მაგიური ძალის მქონე ჩინტამანის ქვა

ჩინტამანი სანსკრიტზე ნიშნავს "აზროვნების ძვირფას ქვას". ქვა ჩინტამანი ხსენდება მრავალრიცხოვან გადმოცემებში, ლეგენდებში, ასევე რელიგიურ და საერო ტექსტებში, როგორც ძველ აღმოსავლურ, ასევე თანამედროვე ხელნაწერებსა და წიგნებში. ის ნახსენებია ტიბეტურ "სუტრა სიბრძნესა და სისულელეზე" და ლეგენდებში კრიშნაზე. მას აიგივებენ გრაალის ზეციურ ქვასთან, ვინაიდან ისიც დედამიწაზე ჩამოტანილია წარღვნამდელ დროს. ამბობენ, ჩინტამანი გამოჭრილია მოელვარე შავი მინერალისგან და თავიდან მრავალწახნაგოვანი იყო. ამავე დროს, იმასაც ხაზს უსვამენ, რომ ჩვენეული ხედვითა და გაგებით მთლად ქვაც არაა. მეცნიერები ვერ შესძლებდნენ მის ყოველმხრივ შესწავლას, ვინაიდან ის ნაწილობრივ არსებობს იმ დროისა და სივრცით განზომილებაში რომელსაც აღვიქვამთ. ქვა ასოცირდება ქალურ საწყისთან და აღნიშნავს ქალის ეპოქას-სამყაროს დედის ეპოქას. ჩინტამანი ფილოსოფიური ქვის ანალოგია. არაბებისთვის ასეთია "ალ-აქსირი"-ბრძენთა ქვა.

ეტრუსკი ნათელმხილველი ქურუმები_ავგურები და ჰარუსპიკები

ეტრუსკები ღმერთებთან გასაუბრების გარეშე არაფერს წყვეტდნენ. ქურუმები იყოფოდნენ ავგურებად და ჰარუსპიკებად. პირველნი წინასწარმეტყველებდნენ ფრინველთა ფრენასა და ქცევაზე. ამ პროცესს ერქვა აუგურუმი და მისგან მომდინარეობს სიტყვა "ინაუგურაცია". მეორენი-ცხოველთა შიგნეულზე, განსაკუთრებით ღვიძლზე.

მსგავსი მკითხაობა პოპულარული იყო: შუმერში, აქადში, ბაბილონში და ასირიაში. ქურუმი შეიძლება ყოფილიყო როგორც მამაკაცი, ასევე ქალი. ეტრუსკთა მთელი ცხოვრება ექვემდებარებოდა რიტუალებს ანუ ცერემონიას. ქალაქ ცერეს სახელწოდებიდან მივიღეთ სიტყვა "ცერემონია". თორმეტი ეტრუსკული ქალაქის ლუკუმონებს ჰქონდათ არამარტო საერო, არამედ რელიგიურ ძალაუფლებაც.

ბიბლიური წინასწარმეტყველი დანიელი

 წინასწარმეტყველ დანიელზე მონაცემები მისავე წიგნსა და წინასწარმეტყველ ეზეკიელთან მოიპოვება. დანიელი წარმოშობით დიდგვაროვანთა ოჯახიდან იყო, რაც ნათლად იკვეთება ბაბილონის მეფესთან მისი სამსახურში აყვანით. დანიელი გამოირჩეოდა არაჩვეულებრივი ნიჭით და ფართო აზროვნებით. ჯერ კიდევ ახალგაზრდა იყო, როცა პირველ ებრაელ ლტოლვილებთან ერთად ბაბილონში აღმოჩნდა, სადაც ის ბევრი ღირსების გამო მეფის კარზე დაწინაურდა. დანიელი უმაღლეს ბაბილონურ განათლებას სამი წლის განმავლობაში ეწაფებოდა, რამაც ახლოს გააცნო ბაბილონის წარმართულ სიბრძნესთან.

ყველაზე დიდი ქრისტიანული სიწმინდის საიდუმლო ამოხსნილია

ტურინის სუდარა-ქსოვილი, რომელშიც გადმოცემით, გარდამოხსნის შემდეგ იესო ქრისტეს სხეული  გაახვიეს. ის ისევ ინახავს ბევრ საიდუმლოს და კვლავ აოცებს მკვლევარებს.

პადუის უნივერსიტეტის თანამშრომელმა ჯულიო ფანტიმ წმინდა სუდარის მორიგი კვლევის დროს აღმოაჩინა, რომ ქსოვილზე ქრისტეს სახის გარდა აღბეჭდილი იყო კიდევ ერთი სახე.

გამოსახულების ციფრული მეთოდით დამუშავების გამოყენებით მეცნიერმა ქსოვილის მეორე მხარეს გამოავლინა წინა მხარეს არსებულის მსგავსი სახე. ზუსტი თანხვედრა მაინც ვერ მოხერხდა, ვინაიდან ამ ორ ობიექტს შორის გარკვეული განსხვავებებიცაა. ამასთან, მეორე გამოსახულება უფრო მკრთალია, უხარისხო. საინტერესოა ისიც, თუ პირველი ნეგატივი ქრისტეს სხეულისაა, რომელიც აღდგომისას აღიბეჭდა სახიდან და ზურგიდან, მეორე შემთხვევაში საქმე გვაქვს მხოლოდ თავის ანაბეჭდთან.

კრეტელი ნათელმხილველი ეპიმენიდე_ კოლხ ქურუმ კურეტთა შთამომავალი

თავად სახელი ეპიმენიდე ნიშნავს მინოსის ანუ კრეტის მეფის შთამომავალს. ეპიმენიდე თავს მიიჩნევდა კურეტად. ვინ იყვნენ კურეტები? მოცემული სიტყვის ეტიმოლოგიაზე ბევრს მსჯელობენ. ამ მინოსურ სიტყვას აახლოებენ ქართულ-ზანური ხანის ფუძესთან kar/kr-"შეკვრის, დაკავშირების" მნიშვნელობით. ცნობილი ენათმეცნიერი გიორგი კლიმოვი თავის მხრივ, კურეტებთან აკავშირებს ქართულ-ზანურ kreb/kareb-"შეგროვებას". გადმოცემით, კრეტის პირველი მეფეები იყვნენ კურეტები და კუნძულის სახელწოდების ეტიმოლოგიაც თითქოს მათ უნდა უკავშირდებოდეს. კურეტთა გენეალოგია გამოძახილს პოულობს კორიბანტებთან. კორიბანტების კულტი მცირეაზიურია. კორიბანტები, ისევე როგორც კურეტები შეიარაღებულნი არიან, თან დაჰყვებიან ქალღმერთ რეა-კიბელეს.  კურეტების მდედრობითი სახე იყვნენ ნიმფები. ტიტანებმა რეა-კიბელეს გადასცეს შეიარაღებული მცველები - კორიბანტები. მათზე  ამბობდნენ, რომ ისინი (კრეტაზე, ევბეაზე, სამოთრაკეზე, ეგეოსის ზღვის სხვა კუნძულებსა და ფრიგიაში) კოლხეთიდან იყვნენ წამოსული. ბერძნებამდელი სიტყვა კორიბანტი მიღებულია დიდი დედაღვთაება კიბელეს შვილის სახელიდან "კორიბას."

წინასწარმეტყველი სიბილები და იესო ქრისტე

 

ძველ საბერძნეთსა და რომში სიბილები ერქვათ ლეგენდარულ მოხეტიალე მისნებს, რომლებიც დაჯილდოებული იყვნენ მომავლის ხედვის უნარით და ხალხს აცნობდნენ ღმერთების ნებას. ანტიკური ავტორები წერენ ბევრ ასეთ სიბილაზე, მაგრამ ყველაზე სახელგანთქმული, მათ შორის, იყო კუმეის სიბილა. სწორედ მას მიაკუთვნებენ ცნობილი წინასწარმეტყველებების კრებულთა ავტორობას, რომლითაც კარგა ხანს სარგებლობდნენ რომში. მე-8-7 ს-ში ჩვ.წ.აღ-მდე საბერძნეთში ვერცერთი მისტერია უვლიდა გვერდს ამ ქალების წინასწარმეტყველებას.

თავიდან "სიბილა" გახლდათ საკუთარი სახელი. ასე ერქვა ლეგენდარულ ტროელ ქალს, დარდანოსის შვილს, რომელსაც ნათელხილვის უნარი ჰქონდა. დროთა განმავლობაში ამ სიტყვამ მიიღო განზოგადებული მნიშვნელობა და გახდა მოხეტიალე მისანთა სახელწოდება.

