ბიბლიური ოფირი_სოლომონ მეფის ზღაპრული ქვეყანა

ბიბლიიდან ყველასთვის ცნობილია, რომ სოლომონ მეფეს უამრავი ოქრო, ზურმუხტი, ალმასი ჩამოჰქონდა ქვეყნიდან, რომლის სახელი გახლდათ ოფირი. დიდი ხანია მკვლევარები თავს იმტვრევენ ამ ქვეყნის ადგილმდებარეობის დასადგენად. გამოითქვა უამრავი მოსაზრება ამასთან დაკავშირებით, მაგრამ დაზუსტებული ჯერ არცერთი არ გახლავთ. საქმეში მინერალოგები ჩაერთვნენ. მათ დაადგინეს, ასეთი სახის ძვირფასი ქვები და ოქრო ერთად მოიპოვება დედამიწის მხოლოდ ერთ ადგილზე-ანდებში. მაგრამ ამის საპირისპირო არგუმენტი გახლდათ ხომალდების შეუძლებელი მოგზაურობა მთებში. ეს მოსაზრება დავიწყებას მიეცემოდა, რომ არა ამერიკელი არქეოლოგი, მოგზაური ჯინ სავოი. მან კვლევების დაწყება სწორედ ანდებში გადაწყვიტა, კონკრეტულად პერუში.

1964 წელს სავოიმ პერუს ჩრდილოეთით აღმოაჩინა დიდი ციხესიმაგრე "კუელაპი", რომელიც ერთ კილომეტრზე იყო გადაჭიმული. 1985 წელს კი სავოიმ ამ ციხესიმაგრის მახლობლად 80 კვ. კმ-ზე არსებულ მთელ ქალაქს მიაკვლია. ქალაქის არქიტექტურა არ ჰგავდა ინკებისას. როგორც შემდეგ გაირკვა დასახლება ეკუთვნოდა ჩაჩაპოიალებს. ჩაჩაპოიალთა ცივილიზაცია არსებოდა ახ.წ აღ. მე-8 საუკუნიდან მე-15 საუკუნემდე.  ისინი საკუთარ თავს "ღრუბლების მეომრებს" უწოდებდნენ.

ტოდა_დაკარგული ქვეყნის იდუმალი ხალხი

ინდოეთის სამხრეთ-დასავლეთში, ნილგირის მთებში (ნილგირი-ცისფერი მთები) ცხოვრობს მცირერიცხოვანი 1000 კაციანი ტომი. ტოდას ტომი გარეგნულად არ ჰგავს ინდოეთის იმ მხარეში მცხოვრებ დრავიდულ მოსახლეობას. არიან მაღლები, აქვთ სწორი ნაკვთები. მცირერიცხოვნება მათ გაქრობას არ ნიშნავს, ვინაიდან ამდენი იყვნენ მაშინაც, როცა ევროპელებმა პირველად აღმოაჩინეს ისინი. მოსახლეობის რაოდენობას თავად არეგულირებენ. უფრო მეტიც, მამაკაცების და ქალების რაოდენობა მუდმივად ერთი ექვთ-ოცი ქალი ას მამაკაცზე. ადრე ფიქრობდნენ, რომ ისინი სქესთა თანაფარდობას  არეგულირებდნენ არასასურველი ბავშვების მკვლელობით, რაც არ დასტურდება. თავად ტოდელები ამბობენ, რომ შეუძლიათ იმდენი ბავშვის გაჩენა რამდენიც საჭიროა, როგორც იქცეოდნენ საკუთარ სამშობლოში ადრე. ტოდას ხალხში ქალის დიდი კულტია და  დიდ პატივს სცემენ მას.

ტოდას დასახლება ყოველთვის იდუმალებით იყო მოცული. ინდუსები იქ შიშით არ მიდიოდნენ. ეს ადგილი მათთვის მიუვალი იყო მისი სიწმინდისა და ღვთიურობის გამო. ინდუსთა რწმენით ეს იყო ღმერთების ადგილსამყოფელი, სადაც უბრალო მოკვდავთათვის შესვლა აკრძალული გახლდათ. ეს წესი პირველად ინგლისელებმა დაარღვიეს. მათ ამ ხალხის გასაცნობად ექსპედიცია მოაწყვეს. ცოცხალმკვდარმა ინგლისელებმა რის ვაივაგლახით მიაღწიეს  დასახლებას. ტოდებმა მათ უმკურნალეს "ჯადოსნური ჯოხის" დახმარებით, რომელიც ზოგიერთ მათგანს ხელში ეჭირა.

ამოუცნობი ეგვიპტე_ბენბენი, არამიწიერი წარმოშობის ქვა

ძველი ეგვიპტის ერთ-ერთ მნიშვნელოვან ქალაქ ჰელიოპოლისში მდებარეობდა

წმინდა გორაკი. გადმოცემით, სწორედ ამ ადგილზე ამოვიდა პირველად მზე. აქ

აღმართეს წმინდა სვეტი, პირამიდებამდე ბევრად ადრე. მოგვიანებით კი ის უფრო წმინდა რელიკვიით შეცვალეს.

