მაინც რას ამბობდა ზარათუშტრა

"ესე იტყოდა ზარათუშტრა"-ასე ეწოდება ცნობილი გერმანელი ფილოსოფოსის ფრიდრიხ ნიცშეს ფილოსოფიურ ნოველას. ზარათუშტრას ნამდვილი წინასწარმეტყველება საუკუნეებმა შთანთქა. მხოლოდ ცალკეულმა მისმა გამონათქვამმა მოაღწია ჩვენამდე "ავესტას" წყალობით. ზარათუშტრა ძველ სპარსეთში ზოროასტრული სარწმუნოების სულისჩამდგმელია. მისი დაბადება და ცხოვრება მითოსურ სამოსელშია გახვეული.

აზრთა სხვადასხვაობაა წინაწარმეტყველის დაბადების ადგილსა და თარიღთან დაკავშირებით. აღმოსავლეთის იტორიკოსების თქმით, ზარათუშტრა დაიბადა სამყაროს შექმნიდან ცხრა ათასი წლის შემდეგ. დასავლეთის ისტორიკოსები კი მიიჩნევენ, რომ წინასწარმეტყველი ქრისტეშობამდე ათასი წლით ადრე, ხოლო ზოგიერთის აზრით ექვსასი წლით ადრე უნდა დაბადებულიყო. დოკუმენტურად დგინდება ზართუშტრას დაბადების ადგილი და დრო. ბერძენი ქტესიუსი გვამცნობს, რომ ეს იყო ქალაქი რაგა. ამ ქალაქზე საუბარია "ავესტაში". საბოლოო გამოთვლით, ზარათუშტრა დაიბადა მიახლოებით 569 წ-ს ჩვ.წ.აღ-მდე და სული შთაბერა საკუთარ რელიგიას-ზოროასტრიზმს 538 წ-ს ჩვ.წ. აღ-მდე.

ბიბლიური სებას დედოფლის წინასწარმეტყველება

ბიბლიურ ტექსტებში ხშირად არიან ნახსენები როგორც ისტორიული, ასევე სრულიად უცნობი ადამიანები. ერთ-ერთი მათგანი გახლავთ სებას დედოფალი, რომლის შესახებ ძალიან ცოტა რამაა ცნობილი. ვიცით მხოლოდ, რომ მდიდარი დედოფალი ჩავიდა სოლომონ მეფესთან და შეხვდა მას. ისლამურ სამყაროში მას პატივს მიაგებენ როგორც ძლევამოსილ დედოფალ ბალქისს, ხოლო ეთიოპიაში როგორც მაქედას. სებას დედოფალზე ისე ცოტა რამაა ცნობილი, რომ ისტორიკოსებს და არქეოლოგებს ეჭვი შეაქვთ მის რეალურ არსებობაში. ბიბლიის მეფეთა მესამე წიგნში დედოფალი მოხსენებულია უბრალოდ როგორც "აღმოსავლეთის დედოფალი". არ არის დაზუსტებული მისი წარმოშობა. ცნობილია მხოლოდ ის, რომ სოლომონ მეფის სახელმა მის ყურამდეც ჩააღწია. დედოფალმა გადაწყვიტა სოლომონის მონახულება და პირადად  გაცნობა. გაეშურა იერუსალიმისკენ ქარავნით, რომელიც დატვირთული იყო ძვირფასი სამეფო ძღვენით. ბიბლიური გადმოცემის თანახმად, დედოფალს გადაწყვეტილი ჰქონდა გამოეცადა სოლომონ მეფე და დარწმუნებულიყო მის სიბრძნეში. დედოფალი მართლაც გაოცებული დარჩა მეფე სოლომონის გამჭრიახობით და კმაყოფილი დაბრუნდა საკუთარ ქვეყანაში. ბიბლიაში მოკლედაა ნაამბობი ამის შესახებ.  სებას დედოფალზე კი ინფორმაცია სხვა წყაროებშიც გვხდება.