ჰიტლერისა და SS-ის მაგიური ძალები

 

ჰიტლერს სწამდა ყველა თქმულებისა, რომელიც დაკავშირებული იყო ძალაუფლებასთან და არაადამინურ შესაძლებლობებთან, რომლის აპოგეად იქცა მისი შეხვედრა ბედის ანუ ლონგინოზის შუბთან ვენის მუზეუმში.

ლონგინოზის შუბი-გადმოცემებით, ჯვარცმულ იესო ქრისტეს ეს შუბი უგმირა ლონგინოზმა (ცნობისთვის, ის კაპადოკიელი იყო). ლონგინოზ ასისთავს თვალები სტკიოდა, მაცხოვრის მკერდიდან გადმოსულმა სისხლმა და წყალმა მისი სნეულებანი განკურნა. ლონგინოზი დარწმუნდა, რომ ჯვარცმული იესო მართლაც ღმერთი იყო. მან იწამა იესო და მის საფლავს იცავდა. ლონგინოზი და მისი ორი ჯარისკაცი ქრისტეს მოწაფეებმა მონათლეს. მათ მიატოვეს სამხედრო სამსახური და სახარების ქადაგება დაიწყეს. პილატემ ისინი სიკვდილით დასაჯა. წმინდა ლონგინოზის და მისი მეგობრების სხეულები კაპადოკიაში დაკრძალეს, თავად წმინდანთა ანდერძის მიხედვით. სწორედ მისი შუბის წვერს უწოდეს ბედის შუბი. ქრისტიანობაში ითვლება, რომ მისი მფლობელი მთელ მსოფლიოს დაეუფლება. ეს არტეფაქტი ხელთ ეპყრა: ჰუნების ბელად ატილას, იმპერატორ იუსტინიანე I, ფრანკთა მეფე კარლოს დიდს, ფრიდრიხ ბარბაროსას და სხვა.

ჰიტლერის კარის ნათელმხილველი ერიკ იან ჰანუსენი

 

ერიკ იან ჰანუსენი ერთ-ერთი ყველაზე ამოუცნობი ფიგურაა მესამე რაიხის ისტორიაში. ზოგიერთი მას მიიჩნევს დიდ ნათელმხილველად, ზოგიერთი-თაღლითად. მისი ნამდვილი სახელი და გვარი გახლდათ ჰერმან-ჰაიმ შტაინშნაიდერი. ის დაიბადა ვენის ღარიბ ებრაელთა ოჯახში. მისივე თქმით, წინასწარმეტყველების უნარი სამი წლის ასაკიდან დაეწყო. ჰაიმმა გააყალბა საკუთარი დოკუმენტები, დამალა ებრაული წარმოშობა, თავი დანიური წარმოშობის არისტოკრატად გაასაღა. მოგვიანებით, სახელად ჰარი დაირქვა და თავს ცნობილ იტალიელ მომღერალ ტიტო რუფოდ ასაღებდა. მალევე გადაწყვიტა თავი ეცადა ესტრადაზე. მუშაობა დაიწყო კაბარეში ილუზიონისტად, სადაც ტაროს ბანქოზე მკითხაობდა საჯაროდ. მაგრამ ერთხელ განაცხადა, რომ ბანქოს გარეშეც ხედავდა ადამიანის მომავალს. მართლაც, მისი წინასწარმეტყველება ხშირად ხდებოდა, მაგრამ უმეტეს შემთხვევაში ცუდი შედეგით. ამის გამო, კაბარეს უკმაყოფილო მეპატრონეებმა ის სამსახურიდან დაითხოვეს. ჰარიმ მუშაობა დაიწყო ვარიეტეში, სადაც  შორ მანძილზე აზრების კითხვასა და ჰიპნოზის სეანსების ჩატარებას შეუდგა.

ლევიტაციის საიდუმლო

ლევიტაცია ჩინურიდან ითარგმნება როგორც "დღისით ამაღლება". ის ნახსენებია ძველ ჩინურ წიგნებში. ლევიტაცია-ადამიანის ექსტრასენსორული უნარი დაძლიოს დედამიწის გრავიტაცია და ავიდეს ჰაერში. რაში მდგომარეობს ლევიტაციის საიდუმლო?

ადამიანის ლევიტაცია ფიზიკის ყველა კანონს ეწინააღმდეგება, მაგრამ ფაქტია რომ ლევიტაცია შესაძლებელია. მისი არსებობა ცნობილია არა მარტო აღმოსავლეთის კულტურებში, ქრისტიანობაც აღიარებს ასეთ ფენომენს, თუმც მის მიმართ დამოკიდებულება ორაზროვანია. ქრისტიანების დამოკიდებულება ლევიტაციის მიმართ უფრო ხშირად უარყოფითია. მას ათანაბრებენ ცრუ წმინდანობასთან, რომელიც დემონურ ნიშანს ატარებს, რათა ადამიანი ჭეშმარიტი გზიდან გადააცდინოს. თუმც ცნობილია ქრისტიანი წმინდანების ლევიტაციის შემთხვევები. ცნობილია 230-მდე ასეთი შემთხვევა.

მე-13 საუკუნეში დაწერილ წმ.ფრანცისკო ასიზელის ცხოვრებაში ნახსენებია მისი უნარი მიწის ზემოთ ამაღლების. ფრანცისკო ასიზელი მეტად მოკრძალებული პიროვნება იყო და ერიდებოდა ესაუბრა საკუთარ ნიჭზე. ლევიტაციის დაწვრილებითი აღწერა მოცემულია ესპანელი მონაზვნის წმ.ტერეზა ავილიელის ბიოგრაფიაში. მონაზონი განმარტებას ადვილად იძლეოდა რელიგიური ექსტაზის დროს მიღებულ საკუთარ შეგრძნებებსა და განცდებზე, აგრეთვე ლევიტაციაზე.  ლოცვის დროს ღმერთთან ახლოს ყოფნისას, ხშირად წყდებოდა მიწას და მაღლდებოდა ნახევარი მეტრის სიმაღლზე. გრავიტაციის ძალის დამარცხება ხანდახან ნახევარ საათს გრძელდებოდა.

უძველესი იაპონური გვირაბები ტონკარარინი

 

იაპონიის ქალაქ ნაგომის ახლოს მთებში ძველი, ვიწრო გვირაბების სისტემაა, რომლის გამო მიმდინარეობს მუდმივი კამათი, ვინაიდან გაუგებარია, ვინ, როდის და რისთვის შექმნა ის.

მთებქვეშ არსებული საიდუმლო, ნახევრად დანგრეული გვირაბების სისტემა, რომელსაც ტონკარარინის სახელით იცნობენ, სავარაუდოდ, ჩვ.წ. აღ-ის მე-5, 6 საუკუნეშია აგებული, მაგრამ მისი რეალური ასაკი არავინ იცის.

აპოლონ თიანელის უდიდესი გამოცანები და საიდუმლოებანი

"მე მხოლოდ ადამიანი ვარ, მაგრამ ნებისმიერს შეუძლია ჭვრეტისა და ფილოსოფიის წყალობით ღმერთებამდე ამაღლდეს."

ამ საოცარი, იესო ქრისტეს თანამედროვე პიროვნების ფიგურა დღემდე სადაოდ რჩება. აპოლონ თიანელის ბიოგრაფია ეკუთვნის ფლავიუს ფილოსტრატე უფროსის კალამს, ახ.წ. აღ-ის 220 წ, დაიწერა ცნობილი ბრძენის გარდაცვალებიდან ორი საუკუნის შემდეგ და ეფუძნება  ნინევიელი დამისის დღიურებს, რომელიც გახლდათ აპოლონის პირადი მდივანი და თანამგზავრი ყველგან. მისი დღიურები უკვალოდ გაქრა.

შავი ბამბუკის ანომალური ზონა "ჰეიჩჟუ" ჩინეთში

 

ჩინეთის სიჩუანის პროვინციაში მდებარე შავი ბამბუკის ხეობა ჰეიჩჟუ დედამიწის ანომალური ზონების ხუთეულშია შესული. ეს ხეობა ყველაზე საშიშ და ამოუცნობ ადგილად ითვლება. ორმოცდაათი წელია უკვე, რაც იქ მასიურად იკარგება ხალხი. ხეობა სულ 200 კვ. მ-ია. ბამბუკი ისე მჭიდროდ იზრდება, რომ ჰორიზონტი სრულიად უხილავია. ჩინელები ბამბუკს ყოფაცხოვრებაში საუკუნეებია რაც იყენებენ, მაგრამ ამ ხეობას ახლოს არ ეკარებიან. გამცილებლებიც კი ტურისტულ ჯგუფებს ზონის საზღვართან ტოვებენ ხოლმე. ამ ადგილს ბევრი ცნობისმოყვარე ტურისტი სტუმრობს.