ამ რელიკვიის სახელწოდება გახლდათ ბენბენი-კონუსის ფორმის იდუმალი ქვა.

ქვა ბენბენი აღმოაჩინეს ფენიქსის ტაძარში. იგი ამ ფრინველის სიმბოლო გახლდათ.

თავიდან ბენბენი იყო ბორცვი, რომელიც ნუნას პირველი წყლებით გაჩნდა. ეგვიპტური მითოლოგიის მიხედვით შემოქმედი ღმერთი ატუმი დაეშვა ბორცვზე და დაიწყო ფიქრი როგორი ღმერთები უნდა შეექმნა. ბორცვი შემდეგ პატარა პირამიდად იქცა, რომელიც ჰელიოპოლისში იყო განთავსებული. პირველი ბორცვის საპატივსაცემოდ ქვას ეწოდა ბენბენი. ეს გახლდათ ჰელიოპოლისის მზის ტაძრის წმინდა ქვა.

გადმოცემით, სწორედ ამ ადგილზე დაეცა პირველი მზის სხივი. ფენიქსს ანუ ფრინველ ბენუს დიდ პატივს მიაგებდნენ ჰელიოპოლისში. ის ცხოვრობდა ბენბენზე. ქვა ინახებოდა ფენიქსის ტაძარში და გახლდათ ლეგენდარული კოსმიური ფრინველის სიმბოლო,  რომელსაც აღდგომისა და ხელახლა დაბადების უნარი გააჩნდა.რითაც წლის დროთა ციკლურ ცვლილებას განასახიერებდა.ძველ ეგვიპტეში ფენიქსს გამოსახავდნენ ნაცრისფერი წეროს სახით. არსებობდა რწმენა, ფენიქსის გამოჩენა ჰელიოპოლისში ახალი ციკლის, ან ახალი ერის დაწყებას მოასწავებდა. ფენიქსის პირველმა გამოჩენამ დაბადა ბენბენის კულტი. სავარაუდოდ, ის განიხილებოდა კოსმიური ფრინველის თესლად("ბენ" ადამიანის სპერმას ნიშნავს, ეაკულაციას).

ამოუცნობი ეგვიპტე_დღემდე უცნობი ტექნოლოგიითა და მასალით შესრულებული ბროლის თვალები

ეგვიპტის ბევრ გამოცანას კიდევ ერთი გამოცანა ემატება: ეგვიპტურ ქანდაკებებს ამშვენებს მთის ბროლისგან დამზადებული ლინზები.  ყველასთვისაა ცნობილი რამდენად რთული გახლავთ ამ მასალის დამუშავება. გამოყენებული ლინზების ხარისხი ისეთი მაღალია, რომ გონებაში თავისთავად  იბადება აზრი სახარატო და სახეხი დაზგების გამოყენებაზე. ფარაონ ჰორის ხის ქანდაკების თვალები ცოცხალი ადამიანის თვალებს ჰგავს.

ის ხან ცისფრად, ხან ნაცრისფრად ელავს განათების კუთხის შესაბამისად და თვალის ბადურის კაპილარების სტრუქტურის იმიტაციასაც კი ახდენს. ბერკლის უნივესიტეტის პროფესორ ჯეი ენოქის კვლევებმა აჩვენა ამ შუშის მულიაჟების ოპტიკური თვისებების გასაოცარი მსგავსება ნამდვილი თვალის ფორმასთან. ფოტოებზე კარგად ჩანს, რომ  ჰორის თვალები ამობურცული და კარგად გაპრიალებული

ლინზებია. თვალის გუგა დახატულია ლაპის-ლაზურით.

ამოუცნობი ეგვიპტე_ჰერაკლიონი-პტოლემეუსთა დაკარგული ქალაქი

გადმოცემით, ჰერაკლიონის დაფუძნება ალექსანდრე მაკედონელის სახელს უკავშირდება. ამ მდიდარმა ქალაქმა  გავლენა  ალექსანდრიის აგების შემდეგ დაკარგა.

ბერძნები  ეგვიპტის ამ მნიშვნელოვან პორტს იცნობდნენ ჰერაკლიონის სახელწოდებით.

ეგვიპტელებისთვის კი მისი სახელი ტონისი გახლდათ. კლეოპატრა სწორედ ჰერაკლიონში აკურთხეს დედოფლად. ქალაქის მომგებიანი მდებარეობა მრავალი ქვეყნის ვაჭარს იზიდავდა. ამის ხარჯზე ქალაქი მდიდრდებოდა და ყვაოდა.  

სტრაბონმა აღწერა ჰერაკლიონის მკვიდრთა მხიარული ცხოვრება. ჰეროდოტეს მოხსენიებული აქვს ქალაქის ცენტრში აღმართული  ტაძარი, რომელმაც ის ჩვ.წ,აღ-მდე 450 წელს მოინახულა. ტაძარი აგებული იყო იმ ადგილზე, სადაც გადმოცემით ჰერაკლემ პირველად დადგა ფეხი ეგვიპტის მიწაზე. ჰერაკლიონში იდგა ასევე სერაპისის, იზიდას, და ანუბისის ტაძარი.