მათემატიკოსი-წინასწარმეტყველი სედიქ ავღანი (Sediq Afghan), რომელმაც უკრაინის მომავალი გამოინგარიშა

ავღანელმა მათემატიკოსმა მუჰამედ სედიქ ავღანმა მსოფლიოში  წინასწარმეტყველებით გაითქვა სახელი, რომელსაც უმაღლესი მათემატიკის დახმარებით აკეთებს. მეცნიერის აზრით,  ჩვენი სამყარო ემორჩილება მკაფიო ფორმულებს, ამიტომ დამდეგი მოვლენების გამოთვლა სრულიადაც არაა რთული.

სედიქს ბავშვობიდან ჰქონდა გამოთვლის ნიჭი. შვიდი წლის ასაკში ის პირდაპირ მეოთხე კლასში ჩარიცხეს. 19 წლისამ კი გაეროში საკუთარი სამეცნიერო კვლევა გააგზავნა, რომელიც ცნეს  ახალ მიმართულებად თეორიულ ალგებრაში. აშშ-ში მას კომპიუტერთან მოუწყეს შეჯიბრი, სედიქმა 400 ურთულეს მათემატიკურ კითხვას  ექვსი წუთით უფრო მალე  გასცა პასუხი ვიდრე კომპიუტერმა.

წინასწარმეტყველი მხატვარი_ბენჟამენ პარავიჩინი

საყოველთაოდ ცნობილია, რომ წინასწარმეტყველები  ხდებიან არა მხოლოდ ღვთისმოსავი სასულიერო პირები, არამე ხელოვანები და მწერლებიც. მათ უხილავი, ზებუნებრივი ძალა კარნახობს ნახატებისა და თხზულებების სიუჟეტებს. არგენტინელი მხატვრის ბენჟამენ სოლარი პარავიჩინისთვის ეს მოვლენა გახდა არამარტო შთაგონება, არამედ ნათელმხილველური ნიჭის გამოვლენის საშუალება. "ის მოულოდნელად შეპყრობილივით იწყებდა ცახცახს, სტაცებდა ფანქარს ხელს და ფანქარი თითქოს თავად ატარებდა ხელს ქაღალდზე, თითქოს ვიღაც რაღაცას კარნახობდა მას"-ყვებოდა ბენჟამენის მამა ჯერ კიდევ მის სიცოცხლეში.

ჩეშირელი წინასწარმეტყველი რობერტ ნიქსონი

რობერტ ნიქსონი დაიბადა მე-15 საუკუნეში, ინგლისის ქალაქ ჩეშირში, გაკოტრებული ფერმერის ოჯახში. ბიჭი გონებრივად ჩამორჩენილი იყო,  დიდი თავისა და გადმოკარკლული თვალების გამო, ბავშვს დასცინოდნენ. ლაპარაკის დროს იყენებდა მხოლოდ ორ სიტყვას: "დიახ", "არა". ყველაფრის მიუხედავად ნიქსონი შევიდა ისტორიაში როგორც ჩეშირელი წიანასწარმეტყველი.

ერთწლიანი ლეთარგიული ძილის შემდეგ დაწერილი მომავლის წინასწარმეტყველება

 

"მომავლის წიგნი"-უნიკალური წიგნი, სადაც გადმოცემულია ლეთარგიულ ძილში მყოფი პოლ ამადეუს დინაჰის საოცარი განცდები. დინაჰი ამტკიცებდა, რომ უგონო მდგომარეობაში ყოფნისას აღმოჩნდა მომავალში და ურთიერთობა  ჰქონდა ადამიანებთან, რომლებმაც აუხსნეს რა მოხდებოდა უახლოესი ორი ათასი წლის განმავლობაში.

პოლ დინაჰი წარმოშობით  შვეიცარელი გერმანელი იყო. 1920 წელს ის დაავადდა იშვიათი დაავადებით-ლეთარგიული ენცეფალიტით, რომლის ეპიდემია მე-20 საუკუნის ოციან წლებში გავრცელდა მთელ მსოფლიოში. დააწვინეს ჰოსპიტალში, სადაც  იმყოფებოდა კომაში. გონზე მოსვლის შემდეგ, მან თქვა, რომ ფხიზლად იყო მთელი წელი სხვა ადამიანის სხეულში, რომელიც ცხოვრობდა მესამე ათსწლეულის ბოლოს. ერთი წლის შემდეგ, ექიმის რჩევით ის გაემგზავრა ათენში. საბერძნეთში ის სტუნდენტებს გერმანულ ენას ასწავლიდა.

