ნან მადოლი_წყნარი ოკეანის ვენეციის საიდუმლო

არსებობს ისეთი ადგილები დედამიწაზე, რომელიც ბევრ კითხვას უჩენს როგორც მეცნიერებს, ასევე მისტიკის მოყვარულთ. ერთ-ერთ ასეთ ადგილად ითვლება წყნარ ოკეანეში, მიკრონეზიის კუნძულ ტამუენზე მდებარე ქალაქი ნან-მადოლი. ქალაქი აგებულია მარჯნის რიფზე, რომელიც სამწუხაროდ  მიტოვებულია და ის ახლა დაუსახლებელია. კვლევების თანახმად, ქალაქის ასაშენებლად გამოყენებულია 800 ათასი ტონა ქვა. ასეთი ქალაქის აშენება ბევრად ადვილი იქნებოდა ხმელეთზე და ქვაც ნაკლები დასჭირდებოდა. შესაბამისად ჩნდება კთხვა: როგორ მოხდა ამდენი ქვის გადაზიდვა ქალაქის ასაშენებლად დანიშნულ ადგილზე?

მაინც რას ამბობდა ზარათუშტრა

"ესე იტყოდა ზარათუშტრა"-ასე ეწოდება ცნობილი გერმანელი ფილოსოფოსის ფრიდრიხ ნიცშეს ფილოსოფიურ ნოველას. ზარათუშტრას ნამდვილი წინასწარმეტყველება საუკუნეებმა შთანთქა. მხოლოდ ცალკეულმა მისმა გამონათქვამმა მოაღწია ჩვენამდე "ავესტას" წყალობით. ზარათუშტრა ძველ სპარსეთში ზოროასტრული სარწმუნოების სულისჩამდგმელია. მისი დაბადება და ცხოვრება მითოსურ სამოსელშია გახვეული.

აზრთა სხვადასხვაობაა წინაწარმეტყველის დაბადების ადგილსა და თარიღთან დაკავშირებით. აღმოსავლეთის იტორიკოსების თქმით, ზარათუშტრა დაიბადა სამყაროს შექმნიდან ცხრა ათასი წლის შემდეგ. დასავლეთის ისტორიკოსები კი მიიჩნევენ, რომ წინასწარმეტყველი ქრისტეშობამდე ათასი წლით ადრე, ხოლო ზოგიერთის აზრით ექვსასი წლით ადრე უნდა დაბადებულიყო. დოკუმენტურად დგინდება ზართუშტრას დაბადების ადგილი და დრო. ბერძენი ქტესიუსი გვამცნობს, რომ ეს იყო ქალაქი რაგა. ამ ქალაქზე საუბარია "ავესტაში". საბოლოო გამოთვლით, ზარათუშტრა დაიბადა მიახლოებით 569 წ-ს ჩვ.წ.აღ-მდე და სული შთაბერა საკუთარ რელიგიას-ზოროასტრიზმს 538 წ-ს ჩვ.წ. აღ-მდე.

ძველი სამყაროს მისტერიები და მათი დანიშნულება

მისტერია-საიდუმლო, რომელიც დაფარულია სხვებისთვის. ყველაზე ძველი ტექსტი მისტერიებზე გახლავთ ეგვიპტური "მიცვალებულთა წიგნი", რომლის ავტორი ლეგენდის მიხედვით იყო თავად ღვთაება თოთი. მისტერიაში მონაწილე ადეპტი გადიოდა რიგ გამოცდას, რომელიც სიმბოლოურად წარმოდგენდა მის სიკვდილს და მკვდრეთით აღდგომას.  

"მიცვალებულთა წიგნში" აღწერილია არამარტო სიკვდილის შემდეგ სულის მოგზაურობა, არამედ  გადმოცემულია წმინდა რიტუალების დროს მიღებული განცდები და მდგომარეობა. სიკვდილისა და აღდგომის ძველ მისტერიებში, წმინდა საიდუმლო რიტუალებში, იყენებდნენ ცნობიერების შეცვლის ფსიქოტექნიკას.