ჰაი-ბრაზილი_კუნძული მოჩვენება

ირლანდიური მითებისა და ლეგენდების მიხედვით, ჰაი-ბრაზილი ნეტართა კუნძულია. იქ ძლიერი ჯადოქრები, ბრძენი განდეგილები და წარსულის გმირები ცხოვრობენ. ჰაი-ბრაზილი არის უკვდავებისა და მარადიული ახალგაზრდობის მხარე, სადაც არ არის დაავადებები და ტანჯვა. ამ კუნძულის არსებობის რწმენა ხალხში ისე იყო ფესვგადგმული, რომ ჯერ კიდევ XIX საუკუნის პირველ ნახევარში მას ათავსებდნენ

გეოგრაფიულ რუკაზე ირლანდიის დასავლეთით.

 გადმოცემით კუნძული დაფარული იყო ნისლით. გავრცელებული ლეგენდის
მიხედვით, ჰაი-ბრაზილის დანახვა შესაძლებელი იყო მხოლოდ შვიდ წელიწადში ერთხელ.
ზოგიერთისთვის  ჰაი-ბრაზილის არსებობა მითებისა და ლეგენდების სფეროს
განეკუთვნებოდა. თუმც ევროპელთა ერთი ნაწილი თვლიდა და თვლის, რომ ასეთი კუნძული ნამდვილად არსებობს.
პირველად ეს კუნძული რუკაზე გაჩნდა 1325 წელს. მას მერე, ევროპელი კარტოგრაფები
რეგულარულად ათავსებდნენ ამ კუნძულს ატლანტის ოკეანეში, როგორც წესი
ირლანდიის დასავლეთით.

საიდუმლოებით მოცული ჰარაფასა და მოჰენჯო-დაროს ცივილიზაცია ( ნაწილი II )

ამ სურათზე გამოსახული მამაკაცი სავარაუდოდ  ქურუმი უნდა ყოფილიყო. მის რელიგიურ სტატუსს მოწმობს სამოსზე გამოსახული მცენარე სამყურა, რომელიც შუმერში საკრალური მნიშვნელობის მატარებელი იყო.

მოჰენჯო-დაროში დიდი ქალღმერთისა და სხვა ღმერთების კულტებთან ერთად გვხვდება ცხოველთა და ხეების კერპებიც, ასევე ფალოსური კულტი. მოკლედ ყველა ის ელემენტი, რომელიც მოგვიანებით შედის დიდ ინდუისტურ სინკრეტიზმში.

მეტისმეტად ფართოდ იყო გავრცელებული დედა ქალღმერთის კულტი.

აღმოჩენილია უამრავი გამოსახულება. არიელებს არ აუყვანია ქალღმერთი ისეთ სიმაღლეზე, როგორზეც ის იმყოფებოდა მოჰენჯო-დაროს ცივილიზაციაში. 

საიდუმლოებით მოცული ჰარაფასა და მოჰენჯო-დაროს ცივილიზაცია ( ნაწილი I)

ჰარაფისა და მოჰენჯო-დაროს ცივილიზაცია ერთ-ერთი უძველესია ეგვიპტისა და შუმერული ცივილიზაციის შემდეგ.  ეს ცივილიზაცია ვითარდებოდა მდინარე ინდის ხეობის ტერიტორიაზე XXIII-XIX სს.-ში ჩვ.წ.-აღ-მდე, არიელთა  შემოსევამდე, მოსახლეობა დაახლოებით 5 მილიონამდე. ამ ცივილიზაციის ნარჩენი პირველად აღმოაჩინა  ინგლისელმა ა. კანინგემმა მე-19 ს-ში იმ ადგილზე, სადაც ახლა გუჯარები ცხოვრობენ (გუჯარათის ოლქი). გუჯარებთან დაკავშირებით არსებობს ვერსია, რომ ისინი თემურ ლენგის მიერ გუჯარეთის ხეობიდან გადასახლებული ქართველთა შთამომავლები არიან. რუკაზე ნახევარკუნძული ჩანს. სწორედ იქ მდებარეობს გუჯარათი.

1920 წელს აქ გათხრები დაიწყო ჯ.მარშალმა, რომელიც გაოცებაში მოიყვანა მოპოვებულმა მასალამ. სწორედ ამ გათხრების დროს აღმოჩნდა ბრინჯაოს ხანის ნასახლერები-ჰარაფი და მოჰენჯო-დარო, რაც ''მკვდართა გორაკს'' ნიშნავს. ეს ცივილიზაცია დროში ემთხვევა  ხმელთაშუაზღვისპირა ცივილიზაციების გაქრობასა და მათ ადგილზე მოსულთა დამკვიდრებას. ერთ-ერთი ვერსიით ჰარაფის ცივილიზაციის დაღუპვა უნდა გამოეწვია ინდო-არიელთა შემოსევას. ისინი განვითარების დონით ბევრად ჩამორჩებოდნენ ჰარაფელებს.  სავარაუდოდ,  მომთაბარენი მოვიდნენ ჩრდ. აღმოსავლეთის მხრიდან.