მისტიკოსი და წინასწარმეტყველი მონაზონი ჰილდეგარდ ფონ ბინგენი (ჰილდეგარდ ბინგენელი)

ჰილდეგარდ ფონ ბინგენი გახლავთ ყველა დროის და არამარტო შუა საუკუნეების ევროპელი ხალხის უნიკალური და ყველაზე ცნობილი გერმანელი მისტიკოსი ქალი და თავისი დროის ძალიან დაფასებული წინასწარმეტყველი. ჰილდეგარდი დაიბადა 1098 წელს ბინგენის მახლობლად (ახლანდელი მაინციდან 20 კმ-ში) არისტოკრატულ ოჯახში. ბავშვობიდან აწუხებდა თავის ტკივილები. მიეჩვია პატარაობიდან ტკივილების ატანას,  არ ტიროდა და ჩიოდა ამის გამო. ეშინოდა ეთქვა, რომ მტკივნეული შეტევების დროს ეწყებოდა უცნაური ხილვები. ხილვები კი მას სამი წლის ასაკიდან დაეწყო. როცა მშობლებმა ხილვების შესახებ შეიტყვეს, მიხვდნენ რომ გოგონა ღვთის მსახურებისთვის იყო მოვლენილი. 8 წლის ასაკში ის ბენედიქტელთა ორდენის ქალთა მონასტერში მიიყვანეს, სადაც მის აღზრდაზე ზრუნავდა დედა იუტა. ის ასწავლიდა ჰილდეგარდს ბიბლიას, გალობას და ბენედიქტელთა ლოცვებს, ლათინურ პატრისტიკას და ხელოვნებას.

ლეონარდო და ვინჩი როგორც მისანი

 ლეონარდო და ვინჩი მართლაც უნივერსალური ადამიანი გახლდათ. თითქმის ყველა სფეროში მიაღწია მან პროფესიული წარმატების მწვერვალს: მხატვარი, მუსიკოსი, მწერალი, გამომგონებელი და მეცნიერი.

1499 წელს ლეონარდომ საფრანგეთის მეფე ლუდოვიკო XII-თან მილანში შეხვედრისთვის შექმნა მექანიკური ლომი, რომელსაც რამოდენიმე ნაბიჯის გადადგმის შემდეგ ეხსნებოდა გულმკერდი და იქიდან მოუჩანდა "შროშანებით სავსე" შიგნეულობა. დიდ მხატვარს ეკუთვნის სკაფანდრის, წყალქვეშა ნავის, თბომავლის გამოგონება. მანვე დაგვიტოვა ხელნაწერი, სადაც საუბარია გაზის განსაკუთრებული ნარევის გამოყენების შესახებ ( საიდუმლო შეგნებულად დაწვა) წყალქვეშ ყვინთვისთვის. ასეთ გამოგონებას აუცილებელად ესაჭიროებოდა  ადამიანის ორგანიზმში მიმდინარე ბიოქიმიური პროცესების ზედმიწევნით ცოდნა, რაც იმ დროს წარმოუდგენელი იყო. ლეონარდომ გამოიგონა ვერტმფრენი, ველოსიპედი, პარაშუტი, ტანკი, ტყვიამფრქვევი და ბევრი სხვა რამ. საოცარია, რომ გამოგონებულ მანქანებს და მოწყობილობებს, რომლის დამზადება იმ დროს შეუძლებელი იყო, დაწვრილებით აღწერდა.

მე-20 საუკუნის უდიდეს ექსტრასენსად წოდებული ეილინ გარეტი

 

ეილინ გარეტი ითვლება მე-20 საუკუნის უდიდეს ექსტრასენსად. მან დაიწყო ნათელმხილველობით და ტელეპატიით, გააგრძელა სპირიტული სეანსებით და დაასრულა ლსდ-ის ადამიანის ფსიქიკაზე ზემოქმედების შესწავლით.