წინასწარმეტყველი და ალქიმიკოსი ალბერტ დიდი

ალბერტ ფონ ბოლშტედი დაიბადა 1193 წელს ბავარიის პატარა ქალაქ ლაუნგიენში არისტოკრატთა  ოჯახში. ბავშვობაში ალბერტი არ გამოირჩეოდა განსაკუთრებული ნიჭით, რაც ბრწყინვალე მომავალზე არ მიანიშნებდა. პატარა ალბერტს ერთი გატაცება ჰქონდა-სწრაფვა ცოდნის მიღებისკენ. მას მე-13 საუკუნის ყველაზე ცნობილ ალქიმიკოსად რაცხავენ. ის იყო ცნობილი ფილოსოფოსი, თეოლოგი და მეცნიერი. ლექციებს კითხულობდა ბავარიისა და საფრანგეთის წამყვან უნივერსიტეტებში. მისი ლექციები ტრიუმფით მიმდინარეობდა. აუდიტორიაში ადგილები არ ჰყოფნიდათ სტუდენტებს დასასწრებად. იმის გამო, რომ უნივერსიტეტში დიდი დარბაზი არ აღმოჩნდა, ალბერტი ლექციებს ატარებდა ღია ცის ქვეშ, მოედანზე.

გრაფი სენ-ჟერმენის უკვდავების საიდუმლო

გრაფი სენ-ჟერმენი არ იყო ტრაბახა, არ აზვიადებდა როცა ამტკიცებდა, რომ შეისწავლა ეგვიპტელთა ქიმიური საიდუმლოებები. მაგრამ როცა ამაზე საუბარს იწყებდა, არავის ეჯერა მისი. ამიტომ ზრდილობის გამო, თანამოსაუბრეთ თავს ისე აჩვენებდა თითქოს ხუმრობდა.  

                                                                   უმბერტო ეკო- "ფუკოს ქანქარა".

ის ადამიანი ვინც ისტორიაში კვალს ტოვებს, ხშირად საიდუმლოებებითაა მოცული. სწორედ ერთ-ერთი ასეთი საიდუმლოებით აღსავსე პიროვნება გახლდათ გრაფი სენ-ჟერმენი.

ყველას სმენია გრაფი სენ-ჟერმენის შესახებ, მასზე ბევრ უცნაურობებს ყვებიან.  თავი მოჰქონდა მარადიულ ურიად, სიცოცხლის ელექსირისა და ფილოსოფიური ქვის გამომგონებლად.  როგორც შარლატანს დასცინოდნენ. კაზანოვა თავის "ჩანაწერებში" მას ჯაშუშსაც კი უწოდებდა. თუმც მიუხედავად იდუმალებისა, სენ-ჟერმენს გამოარჩევდა კეთილშობილი გარეგნობა და საზოგადოებაში თავაზიანი ქცევის უნარი.

ზუსტად არავინ იცოდა სად და როდის დაიბადა გრაფი, რაც მას აძლევდა საშუალებას, რომ თავისუფლად ესაუბრა ცნობილ ადამიანებზე, ასეული და ათასეული წლების წინ გარდაცვლილებთან შეხვედრებზე. ის შესანიშნავად  ფლობდა ბევრ ენას, ამიტომ რთული იყო იმის გარკვევა რომელი იყო მისი მშობლიური. მსმენელთა წარმოსახვა განცვიფრებაში მოჰყავდა მომხიბვლელ მონაყოლს ეგზოტიკურ ქვეყნებზე. გრაფის მოხუცი მოსამსახურე ქრთამის საფასურად ამბობდა, რომ არაფერი იცოდა მის წარმოშობაზე და წარსულზე, ვინაიდან მასთან მხოლოდ სამასი წელი მსახურობდა. ასეთი პასუხის მერე, ბევრს სჯეროდა, რომ გრაფმა იცოდა უკვდავების ელექსირის მომზადების საიდუმლო. სენ-ჟერმენი მისი უკვდავების შესახებ გავრცელებულ ხმებს არ უარყოფდა.

პარალელური სამყაროები_მითი თუ რეალობა

არსებობს თუ არა სხვა, ანუ პარალელური სამყაროები? მათ შესახებ ბევრ ლეგენდაში, წიგნებსა და ფანტასტიკურ ფილმებშია საუბარი. ჯერ კიდევ ცნობილი ჯორდანო ბრუნო ახსენებდა სხვა სამყაროებს. მეცნიერება არ იღებდა ფრაზას" პარალელური სამყაროები". თუმც ამ საკითხზე მსჯელობა აქტუალურად მიმდინარეობდა და მიმდინარეობს მუდმივად. 

პარალელური სამყარო-რეალობა, რომელიც ჩვენს თანადროულად და მისგან დამოუკიდებლად არსებობს. პარალელურ სამყაროში არსებული მდოგომარეობა შესაძლოა აბსოლუტურად განსხვავდებოდეს ჩვენ სამყაროში მიმდინარე მოვლენებისგან, შესაძლოა ჰგავდეს კიდეც. მიუხედავად იმისა, რომ სხვა რეალობების არსებობა არაა დამტკიცებული, მეცნიერები მაინც სერიოზულად განიხილავენ ამ შესაძლებლობას. სხვა რეალობების არსებობის მტკიცებულება შეიძლება იყოს ბურუსით მოსილი საიდუმლოს გასაღები.

ეგვიპტური ჯვარი ანჰის ☥ და აცტეკთა T-აუს მსგავსება

 

მექსიკის შტატ მეხიკოში ქალაქ ტოლუკა-დე-ლერდოს მახლობლად მდებარეობს აცტეკთა ქალაქი კალიცტლაუკა. ეს ქალაქი იყო ტოლუკას ხეობაში მსხვილი ტერიტორიული წარმონაქმნის ცენტრი.

1930 წელს აცტეკთა ქალაქ კალიცტლაუკში გათხრებს ატარებდა ხოსე გარსია პაიონი. 2002 წელს, არიზონის სახელმწიფო უნივერსიტეტის დაფინანსებით, მან კვლევის ახალი პროქტის ინიცირება შეძლო. 2007 წელს გაითხარა ტერასები, სახლები.

ეშმაკის კუნძული მექსიკის ყურესთან

მექსიკის ყურეში, სანაპიროსთან ახლოს მდებარეობს უკაცრიელი კუნძული უცნაური სახელწოდებით-ეშმაკის კუნძული.

1611 წელს, მეკობრეთა გემიდან ამ კუნძულზე გადმოსხდა 13 ადამიანი. მათ შორის იყვნენ დაჭრილები. კაპიტანმა პირობა მისცა, რომ ერთი კვირის შემდეგ დაბრუნდებოდა წასაყვანად. ერთი კვირა ერთ თვემდე გაიწელა. კუნძულზე დაბრუნებულმა მეკობრეებმა ვერავინ ნახეს. ქოხები ცარიელი დახვდათ, ხელუხლებელი იყო იარაღი. მათ გაქრობას ვერ დაუკავშირებდი ინდიელთა თავდასხმას. დადგმული ხის ჯვარი მიწაზე ეგდო, რაც ცუდის ნიშნად მიიჩნიეს მოსულებმა. ამის მერე, ეწოდა ამ ადგილს ეშმაკის კუნძული.

ლეონარდო და ვინჩის "ლესტერის კოდექსი"_ ყველაზე ძვირადღირებული წიგნი

 

ლესტერის კოდექსი, რომელიც ლეონარდო და ვინჩის კალამს ეკუთვნის და დაწერილია მისივე "სარკისებური" შრიფტით, იკითხება მხოლოდ სარკეში. ესაა სამეცნიერო ჩანაწერების კრებული. ლეონარდო 4 წელი მუშაობდა ამ წიგნზე მილანში ყოფნისას და მას უწოდა "ტრაქტატი წყალზე, მიწაზე და ზეციურ საქმეებზე". ხელნაწერი შედგება 18 ფურცლისგან (72 გვერდი). 1506 წლიდან მოყოლებული 1510 წლის ჩათვლით ლეონარდო იწერდა საკუთარ დაკვირბებსა და ლოგიკურ დასკვნებს, თან ურთავდა შესაბამის ილუსტრაციებს, სქემებს, მათემატიკურ გამოთვლებს და ნახაზებს.