ამოუცნობი ეგვიპტე_რა საერთო აქვს საქართველოსა და საყდრისს ძველ ეგვიპტესთან-(ნაწილი II)

  "ბლავატსკაიას მიაჩნდა, რომ "ებრაელთა ედემად ქალდეურის ასლის                       ანალოგი იყო  გამოყენებული ტყვეობაში ყოფნის დროს"...აქედან                              გამომდინარე, ის გახლდათ კავკასიელ კოლხთა ჰადესის ასლი, რომლებიც            ქალდეველთა წინაპრები იყვნენ."-ვ.ბოლოვი

ეგვიპტის თემით დაინტერესებულთათვის კარგადაა ცნობილი უილიამ ფლინდერს პიტრის სახელი-ცნობილი ბრიტანელი არქეოლოგი, ეგვიპტოლოგი. სწორედ მის სახელს უკავშირდება  ბევრი არქეოლოგიური აღმოჩენა ეგვიპტეში. ლონდონში არსებობს მისი სახელობის ეგვიპტური ექსოპონატების მუზეუმი. 

      

   

 "რადაც უნდა დაგიჯდეთ მოუწყეთ ძველ თეორიებს ღირსეული დაკრძალვა; თუმც უნდა ვიზრუნოთ იმაზეც, რომ სიჩქარეში ცოცხალად არ დაიმარხოს რომელიმე ადრინდელი"-ულიამ მეთიუ ფლინდერს პიტრი 

ამოუცნობი ეგვიპტე_რა საერთო აქვს საქართველოსა და საყდრისს ძველ ეგვიპტესთან- (ნაწილი I)

                           "ეგვიპტეში აღმოჩენილი ნაწრთობი იარაღი შავი ზღვის

                         აღმოსავლეთით მდებარე ადგილებიდან მიჰქონდათ."

                                                                                                           პ.ფონ ვინკლერი

საქართველოში ლითონის მოპოვება და დამუშავება ძვ.წ. მერვე ათასწლეულიდან იღებს სათავეს. ამის დასტურია  გალის რაიონში, სოფელ ფიჩორაში, რაჭის და შიდა ქართლის მთიანეთში მოძიებული რკინის მდნობელი საამქროების სიმრავლე.  "არქეოლოგიური მონაპოვრების საფუძველზე ცხადი გახდა, რომ საბადოებიდან მადნის მიღებას სწორედ ამ პერიოდში უნდა ჩაჰყროდა საფუძველი და სავარაუდოდ თვით მადანი, მადნეული საბადოებით მდიდარი კავკასიონის მთაგრეხილებიდან უნდა მოეპოვებინათ. ადრეულ გამოკვლევებში აღნიშნულია, რომ ლითონის არტეფაქტებში დარიშხანისა და ანთიმონის შემცველობა მიუთითებს ადგილობრივი ნედლეული ბაზის გამოყენებაზე ძვ.წ. III ათასწლეულში უმთავრესად კავკასიურ მადნებზე იყო დაფუძნებული. როგორც ცნობილია, პრეისტორიული ანთიმონის მოპოვების ერთდაერთ მხარეს საქართველოში რაჭა წარმოადგენს." (ირ.ღამბაშიძე, თ შტოლნერი, ა.ჰაუპტმანი)                             

სოფელ ღების მიდამოებში გამოვლინდა 30 ანთიმონისა (სურმა) და 100-მდე სპილენძის მაღარო. ამ სოფლის სახელწოდება ეგვიპტური მიწის ღმერთი ღ ე ბ ი ს სახელის იდენტურია. "ღებ" სვანურად გეჯას ნიშნავს. ასევე ვნახულობთ საერთოს ონის სახელწოდებასთანაც, რომელიც ემთხვევა ეგვიპტური მზის ღვთაების სახელს. ეგვიპტური ქალაქ ჰელიოპოლისის სახელწოდება ბერძნულია და მას ეგვიპტურად ერქვა ონი.

ირკვევა, რომ მესტიის ძველი სახელწოდება ყოფილა "სეთი'', ხოლო თავკუდიანი მგლის ტყავის მოსხმის ჩვეულებამ აქ  მეოცე საუკუნემდე მოაღწია. თვით ეგვიპტური წყაროების ზოგიერთი ვერსიით, სეთი ჩრდილოელი იყო (ისევე როგორც რა და ოზირისი). მან ეგვიპტეს ომში დახმარება გაუწია და თეთრი პირისახე ჰქონდა. ეგვიპტეში ხე-ტყე და ლითონის ნაწარმი მოჰქონდა, მზეს შველოდა და გველეშაპ აფოფის მოკვლა მხოლოდ მას შეეძლო, ტრაბახი უყვარდა, ოდესღაც მიჯაჭვული ჰყავდათ ჩრდილოეთში. თავდაპირველად ის ღვთაება რას ეხმარებოდა. მითის მიხედვით, სეთმა მოკლა ოზირისი და მიითვისა მისი გვირგვინი. ამის შემდეგ, სეთი და ჰორი ერთმანეთს ებრძვიან სამყაროზე სრული ძალაუფლების მოსაპოვებლად.