ეილინ ჯანეტ გარეტი დაიბადა ირლანდიაში 1893 წელს გაჭირვებულ ოჯახში. დედამ მისი დაბადებიდან რამდენიმე დღეში მოიკლა თავი, ხოლო ექვსი კვირის შემდეგ მამამ. ობოლი ეილინი დეიდასთან დატოვეს აღსაზრდელად. დეიდა მძიმე ხასიათის  ქალბატონი იყო. ეილინი მარტოსულად იზრდებოდა. ბავშვობიდან მას ახლო კავშირი ჰქონდა ბუნებასთან,  დიდ დროს ატარებდა ტყესა და ჭაობებში. ოთხი წლის ასაკიდან იგრძნო ზებუნებრივი ძალის ზემოქმედება და ამბობდა, რომ ხედავდა სულებს, ესაუბრებოდა მათ.

ეტრუსკი ნათელმხილველი ქურუმები_ავგურები და ჰარუსპიკები

ეტრუსკები ღმერთებთან გასაუბრების გარეშე არაფერს წყვეტდნენ. ქურუმები იყოფოდნენ ავგურებად და ჰარუსპიკებად. პირველნი წინასწარმეტყველებდნენ ფრინველთა ფრენასა და ქცევაზე. ამ პროცესს ერქვა აუგურუმი და მისგან მომდინარეობს სიტყვა "ინაუგურაცია". მეორენი-ცხოველთა შიგნეულზე, განსაკუთრებით ღვიძლზე.

მსგავსი მკითხაობა პოპულარული იყო: შუმერში, აქადში, ბაბილონში და ასირიაში. ქურუმი შეიძლება ყოფილიყო როგორც მამაკაცი, ასევე ქალი. ეტრუსკთა მთელი ცხოვრება ექვემდებარებოდა რიტუალებს ანუ ცერემონიას. ქალაქ ცერეს სახელწოდებიდან მივიღეთ სიტყვა "ცერემონია". თორმეტი ეტრუსკული ქალაქის ლუკუმონებს ჰქონდათ არამარტო საერო, არამედ რელიგიურ ძალაუფლებაც.

ბიბლიური წინასწარმეტყველი დანიელი

 წინასწარმეტყველ დანიელზე მონაცემები მისავე წიგნსა და წინასწარმეტყველ ეზეკიელთან მოიპოვება. დანიელი წარმოშობით დიდგვაროვანთა ოჯახიდან იყო, რაც ნათლად იკვეთება ბაბილონის მეფესთან მისი სამსახურში აყვანით. დანიელი გამოირჩეოდა არაჩვეულებრივი ნიჭით და ფართო აზროვნებით. ჯერ კიდევ ახალგაზრდა იყო, როცა პირველ ებრაელ ლტოლვილებთან ერთად ბაბილონში აღმოჩნდა, სადაც ის ბევრი ღირსების გამო მეფის კარზე დაწინაურდა. დანიელი უმაღლეს ბაბილონურ განათლებას სამი წლის განმავლობაში ეწაფებოდა, რამაც ახლოს გააცნო ბაბილონის წარმართულ სიბრძნესთან.

კრეტელი ნათელმხილველი ეპიმენიდე_ კოლხ ქურუმ კურეტთა შთამომავალი

თავად სახელი ეპიმენიდე ნიშნავს მინოსის ანუ კრეტის მეფის შთამომავალს. ეპიმენიდე თავს მიიჩნევდა კურეტად. ვინ იყვნენ კურეტები? მოცემული სიტყვის ეტიმოლოგიაზე ბევრს მსჯელობენ. ამ მინოსურ სიტყვას აახლოებენ ქართულ-ზანური ხანის ფუძესთან kar/kr-"შეკვრის, დაკავშირების" მნიშვნელობით. ცნობილი ენათმეცნიერი გიორგი კლიმოვი თავის მხრივ, კურეტებთან აკავშირებს ქართულ-ზანურ kreb/kareb-"შეგროვებას". გადმოცემით, კრეტის პირველი მეფეები იყვნენ კურეტები და კუნძულის სახელწოდების ეტიმოლოგიაც თითქოს მათ უნდა უკავშირდებოდეს. კურეტთა გენეალოგია გამოძახილს პოულობს კორიბანტებთან. კორიბანტების კულტი მცირეაზიურია. კორიბანტები, ისევე როგორც კურეტები შეიარაღებულნი არიან, თან დაჰყვებიან ქალღმერთ რეა-კიბელეს.  კურეტების მდედრობითი სახე იყვნენ ნიმფები. ტიტანებმა რეა-კიბელეს გადასცეს შეიარაღებული მცველები - კორიბანტები. მათზე  ამბობდნენ, რომ ისინი (კრეტაზე, ევბეაზე, სამოთრაკეზე, ეგეოსის ზღვის სხვა კუნძულებსა და ფრიგიაში) კოლხეთიდან იყვნენ წამოსული. ბერძნებამდელი სიტყვა კორიბანტი მიღებულია დიდი დედაღვთაება კიბელეს შვილის სახელიდან "კორიბას."