ტიბეტის მისტიკური ადგილის შვიდი საოცრება და საბჭოთა ოგპუ-ს საიდუმლო მისია

 

კაილასის მთა თითქოს შეუვალი ციხესიმაგრეა და იცავს თავის საიდუმლოებებს დაუპატიჟებელი სტუმრებისგან. რა უცნაურობების ბურუსშია გახვეული კაილასი და რა განასხვავებს მას მსოფლიოში არსებულ სხვა მწვერვალებისგან?

1.მთის სიმაღლე-ზღვის დონიდან 6666 მეტრია. კაილასი თითქოს დაცულია რაღაც ძალებით ყველა მხრიდან.

 2. ჯერ ვერავინ მოახერხა მისი მწვერვალის დაპყრობა.  ყველა დალაშქვრა  მისტიკურად მთავრდება ტრაგედიით ან წარუმატებლად. რის გამო, მთის დამლაშქრავნი იძულებული არიან მიზნის მიუღწევლად დაბრუნდნენ უკან. ცნობილია, მე-20 საუკუნის 90-იანი წლებში ამერიკის სამეცნიერო ექსპედიციის შემთხვევა. მეცნიერები გაემგზავრნენ კაილასზე, რა თქმა უნდა, ვერ მიაღწიეს მას. ამის შემდეგ, ორი წლის განმავლობაში ექსპედიციის ყველა წევრი მოულოდნელად გარდაიცვალა.

მერკაბა_ადამიანის სინათლის სხეული

 

მერკაბა-სინათლის სხეული. ისტორიაში მერკაბა მოხსენიებულია როგორც გადაადგილების საშუალება ზენა და ქვენა სამყაროებში. რეალურად მერკაბა უფრო მეტად მნიშვნელოვანია ვიდრე სატრანსპორტო საშუალება. მერკაბას ველს შეუძლია იყოს ყველაფერი, ვინაიდან ისაა პირველყოფილი მოდელი, რომელმაც შვა ხილულიცა და უხილავიც სამყაროში.

წარწერა, რომელიც აქამდე უცნობი სამეფოს არსებობაზე მიანიშნებს

 

2017 წელს სამხრეთ თურქეთში ფერმერი საკუთარ ნაკვეთზე არხს თხრიდა, შემთხვევით ბარი ქვას მოხვდა, მოულოდნელად დიდი ქვა დაინახა ამოუცნობი წარწერებით. სპეციალისტებმა გაარკვიეს, რომ წარწერა მკვდარ ლუვიურ ენაზე იყო შესრულებული. წარწერის გაშიფვრის შემდეგ ცნობილი გახდა კიდევ ერთი უცნობი უძველესი სამეფოს არსებობის შესახებ.

ქვა დათარიღდა  მე-8 საუკუნით ჩვ.წ. და ის გახლდათ გამარჯვების სტელა. მასზე აღწერილი იყო საომარი მოქმედებები, რომელშიც მონაწილეობას იღებდა ფრიგია. როგორც ცნობილია, ფრიგია იმ დროს იყო ძლიერი სამეფო წინა აზიაში.

რა ინახებოდა ბიბლიური აღთქმის კიდობანში

 

ბიბლიიდან ცნობილია, რომ აღთქმის კიდობანში ინახებოდა ათი მცნების ფილები. მაგრამ ზოგიერთ წყაროში გაჩნდა ვერსია, რომ აღთქმის კიდობანში ინახებოდა არამარტო მთელი ფილები, არამედ ღმერთისგან  პირველად ბოძებული დამტვრეული ფილებიც. თუმც თავად ძველი აღთქმის ტექსტებში არაფერია ნათქვამი დამსხვრეული ფილების შესახებ. ამ ეჭვებს საფუძველს უმაგრებს ტექსტი ძველი აღთქმიდან, სადაც საუბარია უფრო მოგვიანებით მოვლენებზე, რომელიც ეხება აღთქმის კიდობნის ადგილს სოლომონის ტაძარში.

არაფერი იყო კიდობანში გარდა ფიქალებისა, მოსემ რომ ჩააწყო იქ ხორებში ყოფნისას, როცა უფალმა კავშირი შეკრა ისრაელიანებთან ეგვიპტიდან მათი გამოსვლის შემდეგ.-მესამე მეფეთა (თავი 8-9)

გვხდება ასევე მტკიცება, რომ კიდობანში ინახება "ღმერთის წარმოუთქმელი სახელი". წარმოუთქმელ სახელში იგულისხმება ე.წ. ტეტრაგრამატონი-ღმერთის ოთხასოიანი სახელი. ლათინური ასოებით ის ასე იწერება IHVH ანუ იაჰვე (ან იეღოვა).

სად ინახება ბიბლიური აღთქმის კიდობანი

 

ბიბლიიდან ცნობილია, რომ აღთქმის კიდობანში ინახებოდა ათი მცნების ფილები, რომელიც ღმერთმა გადასცა მოსეს სინას მთაზე. სანამ მოსე ღმერთის დავალებას იღებდა (რასაც საკმაო დრო დასჭირდა), ისრაელიტელები დაიღალნენ ლოდინით, ეჭვი შეეპარათ დაპირებებში და გადაწყვიტეს დაბრუნებოდნენ ძველ რელიგიურ წეს-ჩვეულებებს. დაამზადეს ოქროს ხბო და მას ეთაყვანებოდნენ. რაც პირდაპირ ეწინააღმდეგებოდა იმას, რასაც ღმერთი მათგან მოითხოვდა. სინას მთიდან დაბრუნებული მოსე თანატომელთა საქციელმა აღაშფოთა. განრისხებულმა ფილები ძირს დაანარცხა და დაამსახვრია.

რა საიდუმლოს ინახავს მოციქული პეტრეს საფლავი

 

"და მე გეტყჳ შენ, რამეთუ შენ ხარ კლდე, და ამას კლდესა ზედა აღვაშენო ეკლესიაჲ ჩემი, და ბჭენი ჯოჯოხეთისანი ვერ ერეოდიან მას".

 იცოდა თუ არა პეტრემ, რომ იესოს ეს სიტყვები მის მომავალს განსაზღვრავდა და ქრისტიანობის იმ დამაკავშირებელ ადგილზე მიუთითებდა, სადაც განისვენებს პეტრე, რომ იქ აღმართავდნენ წმინდა პეტრეს ტაძარს და მის გარშემო ამოიზრდებოდა ვატიკანი?

პეტრემ ეს არ იცოდა, მაგრამ ქრისტესთან შეხვედრის შემდეგ, მეთევზის შვილი ხდება უპირველესი მოციქული და ავრცელებს რწმენას. პეტრე სულიერად არ იყო საკმაოდ ძლიერი და როდესაც  ქრისტე ჯვარზე გააკრეს, მამლის ყივილამდე  სამჯერ უარყო ის. ღმერთმა მას შეუნდო. მთავარმა მოციქულმა გააგრძელა იესოს გზა დედამიწაზე და გახდა  თორმეტი მოციქულის მეთაური.

თასი, როგორც საკრალური სიმბოლო

 

თასი ერთ-ერთი უძველესი ძალის მატარებელი ნივთია და მნიშვნელოვანი ატრიბუტი რიტუალებისა. მასში ინახება შესაწირი უმაღლესი ძალებისადმი. ამიტომ ის უნდა მომზადდეს და ეკურთხოს ძირითადი მაგიური პრინციპების შესაბამისად. ჩვენი წინაპრები ღმერთებს შესაწირს ხელისგულებით მიართმევდნენ. მას მერე, რაც ადამიანმა ისწავლა ხის, ქვის, ლითონის დამუშავება, ამ მიზნით უკვე იყენებდნენ თასს.

რა საიდუმლოს ინახავს უძველესი ქვის კომპლექსი "დიდი ზიმბაბვე"

 

დიდი ზიმბაბვე გახლავთ შონთა მთავარი სიწმინდე და საკულტო ცენტრი. ის ერთადერთი მეგალითური კომპლექსია აფრიკაში, რომელიც მდებარეობს საჰარის სამხრეთით. არქეოლოგები დღემდე დავობენ და ვერ მივიდნენ საერთო დასკვნამდე, ვინ ააგო ეს ქალაქი. ცდილობენ დაადგინონ დიდი ზიმბაბვის წარმოშობა. მკვლევართა აზრით მას კავშირი უნდა ჰქონდეს ბიბლიურ პერსონაჟებთან-მეფე სოლომონთან და საბაოთის დედოფალთან.