ჯონ დის მაგიური კრისტალი

ლეგენდარულ დოქტორ ჯონ დის  მთელ ევროპაში ჰქონდა სახელი განთქმული. ყველა ქვეყნის მონარქს სურდა მისი კარზე ყოფნა. ჯონ დი გახლდათ ჰენრიხ VIII-ის კარის ოფიცრის ვაჟი. განათლება კემბრიჯში, ჰოლანდიასა და ბელგიაში მიიღო. ის ასწავლიდა კარლ V-ს გეომეტრიას. ჯონ დი გახლდათ ბრწყინვალე მათემატიკოსი და ასტრონომი, ბუნებისმეტყველი, კლასიკური ენების მცოდნე, საკუთარი, ერთ-ერთი უმსხვილესი  ბიბლიოთეკის მფლობელი ევროპაში, გამოჩენილი ფილოსოფოსი. მარია I ტიუდორმა ის მეფის ასტროლოგად დანიშნა. დიმ ელისაბედს უწინასწარმეტყველა სამეფო ტახტზე ასვლა,  რაც აცხადდა კიდეც. ელისაბედ I მფარველობას არ აკლებდა ჯონ დის, რაც მეცნიერს დიდ გასაქანს აძლევდა მეცნიერულ მოღვაწეობაში. მას დედოფალ ელისაბედის "მერლინიც" კი შეარქვეს. პირველ რიგში ის მაინც მეცნიერად რჩებოდა.  სწორედ მან შექმნა მექანიკური რობოტები და ტელესკოპი.  მანვე პირველმა წამოაყენა წინადადება მზის ენერგიის გამოყენების შესახებ უზარმაზარი სარკის ფოკუსირებით. დი ადგენდა გეოგრაფიულ რუკებს და  ჩრდილოეთ ამერიკის დასახლების გეგმას.

არსებობს სარწმუნო თეორია, რომ დი თავდაპირველად ჯაშუშობდა მარია ტიუდორის სასახლეში ელიზაბეტის სასარგებლოდ. შემდეგ იგივეს აკეთებდა მოგვიანებით ევროპაში მოგზაურობისას. ამასთან, თავის დასმენებს ხელს აწერდა როგორც "007", რაც ოთხასია წლის შემდეგ გამოიყენა იან ფლემინგმა წიგნების წერისას ჯეიმს ბონდზე.

რა საიდუმლოს ინახავს ლაბირინთები ( ნაწილი IV )

 მიუხედავად ეგვიპტური ლაბირინთის მასშტაბებისა, ყველაზე ცნობილი მაინც კრეტაზე არსებული ლაბირინთი გახლავთ, ვინაიდან ანტიკურ ეპოქაში ლაბირინთი ასოცირდებოდა მინოტავრის ლაბირინთთან კნოსოში. ჰეროდოტე და პლინიუსი ეგვიპტის, კრეტის ლაბირინთთან ერთად ახსენებენ რომის ლაბირინთსაც. პლინიუსის თანახმად რომის ლაბირინთი დიდი ეტრუსკი მხედარმთავრის ლარსას სამარხი გახლდათ. პლინიუსს თავად არ უნახავს ეს სამარხი, მაგრამ ის ეყრდნობა ვარონის მონაცემებს.

 ყველაზე სახელგანთქმული მაინც მინოტავრის ლაბირინთია კრეტაზე. მითის მიხედვით კრეტის მეფე მინოსმა დედალოსს შეუკვეთა მისი აგება და სახელად ლაბირინთი უწოდა. ლაბირინთი განკუთვნილი იყო მინოტავრისთვის, რომელიც ნახევრად ხარი და ნახევრად ადამიანი იყო. სავარაუდოდ ლაბირინთში სრულდებოდა რიტუალური ცეკვები.

20000 წლის ტრანსფორმატორი

შარ-პლანინის მთიანი მასივის ტერიტორიაზე კოსოვოში ფოტოგრაფმა და მკვლევარმა ისმეთ სმაილიმ აღმოაჩინა უცნაური არტეფაქტი, რომელიც კაცობრიობის ცივილიზაციის ოფიციალურ ისტორიას არ ესადაგება.

ეს გახლავთ უცნაური ფორმის ქვა, როემლშიც ჩამონტაჟებულია ელექტრომაგნიტური კოჭა.

კოჭა სპილენძის მავთულებისგანაა დამზადებული. ის უბრალოდ კი არ გახლავთ მოთავსებული ქვაში, არამედ ქვასთან ერთად წარმოადგენს ერთ მთლიანს, თითქოს ქვა გაადნეს და შემდეგ მისცემს მას საჭირო ფორმა ტრანსფორმატორის  შესაქმნელად.