წინასწარმეტყველი სიბილები და იესო ქრისტე

 

ძველ საბერძნეთსა და რომში სიბილები ერქვათ ლეგენდარულ მოხეტიალე მისნებს, რომლებიც დაჯილდოებული იყვნენ მომავლის ხედვის უნარით და ხალხს აცნობდნენ ღმერთების ნებას. ანტიკური ავტორები წერენ ბევრ ასეთ სიბილაზე, მაგრამ ყველაზე სახელგანთქმული, მათ შორის, იყო კუმეის სიბილა. სწორედ მას მიაკუთვნებენ ცნობილი წინასწარმეტყველებების კრებულთა ავტორობას, რომლითაც კარგა ხანს სარგებლობდნენ რომში. მე-8-7 ს-ში ჩვ.წ.აღ-მდე საბერძნეთში ვერცერთი მისტერია უვლიდა გვერდს ამ ქალების წინასწარმეტყველებას.

თავიდან "სიბილა" გახლდათ საკუთარი სახელი. ასე ერქვა ლეგენდარულ ტროელ ქალს, დარდანოსის შვილს, რომელსაც ნათელხილვის უნარი ჰქონდა. დროთა განმავლობაში ამ სიტყვამ მიიღო განზოგადებული მნიშვნელობა და გახდა მოხეტიალე მისანთა სახელწოდება.

ჰიტლერის კარის ნათელმხილველი ერიკ იან ჰანუსენი

 

ერიკ იან ჰანუსენი ერთ-ერთი ყველაზე ამოუცნობი ფიგურაა მესამე რაიხის ისტორიაში. ზოგიერთი მას მიიჩნევს დიდ ნათელმხილველად, ზოგიერთი-თაღლითად. მისი ნამდვილი სახელი და გვარი გახლდათ ჰერმან-ჰაიმ შტაინშნაიდერი. ის დაიბადა ვენის ღარიბ ებრაელთა ოჯახში. მისივე თქმით, წინასწარმეტყველების უნარი სამი წლის ასაკიდან დაეწყო. ჰაიმმა გააყალბა საკუთარი დოკუმენტები, დამალა ებრაული წარმოშობა, თავი დანიური წარმოშობის არისტოკრატად გაასაღა. მოგვიანებით, სახელად ჰარი დაირქვა და თავს ცნობილ იტალიელ მომღერალ ტიტო რუფოდ ასაღებდა. მალევე გადაწყვიტა თავი ეცადა ესტრადაზე. მუშაობა დაიწყო კაბარეში ილუზიონისტად, სადაც ტაროს ბანქოზე მკითხაობდა საჯაროდ. მაგრამ ერთხელ განაცხადა, რომ ბანქოს გარეშეც ხედავდა ადამიანის მომავალს. მართლაც, მისი წინასწარმეტყველება ხშირად ხდებოდა, მაგრამ უმეტეს შემთხვევაში ცუდი შედეგით. ამის გამო, კაბარეს უკმაყოფილო მეპატრონეებმა ის სამსახურიდან დაითხოვეს. ჰარიმ მუშაობა დაიწყო ვარიეტეში, სადაც  შორ მანძილზე აზრების კითხვასა და ჰიპნოზის სეანსების ჩატარებას შეუდგა.

აპოლონ თიანელის უდიდესი გამოცანები და საიდუმლოებანი

"მე მხოლოდ ადამიანი ვარ, მაგრამ ნებისმიერს შეუძლია ჭვრეტისა და ფილოსოფიის წყალობით ღმერთებამდე ამაღლდეს."