ვეფხვი_როგორც სიმბოლო

ვეფხვი სამეფო ცხოველია. აღმოსავლეთში ის ცხოველთა მეფედ და ტყის სრულუფლებიან პატრონად თვლება. ინდოეთში ვეფხვი სპილოსავით ჭკვიან ცხოველად მიაჩნიათ, რომელიც, როგორც ფიქრობენ, ინტელექტით ადამიანზე მაღლა დგას. ჩინეთში ის არამარტო ცხოველთა მეფეა, არამედ ბოროტი სულებისთვის დიდ საფრთხეს წარმოადგენს. ამის გამო, ვეფხვს  ხშირად გამოსახავენ საცხოვრებელი სახლების კედლებზე. ეს მტაცებელი ცხოველი გამოხატავს სამხედრო წარმატებას. მის თავს ხატავდნენ მეომართა ფარზე, სამხედრო სიმაგრეების კარიბჭეზე მტრის შესაშინებლად. დასავლეთში ვეფხვი ცნობილი გახდა ალექსანდრე მაკედონელის  ლაშქრობის შემდეგ. რომმა ის პირველად იმპერატორ ავგუსტუსისთვის როგორც ინდოელი ელჩის საჩუქარი ისე იხილა.

მისტიკური ლეი-ხაზები

ყველა ხალხში მუსირებს რწმენა, რომ არსებობს ლეი-ხაზები (თოდ ლეინს), რომელიც ფარულად ქმნის ბადეს მთელ დედამიწაზე და აერთიანებს წმინდა ადგილების პირდაპირ ხაზებს, რომელიც ფარავს მთელ პლანეტას. ამგვარად, ლეი-ხაზები არის უძველესი თაყვანისცემის მნიშვნელოვანი  წმინდა ადგილების დამაკავშირებელი დედამიწაზე. ისეთი ღირსშესანიშნაობა როგორიცაა ეგვიპტის პირამიდები, ჩინეთის დიდი კედელი, სთოუნჰენჯი და სხვა აღმოჩნდა ლეი-ხაზზე. 

თუ გავითვალისწინებთ იმ ხალხთა კულტურებს შორის შეუთავსებლობას, ვინც ეს ობიექტები ააგო, ვდგებით დილემის წინაშე. შესაძლებელია თუ არა, რომ ძველად ხალხს სცოდნოდა რამე დედამიწის ენერგიაზე, როცა ირჩევდნენ წმინდა ადგილებს.

ბიბლიური სებას დედოფლის წინასწარმეტყველება

ბიბლიურ ტექსტებში ხშირად არიან ნახსენები როგორც ისტორიული, ასევე სრულიად უცნობი ადამიანები. ერთ-ერთი მათგანი გახლავთ სებას დედოფალი, რომლის შესახებ ძალიან ცოტა რამაა ცნობილი. ვიცით მხოლოდ, რომ მდიდარი დედოფალი ჩავიდა სოლომონ მეფესთან და შეხვდა მას. ისლამურ სამყაროში მას პატივს მიაგებენ როგორც ძლევამოსილ დედოფალ ბალქისს, ხოლო ეთიოპიაში როგორც მაქედას. სებას დედოფალზე ისე ცოტა რამაა ცნობილი, რომ ისტორიკოსებს და არქეოლოგებს ეჭვი შეაქვთ მის რეალურ არსებობაში. ბიბლიის მეფეთა მესამე წიგნში დედოფალი მოხსენებულია უბრალოდ როგორც "აღმოსავლეთის დედოფალი". არ არის დაზუსტებული მისი წარმოშობა. ცნობილია მხოლოდ ის, რომ სოლომონ მეფის სახელმა მის ყურამდეც ჩააღწია. დედოფალმა გადაწყვიტა სოლომონის მონახულება და პირადად  გაცნობა. გაეშურა იერუსალიმისკენ ქარავნით, რომელიც დატვირთული იყო ძვირფასი სამეფო ძღვენით. ბიბლიური გადმოცემის თანახმად, დედოფალს გადაწყვეტილი ჰქონდა გამოეცადა სოლომონ მეფე და დარწმუნებულიყო მის სიბრძნეში. დედოფალი მართლაც გაოცებული დარჩა მეფე სოლომონის გამჭრიახობით და კმაყოფილი დაბრუნდა საკუთარ ქვეყანაში. ბიბლიაში მოკლედაა ნაამბობი ამის შესახებ.  სებას დედოფალზე კი ინფორმაცია სხვა წყაროებშიც გვხდება.