ურბანო მონტეს იდუმალებით მოცული რუკა

ეს გახლავთ 430 წლის წინ შექმნილი რუკა, რომელიც ურბანო მონტეს ეკუთვნის.  მკვლევარებმა რესტავრაცია გაუკეთეს ურბანო მონტეს მსოფლიო ატლასის 60 გვერდს. მასზე გამოსახულია უცნაური არსებები: მარტორქა სიბირინი, გემი-ამბირანტი და საშინელი გიგანტური ფრინველები.

რუკა 1587 წელსაა შექმნილი და მისი ავტორი როგორც უკვე აღვნიშნეთ გახლავთ ურბანო მონტე. მონტე დაიბადა შეძლებულ ოჯახში, მილანში. ბავშვობიდან გატაცებული იყო გეოგრაფიით.  მან ატლასის შექმნას 18 წელი მოანდომა. მის რუკაზე დედამიწა  ისეთია, როგორიც ის სივრციდან ჩანს უშუალოდ ჩრდილოეთ პოლუსის ზემოდან.

ამოუცნობი ეგვიპტე_ფარაონთა განსასვენებლის მაგიური მცველები

ეგვიპტელი ფარაონების ქონების უსაფრთხოება, რომელსაც მათ გარდაცვალების შემდეგ ატანდნენ, მეტად აღელვებდა განსასვენებლის მშენებლებს. მძარცველებისგან მის დასაცავად ისინი აწყობდნენ საკმაოდ ჭკვიანურ ხაფანგებს,  ცრუ გასასვლელებს, კამერებსა და ყალბ სამარხებს.  ქურუმები კი ყველაზე მეტად წყევლას ენდობოდნენ.

შუა საუკუნეების არაბი ისტორიკოსები აღწერენ  პირამიდის მაგიურ მცველებს. ერთ სამარხს იცავდა ქანდაკება რომლის შუბლში დამალული იყო "გველი". ის თავს ესხმოდა ყველას, ვინც მიუახლოვდებოდა. სხვა განსასვენებელს იცავდა შავი და თეთრი ონიქსის კოლოსი მშვილდისრით ხელში. საკმარისი იყო ვინმეს გამოჩენა, ქანდაკებიდან მაშინვე მოისმოდა  ყრუ ხმა და დაუპატიჟებელი სტუმარი უსულოდ ეცემოდა. მესამეს იცავდა ქვის მცველი, რომელსაც ისეთი გაუგონარი ძალა ჰქონდა, ადამიანს უმალ მიწაზე ანარცხებდა.

რა საიდუმლოს ინახავს ლაბირინთები (ნაწილი III)

                                                                              "ლაბირინთის ისტორია ხანგრძლი,
                                                                                რთული და ჩახლართულია, როგორც
                                                                                ადამიანის ცხოვრება"-სოკრატე

ყველაზე დიდი ლაბირინთის ისტორია უკავშირდება ეგვიპტეს.

ჰეროდოტე აღწერდა ეგვიპტის ლაბირინთს, რომელიც მდებარეობდა ნილოსის დასავლეთით-დღევანდელი კაიროდან 80 კმ-ს მოშორებით. ისტორიკოსების აზრით ეს ლაბირინთი იყო ცენტრი, საიდანაც ფარაონები მართავდნენ ქვეყანას. ძირითადად მას რელიგიური დანიშნულება ჰქონდა. ამ სატაძრო კომპლექსში სწირავდნენ მსხვერპლს ეგვიპტის ყველა ღვთაებას. მოსულ სტრუმრებს უფლება არ ქონდათ დაეთვალიერებინათ ლაბირინთის მიწისქვეშა ნაგებობა. იქ ტარდებოდა ოზირისისადმი მიძღვნილი რელიგიური რიტუალი. მას სწირავდნენ ხარ-აპისს. ფიქრობდნენ, რომ ლაბირინთი თავისი დახლართული გადასასვლელებით იცავდა მეფე-ღმერთს ამ და იმქვეყნიურ ცხოვრებაში. თავად ლაბირინთი იყო მაღალი კედლით გარშემორტყმული ნაგებობა სამი ათასი ოთახით. რომლის ნახევარი მიწისქვეშ იყო განთავსებული. ლაბირინთის საერთო ფართი გახლდათ 70 ათასი კვ.მ.

ლეგენდარული პლუტონის კარიბჭე

"პლუტონის კარიბჭე" გახლავთ ანტიკური ხანის არქეოლოგიური ძეგლი, რომელიც აღმოაჩინეს 2013 წელს თურქეთის ტერიტორიაზე, უძველეს ქალაქ ჰიერეპოლისში-თანამედროვე დენიელი.

"პლუტონის კარიბჭე" აგებული იყო გამოქვაბულთან, საიდანაც მომწამვლელი გაზები გამოდიოდა. თვლიდნენ, რომ კარიბჭე მკვდართა საუფლოში შესასვლელი გახლდათ, რომელსაც ბერძნულ-რომაული მითოლოგიის მიხედვით მართავდა პლუტონი (ან ჰადესი). ამ ადგილზე სრულდებოდა რიტუალები და მსხვერპლშეწირვა  ღმერთის პატივსაცემად.