მდინარე ზამბეზისა და ლიმპოპოს შორის აღმოჩენილია უამრავი ქვის ნაგებობის ნანგრევი, მაგრამ დიდი ზიმბაბვე, მათ შორის,  გამორჩეულია. ზიმბაბვე-ინგლისურ ყაიდაზე შეცვლილი აფრიკული სიტყვაა, რომელიც "ქვის სახლებს" ნიშნავს. ციხესიმაგრე აგებულია ქვისგან, აფრიკისთვის უჩვეულო მასალით. კომპლექსი მიმოფანტულია 24 ჰექტარზე. მთავარი ნაგებობა-დიდი დასახლება ელიფსის ფორმისა 250 მეტრიანი კედლითაა გარშემორტყმილი. კოშკი თავისი ფორმით ადგილობრივ შონას ტომის მარცვლეულის შესანახს წააგავს, მაგრამ მისი მონოლითურობიდან გამომდინარე ნაგებობის დანიშნულება არქეოლოგებისთვის ამოუხსნელ ამოცანად რჩება.

ნიკოლოზ ფლამელი_ადამიანი, რომელმაც უკვდავების საიდუმლო ამოხსნა

 

ფილოსოფოსი ნიკოლოზ ფლამელი დაიბადა 1330 წელს ქალაქ პონტუაზში, ხოლო როდის გარდაიცვალა უცნობია. თუმც ნაპოვნი საფლავის ქვით თუ ვიმსჯელებთ,  ის ცხოვრობდა 88 წელი და წავიდა იმქვეყნად 1410-1418 წ.

საფლავის ქვა შემთხვევით აღმოჩნდა პარიზის ერთ-ერთ სასურსათო მაღაზიაში მე-20 საუკუნის დასაწყისში. მაღაზიაში მას საჭრელ დაფად იყენებდნენ. ქვის ზედა ნაწილზე გამოსახულია მოციქული პეტრე გასაღებით, პავლე მახვილით და ქრისტე. გამოსახულებებს შორის განთავსებულია მზე და მთვარე. დაბლა ამოტვიფრულია ეპიტაფია ფლამელის საქველმოქმედო საქმიანობაზე. ფილა ახლა ინახება პარიზის შუა საუკუნეების მუზეუმში.

ჰერმოფროდიტი_საკრალური სქესი

 

ჰერმოფროდიტი არის ჰერმესისა და აფროდიტეს სახელთა შეერთების შედეგად მიღებული სიტყვა. კარგადაა ცნობილი სიმბოლიზმი და ძირითადი მნიშვნელობა ჰერმოფროდიტისა ალქიმიაში.  ესაა მგზნებარე სურვილი ერთიანობისა, რომელსაც ჰქვია სიყვარული, რაც აისახა ბიბლიის "დაბადებაში"-ამიტომაც მიატოვებს კაცი დედ-მამას და მიეწებება თავის დედაკაცს, რათა ერთხორცად იქცნენ."(2:24)

ტიბეტის დიდი იოგი ჯეცუნ მილარეპა

 

ტიბეტელი მილარეპას გზა მრავალსაუკუნოვანი განხილვისა და მიბაძვის საგანია. ის მაგალითია იმასა, თუ როგორ შეიძლება ძლიერი სულითა და თავდაუზოგაობით მიაღწიო გაბრწყინებას. მისი ლექსები ზეპირსიტყვიერად გადაეცემა თაობიდან თაობას. მილარეპას სახელი მან მიიღო ტიბეტურ იოგურ პრაქტიკაში წარმატების მიღწევის შემდეგ. წარმატებულ იოგებს ანიჭებდნენ "რეპას" სახელს.

მილარეპა ცხოვრობდა და მოღვაწეობდა მე-11 საუკუნეში. დაიბადა შეძლებულ ოჯახში. მამა ადრე გარდაეცვალა. ბიძამ მიისაკუთრა ძმის ქონება, რომელიც მილარეპასა და დედამისს ეკუთვნოდა. დედამ გულში ჩაიდო წყენა. შვილი წამოიზარდა თუ არა, დაარწმუნა რომ  შეესწავლა მაგიის ხელოვნება, რათა ამ გზით სამაგიერო გადაეხადა მაზლისთვის და შური ეძია მასზე.

ჩინეთის საიდუმლო საზოგადოებები

 

ჩინეთში უხსოვარი დროიდან არსებობდა საიდუმლო საზოგადოებები, ამასთან ისტორიის გარკვეულ მონაკვეთში რჩეულთა ეს ჯგუფები ასრულებდნენ სხვადასხვა როლს. თუკი რომელიღაც ასწლეულში მათი მთავარი საზრუნავი ძირითადად იყო სულიერი სფერო, სხვა დროს მათი ყურადღება მიპყრობილი იყო მხოლოდ პოლიტიკაზე. ამ საზოგადოებების წევრები ხდებოდნენ სხვადასხვა ფენის წარმომადგენლები. ისინი ყოველთვის იცავდნენ ღირსებას, ჭეშმარიტებას და სიწმინდეს.

ყველაზე ცნობილ საიდუმლო საძმოდ ჩინეთში ითვლება საზოგადოება ხუნი, რომელიც დღემდე არსებობს. ბოლო მონაცემებით უფრო მეტ პოპულარობას იძენს. გადმოცემით, ეს საზოგადოება შეიქმნა ჩვ.წ.აღ-ის მე-3 საუკუნეში. საზოგადოება აღმოჩნდა ჩართული ბევრ პოლიტიკურ ინტრიგასა და ამბოხში, ვინაიდან ყოველთვის იცავდა ღარიბთა უფლებებს. ისინი ხშირად  ესხმოდნენ თავს იმპერიის კორუფციას. ხელისუფლება ყველა საშუალებას იყენებდა, რომ გაენადგურებინა ეს საზოგადოება. წევრებზე ძებნას აცხადებდნენ, დაჭერის შემთხვევაში სჯიდნენ. არაერთხელ გამოცხადდა, რომ ორდენი აღარ არსებობს, მაგრამ ის ფენიქსივით აღდგებოდა ხოლმე ფერფლიდან.

ასასინები_მკვლელთა საიდუმლო ორდენი

ორასი წელი (XI-XIII ს.) ფანატიკოს მუსულმანთა ორდენი "ასასინები" მთელ ახლო აღმოსავლეთს შიშის ზარს სცემდა თავისი სისასტიკითა და აკრძალვების არარსებობით. მათი მომსახურებით სარგებლობდნენ არამარტო აღმოსავლეთის მონარქთა ოჯახები, არამედ მთელი ევროპა. ასასინთა ორდენის დამფუძნებელი გახლდათ ჰასან იბნ საბაჰი, ზედმეტსახელად "მთის უხუცესი". დაიბადა საბაჰი შიიტთა ოჯახში, კაიროში სწავლის დასრულების შემდეგ გადავიდა შიიტ ნიზარითთა რადიკალურ სწავლებაზე. მასთან ერთად სწავლობდა ომარ ჰაიამი და ნიზამ ალ-მულკი-ვეზირი სელჯუკთა იმპერიაში.

სწორედ ნიზამ ალ-მულკიდან იწყება ასასინ მკვლელთა ისტორია. ყოფილი ამხანაგი იქცა პოლიტიკურ მოწინააღმდეგედ და ჰასანმა მოიშორა ის. ალ მულკს მიუგზავნეს დერვიშად გადაცმული მკვლელი. ვეზირი მოკლეს საკუთარ სასახლეში დაცვისა და უამრავი მოწმის თვალწინ. მიზეზი ამ მკვლელობისა გახდა ნიზამ ალ-მულკის ბრძანება ისმაილიტთა მუეძინის დასჯის შესახებ. შეურაცხყოფილი ასასინები მიადგნენ ალამუთს, საბაჰი სახურავზე გამოჩნდა კვერთხის ქნევით და დაიძახა: "ამ ეშმაკის სიკვდილი ანაზღაურდება სამოთხეში ნეტარებით." ასეთი "დალოცვის" შემდეგ, ვეზირს დიდი ხნის სიცოცხლე აღარ ეწერა. ალ მულკის მკვლელი დაცვამ დაგლიჯა, ასასინებმა კი სასახლე გადაწვეს. საბაჰი საკმაოდ ჭკვიანი კაცი იყო და მიხვდა, მტერი რომ დააშინო, სულაც არაა საჭირო ჯარის შენახვა, საკმარისია ტერორისტ-ფანატიკოსები გყავდეს.