ამ საოცარი, იესო ქრისტეს თანამედროვე პიროვნების ფიგურა დღემდე სადაოდ რჩება. აპოლონ თიანელის ბიოგრაფია ეკუთვნის ფლავიუს ფილოსტრატე უფროსის კალამს, ახ.წ. აღ-ის 220 წ, დაიწერა ცნობილი ბრძენის გარდაცვალებიდან ორი საუკუნის შემდეგ და ეფუძნება  ნინევიელი დამისის დღიურებს, რომელიც გახლდათ აპოლონის პირადი მდივანი და თანამგზავრი ყველგან. მისი დღიურები უკვალოდ გაქრა.

წინასწარმეტყველი და ალქიმიკოსი ალბერტ დიდი

ალბერტ ფონ ბოლშტედი დაიბადა 1193 წელს ბავარიის პატარა ქალაქ ლაუნგიენში არისტოკრატთა  ოჯახში. ბავშვობაში ალბერტი არ გამოირჩეოდა განსაკუთრებული ნიჭით, რაც ბრწყინვალე მომავალზე არ მიანიშნებდა. პატარა ალბერტს ერთი გატაცება ჰქონდა-სწრაფვა ცოდნის მიღებისკენ. მას მე-13 საუკუნის ყველაზე ცნობილ ალქიმიკოსად რაცხავენ. ის იყო ცნობილი ფილოსოფოსი, თეოლოგი და მეცნიერი. ლექციებს კითხულობდა ბავარიისა და საფრანგეთის წამყვან უნივერსიტეტებში. მისი ლექციები ტრიუმფით მიმდინარეობდა. აუდიტორიაში ადგილები არ ჰყოფნიდათ სტუდენტებს დასასწრებად. იმის გამო, რომ უნივერსიტეტში დიდი დარბაზი არ აღმოჩნდა, ალბერტი ლექციებს ატარებდა ღია ცის ქვეშ, მოედანზე.

გრაფი სენ-ჟერმენის უკვდავების საიდუმლო

გრაფი სენ-ჟერმენი არ იყო ტრაბახა, არ აზვიადებდა როცა ამტკიცებდა, რომ შეისწავლა ეგვიპტელთა ქიმიური საიდუმლოებები. მაგრამ როცა ამაზე საუბარს იწყებდა, არავის ეჯერა მისი. ამიტომ ზრდილობის გამო, თანამოსაუბრეთ თავს ისე აჩვენებდა თითქოს ხუმრობდა.  

                                                                   უმბერტო ეკო- "ფუკოს ქანქარა".

ის ადამიანი ვინც ისტორიაში კვალს ტოვებს, ხშირად საიდუმლოებებითაა მოცული. სწორედ ერთ-ერთი ასეთი საიდუმლოებით აღსავსე პიროვნება გახლდათ გრაფი სენ-ჟერმენი.

ყველას სმენია გრაფი სენ-ჟერმენის შესახებ, მასზე ბევრ უცნაურობებს ყვებიან.  თავი მოჰქონდა მარადიულ ურიად, სიცოცხლის ელექსირისა და ფილოსოფიური ქვის გამომგონებლად.  როგორც შარლატანს დასცინოდნენ. კაზანოვა თავის "ჩანაწერებში" მას ჯაშუშსაც კი უწოდებდა. თუმც მიუხედავად იდუმალებისა, სენ-ჟერმენს გამოარჩევდა კეთილშობილი გარეგნობა და საზოგადოებაში თავაზიანი ქცევის უნარი.

ზუსტად არავინ იცოდა სად და როდის დაიბადა გრაფი, რაც მას აძლევდა საშუალებას, რომ თავისუფლად ესაუბრა ცნობილ ადამიანებზე, ასეული და ათასეული წლების წინ გარდაცვლილებთან შეხვედრებზე. ის შესანიშნავად  ფლობდა ბევრ ენას, ამიტომ რთული იყო იმის გარკვევა რომელი იყო მისი მშობლიური. მსმენელთა წარმოსახვა განცვიფრებაში მოჰყავდა მომხიბვლელ მონაყოლს ეგზოტიკურ ქვეყნებზე. გრაფის მოხუცი მოსამსახურე ქრთამის საფასურად ამბობდა, რომ არაფერი იცოდა მის წარმოშობაზე და წარსულზე, ვინაიდან მასთან მხოლოდ სამასი წელი მსახურობდა. ასეთი პასუხის მერე, ბევრს სჯეროდა, რომ გრაფმა იცოდა უკვდავების ელექსირის მომზადების საიდუმლო. სენ-ჟერმენი მისი უკვდავების შესახებ გავრცელებულ ხმებს არ უარყოფდა.