მათემატიკოსი-წინასწარმეტყველი სედიქ ავღანი (Sediq Afghan), რომელმაც უკრაინის მომავალი გამოინგარიშა

ავღანელმა მათემატიკოსმა მუჰამედ სედიქ ავღანმა მსოფლიოში  წინასწარმეტყველებით გაითქვა სახელი, რომელსაც უმაღლესი მათემატიკის დახმარებით აკეთებს. მეცნიერის აზრით,  ჩვენი სამყარო ემორჩილება მკაფიო ფორმულებს, ამიტომ დამდეგი მოვლენების გამოთვლა სრულიადაც არაა რთული.

სედიქს ბავშვობიდან ჰქონდა გამოთვლის ნიჭი. შვიდი წლის ასაკში ის პირდაპირ მეოთხე კლასში ჩარიცხეს. 19 წლისამ კი გაეროში საკუთარი სამეცნიერო კვლევა გააგზავნა, რომელიც ცნეს  ახალ მიმართულებად თეორიულ ალგებრაში. აშშ-ში მას კომპიუტერთან მოუწყეს შეჯიბრი, სედიქმა 400 ურთულეს მათემატიკურ კითხვას  ექვსი წუთით უფრო მალე  გასცა პასუხი ვიდრე კომპიუტერმა.

ცისფერი სისხლი_არსებობენ თუ არა ცისფერსისხლიანი ადამიანები

უძველესი დროიდან ცისფერი სისხლი ასოცირდებოდა კეთილშობილებასა და სამეფო ხელისუფლებასთან. ის ყოველთვის იწვევდა აზრთა სხვადასხვაობას და კამათის ობიექტად იქცეოდა. ამასთან, მას უკავშირდებოდა ბევრი მითი, რომლის თანახმად სამეფო გვარის წარმომადგენლებს სისხლის განსაკუთრებული შემადგენლობა და ფერი ჰქონდა.

ყველაზე გავრცელებული ვერსიის თანახმად, გამოთქმა "ცისფერსისხლიანი" გაჩნდა მე-8 საუკუნეში, როცა ესპანეთის ტერიტორიაზე შეიჭრნენ მავრები. მავრები მუქკანიანები იყვნენ, ამიტომ ესპანეთის მაღალი საზოგადოების წარმომადგენლები ხაზს უსვამდნენ თავის ცისფერ ვენებს და ფერმკრთალ კანს. ამით ისინი ახდენდნენ დემონსტრირებას, რომ მათ გვარში არ ერივნენ მუქკანიანი მავრები, რომლებსაც ხელისუფლება ებრძოდა მე-15 საუკუნემდე. როცა ესპანეთის იმპერიის საზღვრები გაფართოვდა, ეს ფრაზა შევიდა მთელი ევროპის არისტოკრატთა ლექსიკაში.

კელტური სარკე ფრაქტალების გამოსახულებით

 ორი ათასი წლის ბრინჯაოს კელტურ სარკეს უკანა მხარეს შემორჩენილი აქვს დახვეწილი, მაღალმხავტრული ორნამენტები. სიმბოლიკაში საოცრად აისახა ერთმანეთში გადახლართული ფრაქტალები ან უამრავი მანდელბროტი.

ფრაქტალთა გეომეტრიის დახმარებით შესაძლებელია რთული მათემატიკური ცნებების გამოსახვა, რომელიც პირველად  ფართო ხმარებაში შემოიტანა ბენუა მანდელბროტმა 1983 წელს. მისი დახმარებით შესაძლებელია მათემატიკური სიზუსტით ობიექტის ფორმაციების და პროცესების აღწერა. ასეთ ფრაქტალებს პრინციპული გეომეტრიული კანონზომიერება გააჩნია. გამოსახულებას თუ უფრო და უფრო გავადიდებთ და ყურადღებით დავაკვირდებით, აღმოჩნდება, რომ ყოველ ჯერზე ვუბრუნდებით ერთსადაიმავე საწყის ფორმას. ასეთი გზით შეიძლება ბუნებრივი პროცესების, მოვლენების და ობიექტების აღწერა სრული სიზუსტით ვიდრე ტრადიციული ფორმულებით და ანგარიშებით.