პროტოიბერიული ანუ მედიტერანული სამყარო_მალიას ქვის ფილის საიდუმლო

როგორც ცნობილია, კრეტაზე არქეოლოგებმა გამოავლინეს ხუთი სასახლის კომპლექსი: კნოსო, ფესტო, მალია, ზაკროსი და კიდონია. ლეგენდის მიხედვით, მალიის სასახლე ააგო მინოსის ძმამ სარპედონმა ჩვ.წ.აღ-მდე 1900 წელს. ეს სიდიდით მესამე სასახლე მდებარობს კუნძულის ჩრდილოეთ სანაპიროზე. კრეტაზე იშვიათი არაა ქართველური ძირის ტოპონიმები, როგორიცაა: აია, კუტაია, ფაითო, ლაზითი, ჭანია.

მალიას სასახლის მთავარ ეზოში შემონახულია უცნაური მრგვალი ქვის ფილა, რომლის დიამტერი 90 სმ-ია. იგი ჩაშენებულია მომცრო ტერასის იატაკში. დისკის ირგვლივ 33 თანაბარი ზომის ფიალის მსგავსი ჩაღრმავებაა. 34-ე  უფრო მოზრდილია და გამოწეული. ის ორიენტირებულია სამხრეთისკენ. დისკი ცენტრშიც ჩარღმავებულია.

ჰომუნკულუსი

ჰომუნკულუსი-შუა საკუნეების ალქიმიკოსებითვის იყო ადამიანის მსგავსი არსება, რომლის მიღება შეიძლებოდა ხელოვნური გზით.

დიდი ხნის განმავლობაში პირველი ჰომუნკულუსის შემქმნელად თვლიდნენ არნალდუს დე ვილანოვას, რომელიც ცხოვრობდა მე-13 საუკუნეში. ჰომუნკულუსის მიღების ერთ-ერთი ყველაზე ცნობილი რეცეპტი ეკუთვნის პარაცელსს მე-16 ს. ალქიმიკოსი თვლიდა, რომ სპეციალურ ჭურჭელში მოთავსებული ადამიანის სპერმა გაცხელებისას და ზოგიერთი სხვა მანიპულაციის დახმარებით ხდება ჰომუნკულუსი. ჰომუნკულუსს ის კვებავდა კოლბში დამატებული ადამიანის სისხლით. ამ არსების მომწიფების ვადა პარაცელსის მიხედვით ორმოცი დღეა, მისი სიმაღლე-26,27 სმ.

ტიბეტელი წინასწარმეტყველი ნეჩუნგი

ტიბეტურ ტრადიციაში "ორაკული" გამოიყენება სულის აღსანიშნავად, რომელიც შედის მედიუმის სხეულში. მედიუმები კი ცხოვრობენ ერთდროულად რეალურსა და სულთა სამყაროში, ამიტომ შეუძლიათ ხიდის როლის შესრულება, ფიზიკური გარსის გამოყენება სულის შესასვლელად.

წინასწარმეტყველი ნეჩუნგის ანუ ნეჩუნგ ჩოჯეს (ტიბეტურად) ტრადიცია სათავეს იღებს მეხუთე დალაი-ლამას დროიდან. ნეჩუნგის საშუალებით საუბრობს დალაი-ლამას მცველი სული. დალაი-ლამას დაცვის გარდა, ნეჩუნგი ასევე არის ტიბეტის ხელისუფლების მრჩეველი, რომელიც ახლა იმყოფება დევნილობაში. პირველი ნეჩუნგი ნახსენებაი 750 წელს, მაგრამ არსებობს ვერსიები, რომ ის ადრეც არსებობდა. კულტურული რევოლუციის დროს ჩინეთში ნეჩუნგის მთავარი მონასტერი მთლიანად დაანგრიეს, ხოლო ბერები განდევნეს ქვეყნიდან. ტიბეტელებმა აღადგინეს მონასტერი ინდოეთში, დჰარამსალაში.

ორაკულ ტროფონის გამოქვაბული საბერძნეთში

ორაკული-პიროვნება ან ინსტიტუტი, რომელიც წარმოადგენდა წინასწამეტყველების ან ბრძნული რჩევის წყაროს ძველ საბერძნეთსა და აღმოსავლეთის ქვეყნებში. ასეთი საქმიანობა სარისკოდ ითვლებოდა სულიერი ჯანმრთელობისთვის, მაგრამ მსურველები ბევნი იყვნენ. ერთ-ერთი ასეთი ცნობილი ორაკული გახლდათ ტროფონი, რომელიც მდებარეობდა ბეოტიაში ქალაქ ლებადიასთან  მთაზე. სამლოცველო გამოქვაბულში იყო განთავსებული.

ტროფონი და მისი ძმა აგამედი არგონავტ ერგინის შვილები იყვნენ. ისინი პირველი დელფოს ტაძრის ხუროთმოძღვრები გახდნენ. გადმოცემოთ, როცა ტაძრის მშენებლობა დასრულდა, ძმები ძილში გარდაიცვალნენ, რაც ღმერთების დიდი კეთილგანწყობის ნიშნად ითვლებოდა. რამდენიმე ხანში ბეოტიაში გვალვა დაიწყო. იმის გასარკვევად, რითი იყო გამოწვეული ასეთი სასჯელი და რა საშუალებით უნდა განთავისუფლებიყვნენ მისგან,  დელფოში გაიგზავნა დელეგაცია. პითიას პასუხი იყო ასეთი: "მსხვერპლი შესწირეთ ორაკულ ტროფონს". პრობლემა მდგომარეობდა იმაში, რომ არავინ იცოდა სად მდებარეობდა ორაკული ტროფონი.

აკაშა ქრონიკა

აკაშა ქრონიკა გახლავთ ეზოეთერული ტერმინი, რომელიც აღწერს არაფიზიკურ ყოფიერებაში კოდირებულ მისტიკურ ცოდნას. ტერმინი ნასესხებია ინდუიზმიდან, სადაც მას იყენებენ ბუნების პირველსაფუძვლის აღსანიშნავად. ძველინდური ფილოსოფიის თანამხმად, სწორედ აკაშიდან გაჩნდნენ პირველი საბაზისო ელემენტები: ცეცხლი, ჰაერი, მიწა, წყალი და ეთერი. კონცეპტი "აკაშა ქრონიკა" ეკუთვნის რუდოლფ შტაინერს.

"აკაშა  ქრონიკა" გახლავთ მისტიკური ბიბლიოთეკა, რომელიც მოიცავს მთელი სამყაროს გამოცდილებასა და მდებარეობს ზეგრძნობად, უნივერსუმის სფეროს მიღმა. იქ ინახება ცოდნა და იდეები, მარადიული მეტაფიზიკური ჭეშმარიტებები, ცხოვრების სცენარები და მათი ალტერნატივები. ესაა თავისებური ბანკი, სადაც ინახება მონაცემები სამყაროზე. მას "ცხოვრების წიგნსაც" უწოდებენ. ამ ტერმინს ხშირად იყენებდა ცნობილი მისტიკოსი ედგარ ქეისი.

დრუიდები და მათი საიდუმლო ორგანიზაცია (ნაწილი II )

დრუიდთა ტაძრები და სხვა რელიგიური თაყვანისცემის ადგილები არ ჰგავდა სხვა ხალხის მსგავს ადგილებს. რიტუალების უმეტესობა ტარდებოდა ღამით მუხნარში ან გაშლილ ადგილებზე დიდი ლოდებისგან შექმნილ საკურთხეველთან. ყველაზე ცნობილი ამ საკურთხევლებიდან გახლავთ სტოუნჰენჯის წრიული ქვები. სავარაუდოდ, ის ასტრონომიული ცოდნის საფუძველზეა შექმნილი.

ელიფას ლევის თქმით, დრუიდები თავშეკავებულად ცხოვრობდნენ, სწავლობდნენ ბუნების მეცნიერებებს, უპირატესობას ანიჭებდნენ იდუმალებას და იღებდნენ ახალ წევრებს ხანგრძლივი გამოსაცდელი ვადის შემდეგ. ორდენის წევრთა უმეტესობა ცხოვრობდა  მონასტრის მსგავს საცხოვრებელში, ერთიანდებოდნენ ასკეტთა ჯგუფებად, როგორც ამას აკეთებდნენ აღმოსავლეთში. მიუხედავად იმისა, რომ მათგან არავინ მოითხოვდა ქორწინებაზე უარის თქმას, მაინც ცოტანი თუ იყვნენ დაქორწინებული. ბევრი დრუიდი განდეგილობდა და ცხოვრობდა გამოქვაბულში, ქოხში და ქვის სახლში. ისინი ლოცულობდნენ, ფიქრობდნენ და ჭვრეტდნენ. გარეთ გამოდიოდნენ მხოლოდ რელიგიური რიტუალების შესასრულებლად.