ნიკოლოზ ფლამელი_ადამიანი, რომელმაც უკვდავების საიდუმლო ამოხსნა

 

ფილოსოფოსი ნიკოლოზ ფლამელი დაიბადა 1330 წელს ქალაქ პონტუაზში, ხოლო როდის გარდაიცვალა უცნობია. თუმც ნაპოვნი საფლავის ქვით თუ ვიმსჯელებთ,  ის ცხოვრობდა 88 წელი და წავიდა იმქვეყნად 1410-1418 წ.

საფლავის ქვა შემთხვევით აღმოჩნდა პარიზის ერთ-ერთ სასურსათო მაღაზიაში მე-20 საუკუნის დასაწყისში. მაღაზიაში მას საჭრელ დაფად იყენებდნენ. ქვის ზედა ნაწილზე გამოსახულია მოციქული პეტრე გასაღებით, პავლე მახვილით და ქრისტე. გამოსახულებებს შორის განთავსებულია მზე და მთვარე. დაბლა ამოტვიფრულია ეპიტაფია ფლამელის საქველმოქმედო საქმიანობაზე. ფილა ახლა ინახება პარიზის შუა საუკუნეების მუზეუმში.

რანიუ ნეროს წინასწარმეტყველება კაცობრიობის მომავალზე

1972 წელს, ქალაქ ბოლონიის ფრანცისკანელთა მონასტრის ბიბლიოთეკაში, აღმოჩნდა მე-14 საუკუნის უნიკალური ხელნაწერი "ტოსკანის ბალახები". მკვლევარებმა აქამდე უცნობი ხელნაწერი გადაშალეს და გაოცდნენ. ძველ, ბალახებზე დაწერილ ტრაქტატის ყდაში  საგულდაგულოდ იყო დამალული ხელნაწერი წიგნი წარწერით: "რანიუ ნერო. მარადიული წიგნი. ორაკული."

მისტიკური წინასწარმეტყველებათა ხელნაწერი კრებული მომავალზე აფორისტიკული ფორმით იყო შესრულებული. ვინაიდან ეკლესია არ იწონებდა უჩვეულო წინასწარმეტყველებებს, ხელნაწერის გადასარჩენად, რომელიღაცა ბერს მოსვლია აზრად თავში ერთი წიგნი მეორეში ჩაედო.

ისტორიკოსებმა გაარკვიეს, რომ სახელი რანიუ ნერო გამოგონილია და გერმანულად ის ნიშნავს "შავ ობობას" ან "შავ ბერს". ამ ფსევდონიმით აწერდა ხელს ავტორი ტექსტებს, რომელსაც ამთავრებდა შავი ობობას სტილიზებული გამოსახულებით. არსებობს რანიუს ნამდვილი სახელის ორი ვერსია.

ნიუტონის წინასწარმეტყველება სამყაროს აღსასრულზე

თითქმის ყოველდღე გვესმის სამყაროს აღსასრულის შესახებ  ახალ-ახალი წინასწარმეტყველება. ექსტრანსენსები, მაგები თუ ასტროლოგები საკუთარ მოვალეობად მიიჩნევენ "გაგვახარონ" აპოკალიფსის ზუსტი თარიღით. კარგად გვახსოვს მასიური ფსიქოზიც 2012 წელს, რაც მაიას კალენდარს უკავშირდებოდა. ცრუ აღმოჩნდა მსგავსი სხვა თარიღებიც. ამიტომ ჭკვიანი ადამიანები ასეთ წინასწარმეტყველებას ყურადღებას არ აქცევენ. მაგრამ როცა სამყაროს აღსასრულის თარიღს ასახელებს ისეთი დიდი მეცნიერი, როგორიც იყო ისააკ ნიუტონი, ძალაუნებურად დაფიქრდები.