადასტურა ძველმა შუმერულმა თიხის ფირფიტამ. შუმერული ფირფიტა-პლანისფერა მეცნიერებს 150 წლის განმავლობაში ურევდა თავგზას. ფირფიტაზე ფაქტობრივი მხილველის მიერ ძველი ასტეროიდის ჩამოვარდნის აღწერაა, რამაც მიწასთან გაასწორა სოდომი და გომორი, შეიწირა ათასობით ადამიანი და გამოიწვია 600 000 კვ.კმ. ტერიტორიის განადგურება.

ასტეროიდის შეჯახებამ და მისგან გამოწვეულმა შედეგებმა მიიღო "კეფელსის მოვლენის" სახელი. მეცნიერები მივიდნენ დასკვნამდე, რომ სწორედ ამ მოვლენას მოჰყვა კატასტროფული შედეგები.

გველის ნიშნით დალუქული პადმანაბჰასვამის ტაძრის კარის საიდუმლო

 

ჩვენს ირგვლივ სამყაროში ბევრი რამაა საიდუმლოებით მოცული. უძველესი ინდური ტაძარი პადმანაბჰასვამიც დალუქულ კარსმიღმა დღემდე ამოუხსნელ ბევრ საიდუმლოს ინახავს.

ტაძარი აგებულია ღმერთ ვიშნუს პატივსაცემად ჩვ.წ.აღ-მდე მე-4 ს-ში. ხანგრძლივი ისტორიის განმავლობაში რამდენჯერმე დაინგრა და აღადგინეს. ახლანდელი სახე მას 1731 წლიდან აქვს. ტაძარს უამრავი ქანდაკება ამშვენებს. შიგნით შესვლის უფლება აქვთ მხოლოდ ინდუსებს შესაფერისი სამოსით.

დროში მოგზაურობა, რიცხვების მაგია და ნიკოლოზ ტესლა

 ადამიანის დროში მოგზაურობის იდეამ კარგა ხანია მოიცვა მსოფლიო საზოგადოების წარმოსახვა. ისტორიას თუ უფრო ჩავუღრმავდებით, აღმოვაჩენთ ისეთ ტექსტებს რომლის განმარტება  დროში მოგზაურობის მტკიცებულებას იძლევა. 1905 წელს გამოაქვეყნა თუ არა ალბერტ აინშტაინმა თავისი ფარდობითობის თეორია, მეცნიერთა წრეში  აურზაური ატყდა. ახალმა თეორიამ კარი გაუხსნა ბევრ კითხვას, თუნდაც ისეთს, როგორიცაა: "შესაძლებელია თუ არა დროში მოგზაურობა?"

ეჭვგარეშეა, რომ ნიკოლოზ ტესლა იყო მე-20 საუკუნის უდიდესი მეცნიერი. თანამედროვე ცხოვრების წესი და ტექნოლოგიები ხელმისაწვდომი გახდა სწორედ ამ საოცარი ადამიანის დამსახურებით. თუმც, მიუხედავად მეცნიერებაში ასეთი დიდი წვლილისა, მისი სახელი  ფიზიკისა და ელექტრონიკის სფეროს ნაკლებად გასცდა.  ხშირად სასკოლო სახელმძღვანელოებში მცდარად მიაწერენ თომას ედისონს იმ აღმოჩენებს, რომელიც ეკუთვნოდა და დააპატენტა ტესლამ. მეცნიერთა უმეტესობა აღიარებს, რომ ტესლამ სათანადო სახელი  ვერ მოიხვეჭა, რაც ნაწილობრივ განპირობებული იყო მისი ექსცენტრიულობითა და სიცოცხლის ბოლო წლებში ფანტასტიკური განცხდებებით. მისი გამონათქვამები უკავშირდებოდა სხვა პლანეტებს და მომაკვდინებელ სხივებს. ტესლას ამ ფანტასტიკური გამოგონებების უმეტესობა ახლა მეცნიერული თვალსაზრისით ცნობილია როგორც ზუსტი და ქმედითი.