დრუიდები და მათი საიდუმლო ორგანიზაცია (ნაწილი I)

სიტყვა დრუიდის ეტიმოლოგიაზე ჯერაც მიმდინარეობს დისკუსია და ბოლომდე არ არის გარკვეული. ზოგიერთი მკვლევარის აზრით ის ახლოს უნდა იყოს ირლანდიურ სიტყვა დრუის-თან, რაც "მუხის ადამიანებს" ნიშნავს. ეს თვალსაზრისი ითვალისწინებს იმ ფაქტს, რომ ტყისა და ხის ღმერთებს საბერძნეთში უწოდებდნენ დრიადამებს. ზოგს მიაჩნია, რომ ეს სიტყვა ახლოს დგას გალურ სიტყვა დრუიდჰთან, რაც ბრძენს ან ჯადოქარს ნიშნავს.

დრუიდი-ტყეების მკვიდრი ჰარმონიულად თანაცხოვრობდა ბუნებასთან. მათ ეკრძალებოდათ ლითონის იარაღის ხმარება. თანამედროვე ისტორიკოსების, არქეოლოგების და კულტუროლოგების აზრით დრუიდები სათავეს უნდა იღებდნენ დრავიდებისგან, ასევე ჰერმესის მოწაფეებისა და კიდევ უფრო ძველი შუმერ-ასირიელი ქურუმებისგან. დრუიდთა წეს-ჩვეულებებში ჩანს ცეცხლის თაყვანისცემა როგორც ზებუნებრივი და ადამიანის ცხოვრებაზე გავლენის მქონე. მათ სწამდათ კვამლის ზებუნებრივი ძალის, თვალყურს ადევნებდნენ რომელ მხარეს გაეფინებოდა კვამლი და ამის მიხედვით წინასწარმეტყველებდნენ მოსავლის ავკარგიანობას. მთავარი კვამლთან შეხება იყო. სწორედ აქედან გაჩნდა ცეცხლზე გადახტომის ტრადიცია. ყველა ძველ რელიგიაში ერთ-ერთ წმინდა ატრიბუტად ითვლებოდა წყალი. დრუიდების დამოკიდებულება წყალთან, როგორც განწმენდის და ნაყოფიერების სიმბოლოსთან ზუსტად ასეთივე იყო. განწმენდის წეს-ჩვეულებად ითვლებოდა განბანვა. ირლანდიაში, უელსში, შოტლანდიაში წყალში აგდებდნენ ნემსებს, რასაც დრუიდები ორაკულად მიიჩნევდნენ. ამავე დროს, ნემსს აქვს სამკურნალო მაგიის უნარი. წყალი გამოიყენებოდა მკითხაობისთვისაც. ზღვის ან მდინარის ტალღების ტყლაშუნზე წინასწარმეტყველებდნენ წყალში ხომალდებისა და ხმელეთზე მოგზაურთა დაღუპვას.

ზოგიერთი გადმოცემით, ორდენის შექმნამდე წმინდა კორომებში ცხოვრობდნენ დრიადები-ქალი ნათელხილველები და ისინი დიდ ძალას ფლობდნენ. მოგვიანებით, მატრიარქატი შეიცვალა პატრიარქატით და ტყის დრიადების ნაცვლად გაჩნდნენ დრუიდები. მსგავსად ბალკანეთზე განვითარებული პროცესებისა. ბერძნების გამოჩენამდე სულიერ ცხოვრებას მართავდნენ პელაზგი ქურუმი ქალები. ისინი ნათელმხილველებიც იყვნენ. ცნობილი მისტერიები მათი უშუალო მონაწილეობით ტარდებოდა. ბერძნების გაბატონების შემდეგ ქალებმა დაკარგეს თავისი როლი, თუმც კარგა ხანს სალოცავებში რიტუალები და ლოცვები მიმდინარეობდა პელაზგურად, რომელიც ბერძნებს არ ესმოდათ. სავარაუდოდ, ამ ცოდნის დაკარგვამ აიძულა არგონავტები კოლხეთში გამგზავრებულიყვნენ, ვინაიდან იქ იყო შემორჩენილი ძველი ცოდნა და სულიერი ცენტრები.  მამაკაცი დრუიდებისგან განსხვავებით ქალი ქურუმები ატარებდნენ შავ სამოსს-ქალური ენერგიის მიმღები.

ჭიშკარი, როგორც სიმბოლო

ჭიშკარი-ერთი მდგომარეობიდან მეორეში გადასვლის არქიტეტურული სიმბოლო, დიდი საიდუმლოს ზღურბლი, უცნობი სივრცის შესასვლელი. ტაძრების გაჩენამდე ჭიშკარი წარმოადგენდა საკრალურ სიმბოლოს ორი სვეტის სახით, რომელიც ერთმანეთთან შეერთებული იყო ღერძით. ასეთი იყო ფინიკიური მელქართის სვეტები, ბაბილონის წმინდა ჭიშკარი-იშთარისა და მარდუქისა. იერუსალიმში მესიის გამოცხადებას ელოდნენ ოქროს ჭიშკრით. ჭიშკარი და კარი მიაჩნიათ გადასასვლელად მნიშვნელოვან ნაგებობაში გადატანითი მნიშვნელობით.

                                                               ბაბილონის ჭიშკარი

სარკე_როგორც სიმბოლო

სარკის სიმბოლოს ისეთივე მახასიათებლები აქვს როგორც რეალურ სარკეს. ისაა წარმოსახვის სიმბოლო, აგრეთვე  გააჩნია უნარი აირეკლოს ხილული სამყაროს რეალობა.

უძველესი დროიდან სარკე ითვლება როგორც რაღაც საპირისპირო. მისი ზედაპირზე ჩანს სახეები, ის აჩერებს და ინახავს მათ, მაგრამ მხოლოდ წამით. ლეგენდებსა და ფოლკლორში სარკეს მაგიურ თვისებებს მიაწერენ. ამიტომ მას სულების გამოსაძახებლად იყენებდნენ.

ნიღაბი, როგორც სიმბოლო

ცხოვრება მასკარადია...განა ასე აუცილებელია ერთიდაიგივე ნიღბის ტარება? ნიღაბზე და თქვენზეა ეს დამოკიდებული. თუ ნიღაბი არ გიხდებათ, ხელს გიშლით, თუ გეჩვენებათ, რომ ის გაიძულებთ ისეთი როლის თამაშს რისთვისაც არ ხართ შექმნილი, შეეცადეთ გამოცვალოთ; ისინი ხომ უამრავია. აი, დიდი იმედების მომცემი პოლიტიკოსის ნიღაბი, ეს მხატვრის ნიღაბია, რომელსაც  ყველაზე მეტად მოუხდება ხასხასა კოვბოური სამოსი გახსნილი საყელოთი; აი, მომავალი ექიმის ნიღაბი, სათვალეებიანი, გამჭოლი მზერით. კიდევ გაქვთ არჩევანის დრო, მაგრამ იყავით ფრთხილად! ნიღაბი თავად შეუდგება მეჯლისის მართვას. სხვა ნიღბები მიგიღებენ ისეთად როგორიც ჩანხართ. შეარჩიეთ თქვენთვის შესაფერისი ნიღაბი, როცა მიემართებით ცხოვრების მასკარადზე.–ანდრე მორუა

ნიღაბი დიდ როლს ასრულებს ჩვენს ცხოვრებაში პირდაპირი თუ გადატანითი მნიშვნელობით. მას ხანგრძლივი ისტორია გააჩნია და პირველსახით წარმოაჩენს ყველა არსებული საზოგადოების ტრადიციის მნიშვნელოვან ელემენტს. სხვადასხვა ხალხის კულტურებში ნიღაბი ასრულებდა მაგიური რიტუალების მნიშვნელოვანი ატრიბუტის როლს და გააჩნდა საკრალური ფუნქცია. რიტუალური ნიღბები ითვლება აბორიგენ ტომთა მრავალფეროვანი კულტების ერთ-ერთ სიმბოლოდ. ასეთი ტრადიცია აქვთ აფრიკის, ცენტრალური ამერიკის, პოლინეზიისა და ავსტრალიის ხალხებს. რიტუალების შესრულებისას ნიღაბი ღმერთის (ნათელი) ან დემონური (ბნელი) საწყისის განსახიერება ხდებოდა. ითვლება, რომ რიტუალის აღსრულებისას ბოროტი სულები დროებით ნიღბებში სახლდებიან, რის შემდეგ შამანი კლავს ბოროტ სულებს, ანადგურებს ნიღაბს, რომელშიც ისინი ჩასახლდნენ. ნიღაბი აიგივებდა ადამიანს ცხოველური სამყაროს, ჩრდილთა, წინაპართა პერსონაჟებთან.