კარიბჭე აღწერა სტრაბონმა. ის წერდა: "ეს სივრცე ისეთი სქელი ნისლითაა დაფარული, რომ შეუძლებელია მიწის დანახვა.   შემთხვევით შიგნით  მოხვედრილი ცხოველი უმალვე განუტევებს სულს. ბეღურები გადავყარე იქ, მათ უკანასკნელად ამოისუნთქეს და სული განუტევეს".

ამოუცნობი ეგვიპტე_"თოთის წიგნი" და "ტაროს ბანქო"

არსებობს  XV საუკუნის გადმოცემა, რომლის თანახმად საიდუმლო საზოგადოება, რომელიც ფლობდა "თოთის წიგნს" და ავრცელებდა  მოკლე შინაარს ყველასათვის ხელმისაწვდომ ბარათებზე,  გახლდათ  ტაროს თამაშისთვის განკუთვნილი ბანქო. პირველად ეს აზრი გამოთქვა ფრანგმა მკვლევარმა კურტ დე ჟებელენმა.

ჟებელენი პირველი იყო ვინც ყურადღება მიაქცია ტაროს ბანქოს.  ის ამტკიცებდა, რომ ტაროს მივყავართ "ეგვიპტურ ტრადიციასთან". ჟებელენის წინაშე კაცობრიობა დავალებულია იმით, რომ მან პირველმა მიაქცია მოაზროვნე ადამიანთა  ყურადღება ბანქოს ფარულ საკრალურ მხარეზე. მანამდე ბანქო მხოლოდ აზარტული თამაშების საგანი გახლდათ. წიგნში "პირველყოფილი ბუნება" ჟებელენი აცხადებს თითქოს  ხელი მიუწვდებოდა ძველ ეგვიპტურ წიგნებზე, რომელიც ალექსანდრიის ხანძარს გადაურჩა. ძველ ეგვიპტურმა წიგნმა-ტაროს ბარათებმა სათამაშო ბანქოს სახით მოაღწია ჩვენამდე. 

ტაროს ბანქო ყოველთვის იყო ინტერესის ობიექტი. ის გამოჩნდა დაახლოებით 1100 წელს და შედგებოდა 78  ბარათისგან. ამბობენ, სწორედ მისგან გაჩნდა 52 ცალიანი სათამაშო და ასევე სამკითხაო ბანქო. თავიდან მას ერქვა "ნაბი"(იტალ.), რაც წინასწარმეტყველებას ნიშნავს. თავად სიტყვა ტაროს ეტიმოლოგია კი უცნობია. არსებობს ჰიპოთეზა, რომ ამ სიტყვის ეტიმოლოგია უკავშირდება ფრანგულ სიტყვას "tarot", რაც სავარაუდოდ გახლავთ ანაგრამა სიტყვისა "orta"-ordre dutemple-ტაძრელთა ორდენი. შესაძლოა ტაძრელები (ტამპლიერები) მართლაც ინახავდნენ ტაროს, მაგრამ მის გავრცელებაზე არაფერია ცნობილი. ნაპოლეონ III-ის სახალხო განათლების დეპარტამენტის ბიბლიოთეკარი კრისტიან პიტუა 1876 წელს გამოცემულ წიგნში"მაგიის ისტორია" წერს, რომ ეგვიპტის ცივილიზაციის მთავარი საიდუმლოებანი ასახულია ტაროს ბანქოზე და მათზე მოცემულია ყველაზე არსებითი, რაც იყო "თოთის წიგნში".

ამოუცნობი ეგვიპტე_ამენთის დარბაზები

როცა თოთს ეგვიპტის დატოვების დრო მოუვიდა, მან აღმართა დიდი პირამიდა ამენთის დარბაზების შესასვლელთან, ჩაწერა ეს ქრონიკებში და ამ საიდუმლოების დასაცავად დანიშნა მცველები. მოგვიანებით, ამ მცველთა შთამომავლები პირამიდების რელიგიური მსახურნი გახდნენ, ხოლო თოთი ჩამოწოლილი წყვდიადის დროს, რაც მის წასვლას მოჰყვა, აიყვანეს სიბრძნისა და ჟამთააღმწერი ღმერთის რანგში.

გადმოცემით, ე.წ. ''დედამიწის საშო'' ანუ ''ამენთის დარბაზები" განლაგებულია 1600 კმ-ის სიღრმეზე პირამიდის ქვეშ. როგორც ამბობენ, ისინი არსებობს არა ამ მატერიალური სივრცის ოქტავაში( მაგიური 8), არამედ სივრცით კვანძში, რომელიც განცალკევებულია სხვა სივრცეებისგან. ამისთვის საჭიროა ჩვენი სივრცითი კვანძის დატოვება. არსებობს რამდენიმე სხვადასხვა ადგილი,  სადაც ამის განხორციელებაა შესაძლებელი: ოკლაჰომის გოგირდის წყაროები, შასტას მთა-კალიფორნიაში, შამბალა-ტიბეტში, ეგვიპტის დიდი პირამიდა, შავი ტყე-გერმანიაში, ბენარესი-ინდოეთში, ატლასისი მთები-აფრიკაში. ამენთის დარბაზები იგივე გამრუდებული სივრცეა-მეოთხე განზომილება, რომელიც გარკვეულწილად უკავშირდება ჩვენ მესამე განზომილებას და შეერთებულია დიდ პირამიდასთან მეოთხე განზომილების დერეფნით. იქ თითქოს არსებობს ოთახი, რომელიც ფიბონაჩის პროპორციებზეა დაფუძნებული. ოთახის შუაგულში კუბია. კუბის თავზე ალი ჩანს. მისი სინათლე არის წმინდა პრანა-გონი, რომელიც პლანეტარულ ''კვერცხს" წარმოადგენს, რომლის დანიშნულებაა ადამიანისთვის ახალი ევოლუციის გზის ჩვენება და დაწყება.