საიდუმლო სამეფო შანგრი-ლა

შანგრი-ლას არსებობის შესახებ დასავლეთის საზოგადოებისთვის ცნობილი გახდა ჯეიმს ჰილტონის რომანის "დაკარგული ჰორიზონტის" წყალობით (The lost Horizon, 1933). სიუჟეტის მიხედვით, ავიაკატასტროფას გადარჩენილი ნაწარმოების გმირები  მოხვდებიან დაკარგულ, გამოუცნობ ქვეყანაში, სადაც  სრული ჰარმონია სუფევს. მთის მწვერვალზე დგას ბუდისტური მონასტერი, სადაც  ცხოვრობს ორმოცდაათი სწავლული ლამა. ისინი დროს ცოდნის ძიებაში ატარებენ. ლამები თემს მთის ძირში მდებარე ნაყოფიერი მიწაზე მცხოვრებ ადგილობრივ მოსახლეობასთან ერთად მართავენ. ამ მიწაზე მოჰყავთ მრავალფეროვანი კულტურები. უცხოს ამ ბედნიერ ველზე შესვლის უფლება არ ეძლევა. ჰილტონი შანგრი-ლას წერდა მოგზაური და ბიოლოგი მეგობრის ჯოზეფ როკის მონაყოლის გათვალისწინებით. ამ რომანის მიხედვით, ჰოლივუდში გადაიღეს ამავე სახელწოდების ფილმი. შანგრი-ლას სამეფო უნდა მდებარეობდეს ჰიმალაების ცენტრში, რომელსაც ლოტოსის ფორმა აქვს, სადაც ცხოვრობენ სხვა სამყაროს არსებები.

ყველაზე საშიში ბაღი მსოფლიოში

   ოაზისკენ მიმავალ ჭიშკარზე გაკრულია განცხადება-"ამ მცენარეებმა შეიძლება მოგკლას".

1995 წელს როცა გარდაიცვალა დიდი ბრიტანეთის ერთ-ერთი უმსხვილესი მიწათმფლობელი ჰენრი პერსი, მისი ძმა გახდა ნორთუმბერლენდის ჰერცოგი, რომელიც მდებარეობს ქვეყნის ჩრდილო-აღმოსავლეთ ნაწილში. მემკვიდრეობით მიღებულ ტიტულთან ერთად მას გადაეცა საგვარეულო ციხესიმაგრე ალნუიკი. ეს ციხესიმაგრე იმითაცაა ცნობილი, რომ იქ გადაღებულია ფილმ "ჰარი პოტერის" რამდენიმე ეპიზოდი.

ინედია_ბრეთანიარიზმი ანუ მზის ენერგიით კვება

ინედიელობა გულისხმობს სხეულის სასიცოცხლო აქტივობის შენარჩუნებას საკვების გარეშე. ეს კონცეფცია არახალია, მრავალი ათასი წლის განმავლობაში მსოფლიოს სხვადასხვა კულტურები აღწერდნენ ადამიანის შესაძლებლობას იარსებოს საკვების გარეშე. მაგალითად, იოგა სუტრას მესამე წიგნში აღწერილია ექსტრაორდინალური უნარის-25 სიდჰის პრაქტიკა. სიდჰებს მიეწერება მრავალი რამ: ნათელხილვა, ფსიქოკინეზი, ასევე შიმშილისა და წყურვილისგან სრული განთავისუფლება.

გამოუცნობი გოლიათები ამერიკის კონტინენტზე

 

ამერიკის ტერიტორიაზე მოპოვებული გოლიათთა ნაშთების რუკა (შეადგინა კ.ჰოლმა) 
 

უძველესი დროიდან ყველა კულტურაში დადიოდა ლეგენდები გოლიათებზე, რომლებსაც ჩვენი შორეული წინაპრები ხედავდნენ და თაყვანსაც სცემდნენ როგორც ღმერთებს. მათზე საუბარია ბიბლიაშიც, მაგრამ ისინი, როგორც ჩანს, დროში გაუჩინარდნენ და ახლა მათზე მოარულ ამბებს მითებად ყვებიან. 

არსებობდა თუ არა ნამდვილად გოლიათთა რასა? ამის შესახებ ბევრი თეორია და სავარაუდო მტკიცებულება არსებობდა, რომელსაც დროდადრო გათხრების დროს მიწიდან იღებდნენ ჩონჩხის სახით. ამ ჩონჩხებიდან არცერთს მოუღწევია ჩვენამდე ამა თუ იმ მიზეზის გამო, ან მალავდნენ მუზეუმების სარდაფებში.