პროტოიბერიული ანუ მედიტერანულ სამყარო_დიონისეს კულტი

თანამედროვე კარნავალები წარმოადგენს ძველი წარმართული დღესასწაულის ''სატურნალიების" გამოძახილს.'სატურნალიის" დღესასწაული რომთან ასოცირდება, მაგრამ მას უფრო ღრმა ფესვები აქვს. ცოტამ თუ იცის, რომ ეს დღესასწაული კუნძულ კრეტის სახელს უკავშირდება. სწორედ იქ ჩაისახა პირველად საკარნავალო დღესასწაული. კრეტაზე ეს დღესასწაული გახლდათ მიძღვნილი ჰერმესისადმი. კუნძული კრეტა კი მითებითა და ლეგენდებითაა მოსილი. კრეტის მეფე მინოსს კოლხეთის ძლევამოსილი მეფის, აიეტის და ჰყავდა ცოლად.  დღესასწაულის დროს დიდგვაროვანი დროებით ხდებოდა მონა და ემსახურებოდა თავის მონას. მონები ქეიფობდნენ, ბატონები კი ემსახურებოდნენ მათ. 

მომღერალი ქვები

აშშ, პენსილვანიის შტატში, მდინარე დელავერის ახლოს არის ადგილი, სადაც კლდეები რეკავენ, ხოლო ქვები მღერიან. მათ "მომღერალი ვქები" შეარქვეს. ადგილობრივები კი ამ ადგილს "ქვების ბაღს" ან "ეშმაკის წრეს" უწოდებენ, ვინაიდან კლდეები ზარებივით რეკს, რაც  აუხსნელ შეშფოთებასა და შიშს იწვევს. მიწა ამ ადგილზე დაფარულია ლოდებით, რომელიც ურთიერთშეხებისას გამოსცემს ლითონის ხმას, ისევე როგორც კლდეები. უცნაური ქვების არსებობაზე დიდი ხნის წინ იცოდნენ ინდიელებმა. სწორედ მათ უამბეს ამის შესახებ მე-18 საუკუნეში იქ ჩასულ ევროპელებს. მას შემდე, დღემდე ცდილობენ მეცნიერები მომღერალი ქვების საიდუმლოს ამოხსნას, მაგრამ უშედეგოდ.

ცეცხლის სიმბოლო

  

ცეცხლი-სინათლის და სიცოცხლის ზეიმი სიბნელესა და სიკვდილზე, განწმენდისა და ოჯახის სიუხვის სიმბოლო. ცეცხლი სასიცოცხლო ენერგიის, ნაყოფიერების სიმბოლოა, მზის სხივის ანარეკლი, ღვთიური საჩუქარი, ღმერთებისგან მოტაცებული სინათლე და ცოდნაა. ის მედიატორიცაა ცასა და მიწას შორის:  სამსხვერპლოდ შერჩეულს  წვავდნენ, რათა ის ზეცაში წასულიყო ღმერთებთან. ცეცხლში იმალება ღთაებრივი ძალა, რომელიც აცოცხლებს ადამიანის გულს, შთააგონებს  და აღანთებს მას. ცეცხლით ნათლობა საწყისი სიწმინდის აღდგენაა, ედემის ბაღში სიმბოლური დაბრუნება. როგორც მითების უბადლო მცოდნე მირჩა ელიადე წერდა, ცეცხლში გავლა არის ადამიანური შესაძლებობების მიღმა გასვლა. ცეცხლი სამყაროს შექმნის ერთ-ერთი პირველადი ელემენტია, აქტიური მამაკაცური საწყისი; წყალთან შერწყმით ის ბადებს სიცოცხლეს. ელვას მოსდევს გამანაყოფიერებელი წვიმა. ალქიმიაში ცეცხლი გამოისახებოდა სამკუთხედით, რაც ნიშნავს სამი სტიქის გაერთიანებას (მიწა, ჰაერი, წყალი) მეოთხეში (ცეცხლი).

მიწის სიმბოლო

მიწა სამყაროს შექმნის ერთ-ერთი პირველელემენტია-ქალური საწყისი. ბევრ მითოლოგიურ ტრადიციაში არსებობს გადმოცემა მიწასა და ცის წმინდა ქორწინებაზე, რომლის შედეგად ჩნდება სამყარო. ამ სიუჟეტის საინტერესო ვერსია გხვდება ეგვიპტურ მითში, სადაც  მიწა-მამაკაცური საწყისია (ღვთაება ღები), ცა-ქალური საწყისი (ქალღმერთი ნუთი). ბერძნულ მითოლოგიაში მიწა-გეა იბადება ქაოსიდან. ის წარმოქმნის ცას-ურანს. მათი ქორწინებით ჩნდებიან ტიტანები.

ჰაერის სიმბოლო

ჰაერი-ოთხი პირველელემენტიდან ერთ-ერთი, მამაკაცური, სულიერი საწყისი.  ესაა სუნთქვა, ნიავი, სასიცოცხლო ენერგია-ინდუსებისთვის პრანა, ჩინელებისთვის ცი. სიო და სუნთქვა კავშირშია შექმნასთან. აქედანაა წარმოდგენა სულსა და სუნთქვაზე. ეგვიპტის ჰაერის ღვთაება შუმ შექმნა ცა და დედამიწა; ინდოელი ბრაჰმის ამოსუნთქვამ შექმნა სამყარო, ჩასუნთქვამ-მისი განადგურება. ჩინეთში სასიცოცხლო სუნთქვის ემბლემას წარმოადგენს ზეციური ჭიშკარი, რომელიც შეესაბამება ინის (გახსნა) და იანის (დახურვა) პრინციპებს. ქრისტიანისთვის სიო ადამიანის სულის შთაბერვაა, ასევე ღვთაებრივთან ზიარება.

ესპანეთის საოცარი მეგალითები

ესპანეთის ქალაქ ანტიკერაში მდებარეობს ევროპის ერთ-ერთი მნიშვნელოვანი მეგალითური კომპლექსი: მენგას სამარხი, ვიერა და ელ რომერალი. მსგავსი ნაგებობები აღმოჩენილია ესპანეთის სხვა პროვინციებშიც-ნავარა, გალიცია.

დოლმენები კარდინალურად განსხვავდება ერთმანეთისგან. დოლმენი ვიერა განეკუთვნება "კამერისა და დერეფნის" კატეგორიას, სხვადასხვა სიგანისაა, წარმოადგენს გრძელ დერეფანს და აგებულია უზარმაზარი ქვის ბლოკებით. ამ დოლმენისგან რამდენიმე მეტრში მდებარეობს დოლმენი მენგა. კამერის ფსკერზე შესასვლელი გამოთხარეს ჯერ კიდევ უძველეს დროს განძის მაძიებლებმა და გაძარცვეს დოლმენი. მენგა კოლოსალური ზომებითაა ცნობილი. მესამე დოლმენი გახლავთ ელ რომერალი. მასში დერეფანი და ორი მრგვალი კამერაა. თავისთავად ეს მეგალითები განეკუთვნება ევროპის წინარეისტორიის მონუმენტური არქიტექტურის ადრეულ ფორმას და თარიღდება მე-5 ათასწლეულის დასაწყისით ჩვ.წ. აღ-მდე, ნეოლითის ხანით, დაახლოებით 6500 წლის წინ. მეგალითური მონუმენტური არქიტექტურა დასავლეთ ევროპაში მჭიდროდაა დაკავშირებული მიწათმოქმედ და მესაქონლე თემებთან. სავარაუდოდ, მეგალითებს იყენებდნენ როგორც სამარხს, ტაძარს და ატარებდნენ რიტუალებს.

საჰასრალინგას კომპლექსის უცნაური ქვები

 

საჰასრალინგას სახელწოდებით ცნობილი არქეოლოგიური კომპლექსი მდებარეობს მდინარე შალმალაზე, ინდოეთის შტატ კარნატაკში. ზაფხულის დადგომისას წყლის დონე მდინარეში იკლებს, აქ მოდის უამრავი მომლოცველი. გამეჩხერებული მდინარის ფსკერიდან ჩნდება სხვადასხვა ფორმის უცნაური ქვის ფიგურები, რომელიც უხსოვარი დროისაა. სახელწოდება ნაწარმოებია ინდური სიტყვიდან საჰასრა-ათასი და ლინგა-ნივთი. მომლოცველები აქ მოდიან მაჰა შივარათრის დღესასწაულზე და აღნიშნავენ შივას ქორწინების დღეს.