 

დიდ პირამიდაში არსებობს ოთახი, რომლის ჩასასვლელი უსაფრთხოების მიზნით 1984 წელს დახურეს მნახველებისთვის და რკინის კარები დაუყენეს, ვინაიდან იქ მოხვედრილი ტურისტები ხშირ შემთხვევაში იღუპებოდნენ. გადმოცემით,  ეს ოთახი იყო "ჭა", სადაც მისტერიებში მონაწილე ნეოფიტს უნდა გაევლო სიმწიფის გამოცდები ფარაონის ოთახში მოხვედრამდე. ''ჭამდე''  მას უნდა ესწავლა ქურუმთა სკოლაში 24 წელი. თუ ინიციაციის მსურვლი წარჩინებით ისწავლიდა და ჩააბარებდა გამოცდებს, 24 წლის შემდეგ მას უშვებდნენ ''ჭასთან''. გადმოცემით, სწორედ ამ ოთახში იშლება ზღვარი მესამე და მეოთხე განზომილებას შორის და იქაა სივრცის კვანძი. ამიტომ იმ ადგილზე შიში და ყველანაირი აზრი მატერიალიზდება და ნეოფიტი ვარდება განსაცდელში (ეს ერთგვარი გამოცდა იყო), რომელიც მას წარმატებით უნდა გაევლო. 

ლეგენდის მიხედვით, ამენთის დარბაზები იქცა მიწისქვეშა სამყაროდ, ღმერთების დარბაზებად, სადაც სული გადადიოდა სიკვდილის შემდეგ, რათა წარმდგარიყო სასამართლოს წინაშე. მოგვიანებით თოთის სული გადადიოდა სხვების სხეულში "ზურმუხტის ფილაზე" აღწერილი ხერხის გამოყენებით.

 ასე გარდაისახა ის სამჯერ. ბოლო გარდასახვის სახელი იყო ჰერმესი-სამჯერ დაბადებული. გადმოცემით ჰერმეს ტრისმეგისტოსი ითვლება ჰერმეტული ტრადიციის დამფუძნებლად, რომელიც გააგრძელა ორფეოსმა, პითაგორემ, პლატონმა. ჰერმესის უცვლელი ატრიბუტი-კვერთხი-მაგიური ძალის შემკრები. კვერთხმა ჰერმესი ღმერთად და ღმერთების მაცნედ აქცია,  გახსნა სამი სამყაროს გზა: ღმერთთა სამყაროს, ადამიანთა სამყაროს და მიცვალებულთა სამყაროსი. ჰერმესის კვერთხს გარს ორი გველი აქვს შემოხვეული.

ამოუცნობი ეგვიპტე_თოთის წიგნი "ზურმუხტის ფილები"

უკანასკნელი ექვსი ათასი წლის წინ ეგვიპტელები წარმოადგენდნენ ჯერ კიდევ ველურ ტომებს-"მოხდა ისეთი რამ, რამაც გასაოცარ მოკლე დროში ნახევრად არაბული ტომების კონგლომერატი, რომელიც ნილოსის ნაპირებთან ცხოვრობდა, გადააქცია მაღალცივილიზებულ სახელმწიფოდ, რომელმაც 3000 წელი იარსება. მომხდარის შესახებ შეგვიძლია მხოლოდ ვარაუდების გამოთქმა, მაგრამ არქეოლოგიური მონაპოვრები  ბევრ მასალას იძლევა. იმედი ვიქონიოთ, რომ მომავალი აღმოჩენები ყველაფერზე გაგვცემს პასუხს-ლეონარდ კოტრელი

ეგვიპტური მითოლოგიის მიხედვით, თოთმა (მოგვიანებით ჰერმესი)-ატლანტთა ქურუმ მეფემ დააფუძნა კოლონია ძველ ეგვიპტეში. ის იყო დიდი პირამიდის ამგები. მან მოახდინა ატლანტთა ძველი ცოდნისა და სიბრძნის ინტეგრირება. 16 000 წლის განმავლობაში მართავდა ეგვიპტელთა ძველ რასას. თოთი უკვდავი იყო.  განუზომელმა სიბრძნემ  ის ბევრი კოლონიის მმართველად აქცია სამხრეთ და ცენტრალური ამერიკის ჩათვლით.