შვიდი "ეშმაკის გოდოლი" დედამიწაზე

ასი წელია, რაც ეს საკითხი არ ასვენებს მისტიკოსებს. ბევრი მკვლევარი აღნიშნავს, რომ დედამიწაზე არის ადგილები, რომელსაც აქვს დადებითი ან უარყოფითი ენერგეტიკა. ასეთ ადგილებს უწოდებენ ძალის ადგილებს. ისინი ძირითადად მდებარეობს იქ, სადაც მოხდა ტექტონიკური ფილების რღვევა ან ციური სხეულების ვარდნა.

არსებობს კონცეფცია-საკრალური გეოგრაფია, რომელიც შეისწავლის არამარტო გეოგრაფიულ ობიექტებს, არამედ დადებითი და უარყოფითი ენერგიის მომცველი ძალის ადგილებს. იმ ადგილებს, სადაც ხდება დედამიწის ქერქის გადაადგილება, მდებარეობს ძველი ვულკანური კრატერები, ტექტონიკური ნასხლეტები, მყინვარები ან მოხდა ციური სხეულების ვარდნა. იქ, ღრმა ფენების ძალა არღვევს თავისი საკუთარ საზღვარს და ძლიერ გავლენას ახდენს მიმდინარე მოვლენებზე.

რატომ ხედავენ ადამიანები უცნაურ არსებებს ფსიქოდელების მიღების შემდეგ?

დიმეთილტრიპტამინი (დმთ) შესაძლოა ყველაზე ძლიერი ფსიქოდელური პრეპარატია, რომელსაც ძალუძს გამოიწვიოს ჰალუცინაციები. მას გამოიმუშავებს ადამიანის ეპიფიზი სწრაფი ძილის დროს. დმთ-ს შეიცავს ასევე ზოგიერთი მცენარე. 

ეპიფიზი დიდი ხანია წარმოდგენს გამოცანებისა და სპეკულაციის წყაროს. ჩვ.წ.აღ-მდე მე-3 საუკუნეში ბერძენმა მკურნალმა ჰეროფილემ ეპიფიზს უწოდა ტვინის ერთადერთი წყვილგარეშე ორგანო. მეცნიერებმა  მე-20 საუკუნეში გაარკვიეს, რომ ჯალღუზისებრი ჯირკვალი არის მნიშვნელოვანი ენდოკრინული ორგანო. ის ფარულად გარდაქმნის ნეირომედიატორ სერატონინს, რომელიც აუცილებელია უმაღლესი კოგნიტური პროცესებისათვის მელატონინის ჰორმონში და ასრულებს გადამწყვეტ როლს ძილის  აქტივაციისას. საბოლოოდ, 1980 წელს ნეიროქიმიკოსმა ჯეიმს კალავეიმ ივარაუდა, რომ  ეპიფიზის მელატონინი გარდაიქმნება დმთ-დ უშუალოდ სწრაფი ძილის ფაზის წინ. შესაძლოა სწორედ  ეს ენდოგენური ფსიქოაქტიური მოლეკულები ქმნიან ჩვენ სიზმრებს.

"ეშმაკის ჭის" საიდუმლო იემენში ამოხსნილია

ხახადაღებული ორმო უდაბნოში უხსოვარი დროიდან შიშის ზარს სცემდა ადგილობრივ მოსახლეობას. ბარჰაუთი-ასე უწოდეს ამ ორმოს, რომელიც მდებარეობს იემენში. ბარჰაუთი ნიშნავს ჯინებს ანუ სულებს. ჭა მილიონი წლისაა, ამიტომ ლეგენდები მის შესახებ ისლამის გავრცელებამდე გაჩნდა. მუსლიმთა წმინდა ისტორიაში წერია, რომ მუჰამედმა ბარჰაუთს უწოდა დედამიწაზე ყველაზე საშინელი წყლის წყარო იმის გამო, რომ მასში ცხოვრობენ ჯინები ურწმუნო სულებთან ერთად. მოსახლეობის დიდ ნაწილს სჯერა, რომ ალ-მაჰრას უდაბნოში მდებარე ბარჰაუთი ჯოჯოხეთში შესასვლელია.

თეთრი პირამიდა სიანი_ჩინეთი მასზე ბევრ რამეს მალავს

საიდუმლოებით მოცულ თეთრ პირამიდაზე ბევრს ლაპარაკობენ, ჩინეთის ხელისუფლება კი მის შესახებ ყველაფერს მალავს. ჩინური თეთრი პირამიდის არსებობაზე დასავლეთში პირველად შეიტყვეს მე-20 საუკუნის 40-იან წლებში მფრინავი ჯეიმს ჰაუსმანისგან, რომლის თქმით, ქალაქ სიანის მახლობლად დაინახა პირამიდის მსგავსი თეთრი ფერის ნაგებობა. ეს მოხდა 1945 წელს, როცა ის დაფრინავდა ინდოეთსა და ჩინეთს შორის. ფრენის დროს ჰაუსმანმა კარგად დაინახა მრავალი ძვირფასი ქვით მოკაშკაშე პირამიდის წვერი. მფრინავის თქმით, პირამიდა იმდენად უზარმაზარი ჩანდა, რომ სავარაუდოდ ყველაზე დიდი ზომის უნდა ყოფილიყო მსოფლიოში. უფრო მეტიც, იმავე ველზე, ისევ ქალაქ სიანის მახლობლად თვალი მოჰკრა მომცრო ზომის კიდევ ათეულ პირამიდას.

იდუმალი ქალაქი კერ-ისი_ლეგენდა თუ რეალობა

კერ-ისი-ერთ-ერთი ყველაზე გამოუცნობი წყალქვეშა ქალაქი, რომელიც ჩაიძირა საფრანგეთის ჩრდილო-დასავლეთ სანაპიროზე დაახლოებით მე-5 საუკუნის პირველ ნახევარში. ქალაქი დაარსა და  სამეფოს დედაქალაქად აქცია გრადლონ დიდმა, რომელიც მართავდა ახლანდელ ბრეტონს შორეულ წარსულში.

გადმოცემის თანახმად, კერ-ისი ფერიებმა ააშენეს და მათ ეკუთვნოდა, მაგრამ ისინი კეთილგანწყობილი იყვნენ გრადლონისადმი და დაუთმეს საკუთარი სამფლობელოს ნაწილი მას. ქალაქი თვალსადახელშუა გაიზარდა. მალე, კელტურ მიწებზე სიმდიდრითა და სილამაზით მისი ბადალი ქალაქი არ მოიძებნებოდა. ზღვის მხრიდან ქალაქს დამბა და კაშხალი იცავდა, რომლის ჩასაკეტ გასაღებს მეფე კისერზე ჩამოკიდებულს ატარებდა.

წინასწარმეტყველი მხატვარი_ბენჟამენ პარავიჩინი

საყოველთაოდ ცნობილია, რომ წინასწარმეტყველები  ხდებიან არა მხოლოდ ღვთისმოსავი სასულიერო პირები, არამე ხელოვანები და მწერლებიც. მათ უხილავი, ზებუნებრივი ძალა კარნახობს ნახატებისა და თხზულებების სიუჟეტებს. არგენტინელი მხატვრის ბენჟამენ სოლარი პარავიჩინისთვის ეს მოვლენა გახდა არამარტო შთაგონება, არამედ ნათელმხილველური ნიჭის გამოვლენის საშუალება. "ის მოულოდნელად შეპყრობილივით იწყებდა ცახცახს, სტაცებდა ფანქარს ხელს და ფანქარი თითქოს თავად ატარებდა ხელს ქაღალდზე, თითქოს ვიღაც რაღაცას კარნახობდა მას"-ყვებოდა ბენჟამენის მამა ჯერ კიდევ მის სიცოცხლეში.

ჩეშირელი წინასწარმეტყველი რობერტ ნიქსონი

რობერტ ნიქსონი დაიბადა მე-15 საუკუნეში, ინგლისის ქალაქ ჩეშირში, გაკოტრებული ფერმერის ოჯახში. ბიჭი გონებრივად ჩამორჩენილი იყო,  დიდი თავისა და გადმოკარკლული თვალების გამო, ბავშვს დასცინოდნენ. ლაპარაკის დროს იყენებდა მხოლოდ ორ სიტყვას: "დიახ", "არა". ყველაფრის მიუხედავად ნიქსონი შევიდა ისტორიაში როგორც ჩეშირელი წიანასწარმეტყველი.